Fréttablaðið - 19.10.2005, Síða 26

Björgvin Guðmundsson
skrifar
Verðmæti söluréttarsamnings
sem Þórður Már Jóhannesson,
forstjóri Straums–Burðaráss
Fjárfestingarbanka, gerði við
stjórn bankans nemur hundruð-
um milljóna króna samkvæmt
sérfræðingum á fjármálamark-
aði sem Markaðurinn talaði við.
Samningurinn nær til tveggja
ára og tryggir að Þórður tapi ekki
á því að kaupa 150 milljón hluti í
Straumi–Burðarási. Lækki geng-
ið fær hann kaupverðið að fullu
greitt til baka auk kostnaðar
vegna lána sem hann kann að
hafa tekið. Miðað við gengið 13,5
er verðmæti 150 milljóna hluta
um tveir milljarðar króna.
Hægt er að kaupa sölurétt
eins og Þórður gerði af stjórn
Straums á markaðnum. Sérfræð-
ingar segja að verðmæti slíks
samnings sé á milli 200 og 300
milljónir króna. Þar sem bankinn
tryggi líka fjármögnunarkostnað
sé hann dýrari. Hins vegar sé
ekki hægt að fá nákvæma niður-
stöðu nema vita á hvaða kjörum
Þórður fær lánað til að kaupa
hlutabréfin og að hve miklu leyti
hann fjármagnar kaupin sjálfur
með eigin fé.
Indriði H. Þorláksson, ríkis-
skattstjóri, segist ekki geta tjáð
sig um einstaka samninga sem
gerðir eru við starfsmenn. Al-
mennt séð segir hann að öll verð-
mæti sem menn fá við gerð
samninga, eins og söluréttar-
samninga, geti verið skattskylt.
Verið sé að skoða hjá embætti
ríkisskattstjóra hvernig skatt-
leggja eigi slíka samninga.
„Svona samningur felur í sér af-
hendingu á verðmætum og þá
eru það skattskyldar tekjur,“ seg-
ir Indriði. Af slíkum tekjum
greiða menn tekjuskatt sem er
hærri en fjármagnstekjuskattur.
Hin allra síðustu ár hafa
starfsmenn frekar gert sölurétt-
arsamning við vinnuveitendur
sína en kaupréttarsamning til að
komast hjá skattgreiðslum.
Samningur Þórðar Más er ekkert
einsdæmi á markaðnum. Ef árs-
skýrslur fjármálafyrirtækja fyr-
ir árið 2004 eru skoðaðar sést að
stjórnarformaður, forstjóri og
framkvæmdastjórar KB banka
hafa gert söluréttarsamninga
fyrir 6,1 milljón hluta í bankan-
um. Einar Sveinsson, formaður
bankaráðs Íslandsbanka, er með
sölurétt á 10 milljónum hluta.
Þessir samningar eru nú verð-
lausir þar sem gengi Íslands-
banka og KB banka hefur hækk-
að langt umfram það sölugengi
sem kveðið er á söluréttarsamn-
ingunum.
Vika Frá áramótum
Actavis Group 10% 14%
Bakkavör Group 3% 80%
Flaga Group 27% -38%
FL Group 4% 45%
Grandi 1% 16%
Íslandsbanki 4% 35%
Jarðboranir 6% 9%
Kaupþing Bank 3% 36%
Kögun 2% 17%
Landsbankinn 3% 81%
Marel -1% 30%
SÍF 0% -9%
Straumur 4% 38%
Össur 11% 24%
*Miðað við gengi í Kauphöll á mánudaginn
MIÐVIKUDAGUR 19. OKTÓBER 2005 MARKAÐURINN2
F R É T T I R
G E N G I S Þ R Ó U N
Samningur Þórðar Más
hundruð milljóna virði
Ríkisskattstjóri skoðar hvernig skattleggja eigi söluréttar-
samninga starfsmanna. Slíkir samningar kosta milljónir á
frjálsum markaði.
