Fréttablaðið - 28.09.2005, Qupperneq 42

MIÐVIKUDAGUR 28. SEPTEMBER 2005 MARKAÐURINN18
H É Ð A N O G Þ A Ð A N
Mark Keatley er nýkominn í hóp helstu
stjórnenda Actavis. Hann var ráðinn fram-
kvæmdastjóri fjármálasviðs í lok sumars.
Hann hefur mikla reynslu af fjármálastjórn
og einnig af fyrirtækjum í heilbrigðisgeir-
anum. Hann var stofnandi og fjármálastjóri
Ardana Bioscience og fjármálastjóri lyfja-
framleiðslufyrirtækisins Famar síðustu
þrjú ár áður en hann gekk til liðs við Actavis
nú síðla sumars. „Samheitalyfjageirinn er sá
geiri iðnaðarins sem vex hvað hraðast og
hagnaðarvonin góð. Menn verða hins vegar
að vita hvað þeir eru að gera. Við verðum að
vera fljótir að þróa lyfin, standa vel að
markaðssetningu þeirra og gæta hag-
kvæmni í framleiðslunni. Actavis gerir
þetta allt vel,“ segir Mark. „Kostnaðarað-
hald í rekstri fyrirtækis eins og Actavis þarf
að vera varanlegt, því í þessum geira má bú-
ast við að verð muni lækka. Kostnaðurinn
þarf að vera lágur frá byrjun og halda áfram
að lækka. Actavis hefur góða sögu í þessum
efnum og það birtist meðal annars í því að
félagið hefur nýverið fengið 600 milljóna
evra sambankalán á góðum kjörum.“ Það
gera 45 milljarðar íslenskra króna.
ENDURTEKNING SÖGUNNAR
Mark vann um tíma í Afríku og þekkir vel að
vinna á ólíkum efnahagssvæðum og að meta
áhættu í mismunandi gjaldmiðlum. „“Ég hef
verið 25 ár í alþjóðlegum fjármálum og í
samanburði viði staði sem ég hef unnið á þá
er það að vinna hjá Actavis sem er með
starfsemi í víða um heim ekki framandi. Það
sem skiptir mestu í fjármálastjórn
er að upplýsingarnar séu ná-
kvæmar, á réttum tíma
og innihald þeirra
hjálpi stjórnendum
við ákvarðanir, auk
þess að gefa hluthöf-
um, bönkum og greining-
araðilum glögga mynd af
rekstrinum.“
Mark Keatley er löggiltur endurskoðandi
í Bretlandi, með MBA-gráðu frá Stanford,
auk menntunar í alþjóðasamskiptum og
sögu. „Fyrsta háskólagráðan mín er í sögu.
Þar lærði ég mikilvægan hlut sem er að þeir
sem ekki kunna söguna eru dæmdir til að
endurtaka hana. Það er því mikilvægt að
þekka fortíðina og læra af mistökum ann-
arra til þess að forðast að gera þau sjálfur í
framtíðinni.“
LÆRDÓMUR HJÁ FORD
Reynslan er líka góður kennari og Mark hef-
ur víðtæka reynslu meðal annars af því að
skrá fyrirtæki á markað. „Ég varði fyrstu
tíu árum starfsævinnar í að verða mér út um
þá þekkingu sem þarf til að verða góður
fjármálastjóri og hef sinnt þvi starfi síðan.
Ég vann fyrir framleiðslufyrirtæki eins og
Ford Motor og ég get sagt þér að það eru
ekki mörg fyrirtæki sem standa Ford fram-
ar þegar kemur að kostnaðarhagkvæmni. Ég
lærði mikið þar sem hægt er að nýta í hvaða
rekstri sem er.“ Síðan tók við ferill í banka-
starfsemi sem færði honum þá reynslu sem
á vantaði til að takast á hendur fjármála-
stjórn fyrirtækis. „Ég fór að vinna sem fjár-
málastjóri hjá gullnámufyrirtækinu Ashanti
Goldfield í Ghana. Okkur tókst að skrá það
fyrirtæki á markað, fyrst í kauphöll í
London og síðan á New York Stock
Exchange. Það var fyrsta afríska
fyrirtækið sem skráð var á
markaðinn í New York.
