Fréttablaðið - 26.08.2005, Blaðsíða 12

MÓTMÆLT Í BANGLADESS Kona heldur á
mótmælaskilti í árlegum mótmælum í
Dhaka þar sem konur í Bangladess krefjast
réttar til stjórnmálaþátttöku á við karla.
12 26. ágúst 2005 FÖSTUDAGUR
Búið að ráða í nær allar lausar stöður í leikskólum á Akureyri:
Hátt hlutfall mennta›ra kennara
LEIKSKÓLAR Mun betur gengur að
manna leikskólana á Akureyri en í
Reykjavík og Kópavogi og er búið
að ráða í nær allar lausar stöður
hjá leikskólum bæjarins. Gunnar
Gíslason, deildarstjóri skóladeild-
ar, segir þar muna mestu um hátt
hlutfall menntaðra leikskólakenn-
ara á leikskólunum fyrir norðan
en Háskólinn á Akureyri hafi út-
skrifað marga leikskólakennara á
undanförnum árum. „Okkur hefur
því gengið vel að fá menntaða
kennara og starfsmannaveltan
hefur dregist verulega saman á
undanförnum árum þar sem
okkur hefur tekist að halda í kenn-
arana,“ segir Gunnar.
Hlutfall menntaðra leikskóla-
kennara er 67 prósent á Akureyri
en 40 prósent í Reykjavík. Auk
þess gengur betur að fá ófaglærða
starfsmenn til starfa á leikskólum
á Akureyri en á höfuðborgar-
svæðinu.
Helena Karlsdóttir, forstöðu-
maður Svæðisvinnumiðlunar
Norðurlands eystra, telur ýmsar
ástæður liggja að baki og segir að
hugsanlega eigi hátt hlutfall
kvenna á atvinnuleysisskrá á
Akureyri einhvern þátt en telur
minna framboð af störfum á
Akureyri en á höfuðborgarsvæð-
inu þó vega þyngra.
- kk
MILLJÓNIN AFHENT Birkir Þór Bragason,
Ástríður Pálsdóttir, Martha Ósk Kjartans-
dóttir, Bergþór Már Arnarson og Kjartan H.
Kjartansson.
Arfgeng heilablæðing:
Milljón til
rannsókna
STYRKTARTÓNLEIKAR Bergþór Már
Arnarson, sem stóð fyrir styrktar-
tónleikum til rannsóknar á arf-
gengri heilablæðingu í Smáralind-
inni í apríl, afhenti Ástríði Pálsdótt-
ur, lífefnafræðingi við Tilraunastöð-
ina á Keldum, 1.010.770 krónur, sem
var ágóði tónleikanna.
„Unnusta mín lést í febrúar af
völdum sjúkdómsins,“ segir Berg-
þór. „Mér fannst þetta svo sérstakt,
þar sem þessi sjúkdómur finnst ein-
ungis hér á landi. Því ákváðum við
fjölskylda hennar að vinna að þessu
verkefni.“ Bergþór segir tónleikana
hafa verið stórkostlega, og ekki hafi
verið síðra að allir gáfu sína vinnu
og framlög til þeirra. - ss
Kærir lögmann
Húseigenda-
félagsins fyrir
ærumeiðingar.
Erna kærð fyrir
að selja syni
sínum íbúð
LÖGREGLUFRÉTTIR
KLIPPT AF BÍLUM Lögreglan í
Hafnarfirði og Garðabæ klippti
númer af þrettán bifreiðum í
fyrrinótt sem eigendur höfðu
ekki hirt um að greiða ábyrgðar-
tryggingar af á réttum tíma.
Ókeypis á netið:
Kringlan er
heitur reitur
UPPLÝSINGATÆKNI Gestir og gang-
andi geta tengst netinu ókeypis í
Kringlunni í Reykjavík eftir að Og
Vodafone opnaði þar svokallaðan
Heitan reit (Hot Spot), en það er
þráðlaus háhraðanettenging. „Heit-
ur reitur gerir gestum með fartölv-
ur mögulegt að vafra um á Netinu,
sýsla með tölvupóst og miðla gögn-
um sín á milli,“ segir í tilkynningu
félagsins, en einnig verður hægt að
tengjast skólanetum um svokölluð
vinnuhlið (VPN-gátt og TELNET).
Kringlan er því orðin stærsta
þráðlausa netsvæði landsins sem er
ætlað almenningi; um 20 þúsund
fermetrar. - óká
LEIKSKÓLABÖRN Á AKUREYRI Á leikskólunum á Akureyri er hlutfall menntaðra leikskóla-
kennara 67 prósent en 40 prósent í Reykjavík.
FR
ÉT
TA
B
LA
Ð
IÐ
/K
R
IS
TJ
ÁN
OLÍUVERÐ Sérfræðingar búast við
að olíuverð lækki á næstu misser-
um, þrátt fyrir að olíufatið hafi í
gær farið í 68 dali á fat í Asíu og
verð hafi aldrei verið hærra.
