Fréttablaðið - 28.09.2005, Blaðsíða 17

MIÐVIKUDAGUR 28. september 2005 17
til að rugla umræðuna. Við skul-
um bara sjá hvað gerist í dómstól-
unum. Hvort að þessu máli verði
vísað frá. Þá liggur það fyrir og
gott fyrir þá. Eða hvort þeir verða
sakfelldir. Við fáum bara að sjá
þetta ...
JH: En Davíð. Heldur þú að sé
til eitthvað sem heitir bara venju-
leg og heiðarleg og fagleg blaða-
mennska?
DO: Það vona ég nú. Þegar ég
var starfandi á þessum vettvangi
vonaðist ég til að það væri og það
væri mjög vont ef þessi spurning
ætti rétt á sér.
GP: En það voru aðrir tímar þá.
Ritstjórar sátu þingflokksfundi
og svo framvegis. Manni finnst
eima svolítið eftir af þessu and-
rúmslofti. Þegar blöðin voru í
meiri tengslum við stjórnmála-
flokkana.
DO: Ég heyri það. Þér er mikið
í mun. Þú varst nú starfandi á
Þjóðviljanum og þekktir þetta vel.
Þér er mikið í mun að koma þessu
máli yfir á Sjálfstæðisflokkinn.
GP: Ég er að gefa þér færi á að
svara því sem fólk er að tala um
og búið að fjalla um í dagblöðum
lengi. Um fund Styrmis Gunnars-
sonar og Kjartans Gunnarssonar
varðandi Jón Steinar og ég er að
spyrja þig hvað þér finnist um
það.
DO: Heyrðu. Ég var að segja
það áðan og búinn að svara því
öllu saman. Ég get upplýst eitt. Og
auðvitað er það stórkostlegt sam-
særi. Ég er að hætta í ríkisstjórn á
afmælisdegi Jóns Steinars Gunn-
laugssonar. Það er gríðarlegt sam-
særi. Ég skal gefa skýringar á því
seinna af hverju það var gert.
[...]
BB: (Spyr meðal annars um
fjölmiðlafrumvarpið).
DO: Ég get ekki neitað því að
allir sem horfa á fjölmiðlamálið
núna sakna þess að frumvarpið
var ekki afgreitt. Held ég. Það
var mikill skaði og tilræði við
þjóðarhag finnst mér.
JH: Hver er kjarninn í þess-
um áhyggjum þínum af fjölmiðl-
um nútímans á Íslandi?
DO: Þegar til að mynda eins
og gerst hefur núna, að auðhring-
ar sem hafa gríðarleg ítök í öllu
þjóðlífinu, hafa síðan sölsað und-
ir sig alla helstu fjölmiðlana, að
þá er komin samlegð sem engin
þjóð, engin þjóð, hefur þolað. Og
hvað þá lítil þjóð. Við sjáum öll
misnotkunina á þessum fjölmiðl-
um núna. Hvert mannsbarn sér
það, hvern einasta dag. Og það er
afskaplega óhollt. Hollir, góðir
sterkir fjölmiðlar eru mjög mik-
ilvægir. Og að þeir séu fjöl-
breyttir og það sé ekkert efast
um að eitthvað annarlegt búi á
bak við þá. Auðvitað er það svo
að allir eigendur hafa áhrif á það
sem þeir eiga. Það er mjög þýð-
ingarmikið og þá gagnvart fjöl-
miðlum að það komi ekki fram.
JH: Finnst þér eitthvað annar-
legt hafa búið að baki hjá Morg-
unblaðinu?
DO: Ég held að eigendum
Morgunblaðsins og ég held að
það sé ekki um það deilt að þeir
hafa ekki skipt sér mikið af því
blaði. Ég held að það sé ekki um
það deilt.
JÓHANN HAUKSSON
johannh@frettabladid.is
FRÉTTAVIÐTAL
Maurar verja þau tré sem þeim líst best á:
Sprauta mauras‡ru í a›rar trjátegundir
NÁTTÚRAN Maurar í regnskógum
Suður-Ameríku nota eitur til að
grisja þær plöntur sem þeir telja
óhagstæðar búsetu sinni. Þetta er
niðurstaða nýrrar rannsóknar sem
greint er frá í vísindaritinu Nature.
Vísindamenn vildu komast að
því hvers vegna aðeins ein trjáteg-
und, Duroia hirsuta þrífst í svo-
nefndum djöflagörðum á sumum
svæðum í regnskógum Amazon.
Þeir töldu koma til greina að trén
sjálf útrýmdu öðrum tegundum eða
að maurar af tegundinni
Myrmelachista schumanni væru af
einhverju ástæðum valdir að þessu.
Í samanburðarrannsókn kom í
ljós að þar sem maurarnir voru
fjarverandi döfnuðu aðrar trjáteg-
undir ágætlega og nánari athugun
sýndi að maurarnir sprautuðu
maurasýru í laufblöð annarra trjáa.
Talið er að maurunum hugnist ofan-
greind trjátegund sérlega vel við
búsgerð sína og því kjósa þeir að
eitra fyrir öðrum trjám sem þrengt
geta að eftirlætisviðnum þeirra.
„Þetta er í fyrsta sinn sem við sjá-
um maura nota maurasýru til þess-
ara nota, vanalega beita þeir henni
til að vara hvern annan við eða
verja bústaði sína,“ sagði Deborah
Gordon, prófessor við Stanford-há-
skóla og einn höfunda rannsóknar-
innar, í samtali við vefútgáfu BBC.
- shg
MARGUR ER KNÁR ÞÓTT HANN SÉ SMÁR Þótt maurar séu agnarsmáir er hug-
kvæmni þeirra umtalsverð.
FULLVELDISDANS Norður-Kóreumenn
fagna því að 60 ár eru liðin frá því að þeir
losnuðu undan japönskum yfirráðum. Því
er mikið um dýrðir í höfuðborginni Pjongj-
ang um þessar mundir
M
YN
D
/A
P