Skráningin gaf okkur
tækifæri til að taka
yfir önnur fyrirtæki.
Fyrirtækið varð eitt af
tíu stærstu gullnámu-
fyrirtækjum heims. Það varð
til þess að við drógum að lokum að okk-
ur það mikla athygli að Anglo Gold i Suður-
Afríku keypti okkur og sam-
einaði sinni starfsemi,“ segir
Mark og bætir við að með
þessum góða árangri hafi
hann unnið sig út úr starfinu.
ÁHUGI Á HEILBRIGÐISMÁLUM
„Börnin voru komin á þann
aldur og á það skólastig að
okkur fannst tímabært að
flytja aftur til Evrópu. Fyrir
utan starfið hef ég haft mik-
inn áhuga á heilsu og heil-
brigðisþjónustu í víðustum
skilningi. Konan mín er
læknir og mikið af læknum í
fjölskyldunni. Það lá því
beint við að ég færi í eitt-
hvað tengt þessu áhugamáli
mínu. Ég var einn stofnenda
líftæknifyrirtækis sem við
skráðum á markað.“ Þaðan lá
leiðin í lyfjaframleiðslu þar sem Mark
komst í kynni við Actavis.
Actavis hefur gefið út að fyrirtækið
stefni að erlendri skráningu. Það liggur því
beint við að spyrja Mark hversu mikilvæg
slík skráning sé fyrir framtíð fyrirtækisins
að skrá sig á annan markað. „Í fyrsta lagi þá
tel ég að fyrirtækið búi að því að vera skráð
á íslenska markaðnum. Hér eru fagfjárfest-
ar og fagleg greining á fyrirtækinu. Við
erum í fremstu röð og félagið hefur innleitt
alþjóðlega staðla í reikningsskilum og
stjórnun fyrirtækisins. Eftir því sem fyrir-
tækið vex á alþjóðamarkaði kemur að þeim
tímapunkti að það er rökrétt að skrá félagið
í erlenda kauphöll meðal annars til að
tryggja aukið aðgengi að fjármagni. Þar
liggur beinast við að horfa til New York og
London, án þess að nokkuð hafi verið ákveð-
ið í þeim efnum. Hvort og
þá hvenær er ekki mitt að
ákveða og mun ráðast af
framvindu rekstrarins og
mestu máli skiptir að velja
bestu tímasetninguna fyrir
hluthafa félagsins.“ Mark
segir skráningu á markað
hafa orðið flóknari eftir
hneykslismál sem hafi orð-
ið til þess að regluverk á
mörkuðum hafi oft farið út
í öfgar. „Það skiptir því
miklu í skráningarferli
sem og öðru að vanda vel
allan undirbúning.“
BÖRNIN BETRI Á SKÍÐUM
Vinnustaður Marks er í
Hafnarfirði, en fjölskyldan
býr í London. Starfinu fylgja
mikil ferðalög og fjarvistir frá fjölskyldu.
Hann segir það spurningu um skipulagningu
að geta varið tíma með fjölskyldunni. „Sem
betur fer hefur fjölskyldan mín gaman af að
ferðast og ég vonast til að þau komi hingað og
sjái það sem landið hefur upp á að bjóða.“
Áhugamálin eru einnig sameiginleg hjá
fjölskyldunni. „Ég er mikill áhugamaður um
vetraríþróttir og útivist, þannig að því leytinu
er ég á réttum stað. Ég hef gaman af skíðum
og skíðagöngu og vonast til þess að geta not-
að frítímann hér í að stunda það. Börnin mín
deila þessu áhugamáli með mér og eru miklu
betri á skíðum en ég,“ segir hann og hlær.
Hádegisverður fyrir tvo
á Vox
Hádegishlaðborð
Drykkir
Trönuberjasafi
Vatn
Alls 5.200 krónur
▲
H Á D E G I S V E R Ð U R I N N
Með Mark Keatley
framkvæmdastjóra
fjármálasviðs Actavis
Innvígsla og
innmúrun
Aurasálin hefur alltaf kunnað þá
list að afmá fingraför sín af
hverjum þeim hlut sem vera má
að komi henni í koll ef upp
kemst. Enda eru þeir ekki marg-
ir í samfélaginu sem hafa áttað
sig á því hversu mikið hreyfiafl
í íslensku viðskiptalífi Aurasálin
í raun er. Aurasálin hefur þar að
auki haft það að sið að tala
aldrei við nokkurn mann í gegn-
um síma eða tölvupóst og um-
engst aðeins fólk sem er eins
innmúrað, innvígt og innvinklað
og frekast má hugsa sér. Tryggð
vina Aurasálarinnar nær út fyrir
gröf og dauða og er algjörlega
ófrávíkjanleg á allan hátt.