Í Morgunkornum Íslandsbanka
kemur fram að samkvæmt sér-
fræðingum Morgan Stanley-
banka séu miklar hækkanir
undanfarinna mánuða til komnar
vegna aukinnar eftirspurnar og
að þar með sé innbyggð ákveðin
leiðrétting ef hægja fari á hjólum
efnahagslífs iðnríkjanna.
Olía kostaði rúmlega tuttugu
dali á fat um áramótin 2001 til
2002 og hefur verð síðan hækkað
jafnt og þétt. Sérfræðingar Morg-
an Stanley telja að meðalverð
olíufats verði 48 dalir þetta ár og
næsta og muni líklega staðnæm-
ast í 38 dölum um síðir.
Hækkanir undanfarinna daga
eru raktar til þess að gengið hefur
á umframbirgðir Bandaríkja-
manna, auk þess sem eftirspurn
Kínverja hefur aukist. Ekki bætti
heldur úr skák að loka varð olíu-
vinnslustöðvum við Mexíkóflóa
vegna hættu á fellibyljum. - jsk
NÓG AÐ GERA HJÁ KAUPENDUM OG SELJENDUM Olían heldur áfram að hækka og fór í
rúma 68 dali í gær. Sérfræðingar telja þó líklegt að verðhækkanir gangi til baka.
M
YN
D
/A
FP
Sérfræðingar spá allt að þriðjungs verðlækkun:
Olíuver› aldrei veri› hærra
Næsta lota vi›ræ›na a› hefjast
Fulltrúar Bandaríkjamanna og Íslendinga hittast í næsta mánu›i hér á landi til a› ræ›a framtí› herstö›v-
arinnar á Keflavíkurflugvelli. Laga flarf starfsemina a› núverandi öryggishagsmunum a› mati banda-
rískrar nefndar sem n‡veri› skila›i flingi og forseta sk‡rslu um starfsemi herstö›va.
VARNARSAMNINGURINN Nefnd á
vegum bandarískra stjórnvalda
leggur til að varnarsamningur-
inn við Íslendinga verði endur-
skoðaður með breytta öryggis-
hagsmuni í huga í kjölfar kalda
stríðsins. Lagt er til að endur-
skoðuð verði þörf fyrir herafla
og umsvif sjó- eða flughers hér
á landi.
Nefndin skilaði Bandaríkja-
forseta og bandaríska þinginu
um 200 blaðsíðna skýrslu 15.
ágúst síðastliðinn. Í niðurstöð-
um skýrslunnar eru aðeins átta
tillögur og lýtur ein þeirra ein-
vörðungu að varnarsamningn-
um við Ísland.
Í bréfi með skýrslunni segj-
ast nefndarmenn vona að hún
veki og styrki þjóðlega vitund
um hve mikilvæg staðsetning
Bandaríkjamanna hvarvetna í
heiminum sé fyrir öryggishags-
muni þjóðarinnar. Nefndin
kveðst hafa einbeitt sér að þess-
um hagsmunum sem og aðbún-
aði hermanna og fjölskyldna
þeirra þegar þeir snúa heim frá
herstöðvum víða um heim.
Meðal þess sem nefndin legg-
ur til er að Bandaríkjaþing hafi
meira eftirlit með áætlunum
bandaríska varnamálaráðuneyt-
isins um endurskipulagningu og
samhæfingu herstöðva sinna
víðsvegar um heim. Huga verði
vel að tímaáætlunum í því sam-
bandi.
Meðal annars er fjallað um
herstöðvar Bandaríkjanna í
Japan en þar er gert ráð fyrir að
flugherinn taki við einni herstöð
af sjóhernum á Okinawa-eyju.
Lagt er til að herfylki sem
ráðgert var að snúa aftur til
Bandaríkjanna verði áfram í
Evrópu. Einnig er mælt með því
að stjórnvöld hugi að auknum
tengslum við svæði í Afríku og
Suður-Ameríku sem kunni að
verða hernaðarlega mikilvæg í
framtíðinni.
Viðræður um framtíð her-
stöðvarinnar á Keflavíkurflug-
velli hófust í sumar. Annar fund-
ur viðræðunefnda bandarískra
og íslenskra stjórnvalda verður
hér á landi í byrjun september
næstkomandi.
Ráðgjafar og sérfræðingar á
vegum flughersins sátu fyrir
mánuði fund með yfirmönnum
herstöðvarinnar. Þar var fjallað
um rekstur hennar og búnað, en
ráðgert er að flugherinn taki við
rekstri stöðvarinnar.
johannh@frettabladid.is HERSTÖÐIN Á KEFLAVÍKURFLUGVELLI Viðræðum um umsvif herstöðvarinnar á Kefla-
víkurflugvelli í framtíðinni verður fram haldið í næsta mánuði.
KRINGLAN ORÐIN ÞRÁÐLAUST NETSVÆÐI
Um fimmtán þúsund manns leggja leið sína
í Kringluna á degi hverjum og eiga þess nú
kost að tengjast netinu þráðlaust hvar sem
þeir eru staddir í húsinu.