Fréttablaðið - 05.08.2005, Blaðsíða 12

12 5. ágúst 2005 FÖSTUDAGUR
Tvö af hverjum þremur slysum sem aldraðir verða fyrir verða á eða við heimili þeirra:
Daglega slasast fimm eldri borgarar
HEILBRIGÐISMÁL Tæplega tvö af
hverjum þremur slysum sem
eldri borgarar urðu fyrir árið
2003 áttu sér stað á eða við
heimili þeirra. Flest slys innan
veggja heimilisins urðu í svefn-
herbergi, stofu eða í eldhúsi.
Þetta kemur fram í skýrslu
sem Landlæknisembættið hefur
tekið saman. Hún er byggð á
gögnum Slysaskrár Íslands og
slysadeildar Landspítans.
Í skýrslunni kemur fram að
árið 2003 leituðu samtals 1.835
einstaklingar 65 ára og eldri til
slysadeildar Landspítala -
háskólasjúkrahúss, eða fimm að
meðaltali dag hvern.
Fall var langalgengasta orsök
áverka sem fólkið hlaut, í rúm-
lega 67 prósentum tilvika.
Alvarlegustu meiðslin voru
beinbrot, oftast á framhandlegg
en einnig á lærlegg. Nærri 600
manns í þessum aldurshópi
hlutu beinbrot af einhverju tagi
árið 2003.
Af þeim hópi eldri borgara
sem leitaði til slysadeildar á ár-
inu fór langstærsti hópurinn
heim að lokinni skoðun eða 75
prósent. Leggja þurfti 18 pró-
sent þeirra sem lentu í slysun-
um inn á spítala.
-jss
Keppt um jar›ir í Kelduhverfi
SUMARHÚSABYGGÐ Hreppsnefnd
Kelduneshrepps hefur samþykkt
tilboð þriggja forsvarsmanna
Húsavíkurbæjar og eiginkvenna
þeirra í jörðina Eyvindarstaði í
Kelduhverfi, sex milljónir króna.
Alls bárust sex tilboð í jörðina og
átti Lífsval ehf. næsthæsta tilboð-
ið, 5,2 milljónir króna, en fyrir-
tækið hefur á undanförnum miss-
erum keypt jarðir vítt og breitt
um landið.
Þeir stjórnendur Húsavíkurbæj-
ar sem áttu hæsta tilboðið í Eyvind-
arstaði eru: Reinhard Reynisson
bæjarstjóri, Hreinn Hjartarson,
veitustjóri Orkuveitu Húsavíkur, og
bróðir hans Gaukur Hjartarson,
framkvæmdastjóri umhverfis- og
framkvæmdaráðs Húsavíkurbæjar.
Engar fasteignir eru á Eyvind-
arstöðum en jörðin er um 400 hekt-
arar að stærð og henni fylgja smá-
vægileg veiðiréttindi í Litluá.
Hreinn Hjartarson segir að nýir
eigendur hyggist stofna félag um
rekstur sumarhúsabyggðar á jörð-
inni og ýmist selja eða leigja út
stórar sumarhúsalóðir. „Jörðin er í
miðju Kelduhverfi, um fimmtíu
kílómetra frá Húsavík og átta kíló-
metra frá Ásbyrgi, og því vel stað-
sett með tilliti til sumarhúsabyggð-
ar. Líklega verða þar 20 til 30
sumarhúsalóðir en hluti svæðisins
fer undir skógrækt,“ segir Hreinn.
Ingvar J. Karlsson, einn eigenda
Lífsvals, segir félagið nú þegar
eiga tvær jarðir í Kelduhverfi,
Garð I og Garð II. „Samanlagt eru
þessar tvær jarðir fleiri þúsund
hektarar að stærð. Veiðiréttur í
Litluá fylgir þeim báðum og til-
gangurinn með því að bjóða í
Eyvindarstaði var að auka okkar
hlut í ánni. Það er vel hugsanlegt að
við bjóðum í fleiri jarðir í Keldu-
hverfi með það fyrir augum að
auka notkunarmöguleika jarðanna
og réttlæta fjárfestingar á svæð-
inu,“ segir Ingvar.
Veiðifélagið Laxá selur veiði-
leyfi í Litluá og segir Ágúst Karl
Ágústsson að í Litluá sé mikið af
vænum urriða og bleikju. „Litlaá er
eitt af best varðveittu leyndarmál-
um Norðurlands hvað snertir
urriða- og bleikjuveiði,“ segir
Ágúst.
kk@frettabladid.is
firír af forsvarsmönnum Húsavíkurbæjar hafa keypt jör›ina Eyvindarsta›i í Kelduhverfi og ætla a› koma
flar á fót sumarhúsabygg›. Lífsval ehf. á tvær jar›ir í Kelduhverfi og sóttist einnig eftir Eyvindarstö›um
me› vei›iréttindi í Litluá í huga. Félagi› íhugar fleiri jar›akaup í Kelduhverfi.
UNAÐSREITUR Horft frá Ásbyrgi til Öxarfjarðar, Kelduhverfi á vinstri hönd. Sumarhúsabyggðin á Eyvindarstöðum verður í átta kílómetra fjarlægð frá Ásbyrgi.
M
YN
D
/Þ
Ó
R
G
ÍS
LA
edda.is
númer eitt
Kvenspæjarastofa
Bækurnar um Kvenspæjarastofu
númer eitt hafa slegið í gegn á
Íslandi jafnt sem annars staðar í
heiminum enda einstakar sögur sem
hafa að geyma sjaldgæfa blöndu af
spennu, gamansemi og mannúð.
3. PRENTUN
KOMIN Í
VERSLANIR
YFIR 8000
EINTÖK
SELD
HUNDURINN SNUPPY ÁSAMT LÆRIFEÐR-
UM SÍNUM Suður-kóreskir vísindamenn
hafa klónað hund í fyrsta skipti. Hundurinn
er af afganhundakyni og heitir Snuppy.
Suður-kóreskir vísindamenn:
Klónu›u hund
SEÚL, AP Suður-kóreskum vísinda-
mönnum hefur tekist að klóna
hund. Hundurinn er nú fjórtán
vikna gamall og hefur hlotið
nafnið Snuppy. Snuppy er af
afganhundakyni og þroskast eðli-
lega að sögn vísindamanna.
Vísindamönnunum tókst fyrr
á þessu ári að einangra stofn-
frumur úr fósturvísum til lækn-
inga. Vonast þeir til að tilraunir
þeirra skili sér í framförum við
meðhöndlun sjúkdóma í mönn-
um.
Apar eru mjög mikilvægir í
læknavísindum sökum skyldleika
þeirra við menn. Vísindamenn-
irnir segja þó enn tæknilega
ómögulegt að klóna apa. - ht
M
YN
D
/A
P
SLASAÐIR EFTIR KYNI OG ALDRI Á 1.000 ÍBÚA 65 ára og eldri árið 2003.