Til þess að verða vinur Aurasál-
arinnar og hljóta innvígslu í
tryggðahring hennar þurfa
menn að uppfylla fjölmörg skil-
yrði sem ekki eru á margra
færi. Hið erfiðasta skilyrði er
vitaskuld innmúrunin sjálf sem
reynir verulega á hollustu við
Aurasálina og andlega getu.
Vinir Aurasálarinnar, sem vilja
hljóta ótakmarkað traust hennar
þurfa nefnilega að dveljast inn-
múraðir í tómu herbergi undir
skæru ljósi í þrjá sólarhringa og
þylja upp tryggðaeið við Aura-
sálina í sífellu. Á sextíu mínútna
fresti fá þeir rafmagnsstuð sem
eykst að styrkleika eftir því sem
tíminn líður og er boðið að losna
undan sársaukanum ef þeir að-
eins afneita Aurasálinni. Þeim
eru svo sagðar ýmis konar lygar
um Aurasálina og gefið er í skyn
að Aurasálin muni á endanum
svíkja þá.
Þeir sem standast þetta próf og
afneita ekki Aurasálinni teljast
vera innvígðir og innmúraðir.
En valdamenn þurfa að fara var-
lega. Aurasálin hefur til að
mynda ráðlagt vinum sínum að
nota aldrei nafn Aurasálarinnar
við nokkurn mann, og sérstak-
lega ekki í rekjanlegum sam-
skiptum sem óprúttnir kaupa-
héðnar og götustrákar geta svo
snúið á haus og notað gegn
Aurasálinni og vinum hennar.
(Það skal tekið fram að þegar
Aurasálin ráðleggur þá er alltaf
farið eftir þeim ráðleggingum
undanbragðalaust).
Þá hefur Aurasálin alltaf gefið
það í skyn við vini sína að þeir
ættu aldrei nokkurn tímann að
láta þess ófreistað að gleðja
Aurasálina með því að ráðast að
óvinum hennar eða gera þeim
lífið erfiðara. (Það skal tekið
fram að þegar Aurasálin gefur
eitthvað í skyn við vini sína þá
leitast vinir hennar undantekn-
ingar- og undanbragðalaust við
að uppfylla vilja hennar).
Það vill þó svo til að Aurasálin er
almennt mjög geðgóð og kristi-
leg í hugarfari og því ætti eng-
inn að þurfa að óttast reiði henn-
ar. En besta leiðin til að forðast
hana er vitaskuld að gera það
sem Aurasálin vill.
A U R A S Á L I N
Mark Keatley
Starf: Framkvæmdastjóri fjármálasviðs Actavis
Fæðingardagur: 3. nóvember 1957
Maki: Rosemary Keatley, læknir
Börn Alastair f. 1986, Nicholas f. 1991,
Olivia f. 1999
Fyrsta háskólagráðan mín er í sögu. Þar lærði ég mikilvægan hlut sem
er að þeir sem ekki kunna söguna eru dæmdir til að endurtaka hana.
Það er því mikilvægt að þekka fortíðina og læra af mistökum annarra
til þess að forðast að gera þau sjálfur í framtíðinni.
Úr gullgreftri í samheitalyf
Mark Keatley er með fjölþætta reynslu af fyrirtækjarekstri um víða veröld, meðal annars hjá Ford
Motors, gullnámufyrirtæki, líftækni og lyfjaiðnaði. Hann stýrir nú fjármálum Actavis. Hafliði Helga-
son hitti hann og ræddi reynsluna, söguna og framtíð Actavis.
MARK KEATLEY Auk góðrar menntunar og reynslu af fjármálastjórn er Mark með próf í sögu. Hann segir að þeir sem ekki
kunni söguna séu dæmdir til að endurtaka hana.