410 4000 | www.landsbanki.is
Við færum þér fjármálaheiminn
Nú býðst þér að eiga milliliðalaus verðbréfaviðskipti með E*TRADE í gegnum
netið á stærsta verðbréfamarkaði heims, Wall Street í Bandaríkjunum, og á
mörkuðum í Svíþjóð, Finnlandi og Danmörku.
Kynntu þér málið á www.landsbanki.is
Það yrði þröng fyrir dyrum ef
ekki óbærilegt ef evran yrði tek-
in upp á Íslandi og vaxtastefna
Seðlabanka Evrópu gengi þvert á
aðstæður í efnahagslífinu, sagði
Davíð Oddsson, fráfarandi for-
maður Sjálfstæðisflokksins, á
landsfundi í síðustu viku. Vísaði
hann til ummæla Ingibjargar Sól-
rúnar Gísladóttur, formanns
Samfylkingarinnar, um að Ís-
lendingar ættu að kasta krónunni
fyrir evru og fjallað var um í út-
tekt í Markaðnum í síðustu viku.
„Er það virkilega svo að það
hafi farið fram hjá einhverjum
að evra verður ekki tekin upp án
aðildar að ESB? Vita menn ekki
að það tæki mörg ár að ganga í
ESB? Hefur enginn sagt þeim að
eftir að í ESB er komið þarf ís-
lenska myntin að fylgja skrán-
ingu evrunar í tvö ár áður en evr-
an verður tekin upp sem gjald-
miðill þjóðarinnar?“ spurði Dav-
íð. „Og auðvitað voru ekki nefnd
glötuð yfirráð yfir fiskimiðunum
og ekki orð um milljarðana sem
greiða þyrfti árlega fyrir aðild-
ina.“ -bg
Útvíkkun Evrópska efnahags-
svæðisins til þeirra tíu landa sem
fengu aðild að Evrópusamband-
inu þann 1. maí á síðasta ári hef-
ur nú formlega tekið gildi. Ítalía,
sem var síðasta landið til að full-
gilda samninginn, hefur gengið
frá öllum formsatriðum.
Í vefriti viðskiptaskrifstofu
utanríkisráðuneytisins segir að
fullgildingarferli samningsins sé
með því lokið og EES sé nú sam-
eiginlegt efnahagssvæði 28 Evr-
ópuríkja með yfir 450 milljónir
íbúa.
„Þótt ekki hafi verið búið að
fullgilda stækkunarsamning EES
þegar stækkun ESB átti sér stað
árið 2004 tók samningurinn um
stækkun EES samtímis gildi til
bráðabirgða. Nú er fullgildingar-
ferlinu hins vegar formlega lokið
og stækkun EES sömuleiðis,“
segir í vefritinu.
Nýju ríkin eru Eistland, Kýp-
ur, Lettland, Litháen, Malta, Pól-
land, Slóvenía, Slóvakía, Tékk-
land og Ungverjaland. Talið er
líklegt að Búlgaría og Rúmenía
gerist aðilar að EES-samningn-
um í náinni framtíð. – bg
Skuldir íslenskra fyrirtækja
námu í fyrra 160 prósent af
landsframleiðslu. Hefur þetta
hlutfall hækkað hratt frá árinu
1997 þegar skuldirnar námu 80
prósent af landsframleiðslu.
Þetta kemur fram í skýrslu Al-
þjóðagjaldeyrissjóðsins um ís-
lenskt efnahagslíf. Segja höfund-
ar að þetta hafi verið umhugsun-
arefni fyrir íslensk stjórnvöld og
erlenda aðila sem fylgjast með
íslensku atvinnulífi.
Í skýrslu Alþjóðagjaldeyris-
sjóðsins segir að sama hvaða
mælikvarðar séu notaðir þá sé
skuldsetning íslenskra fyrir-
tækja sú mesta á Norðurlöndum.
Skuldir sem hlutfall af eignum
séu tæplega þrisvar sinnum
meiri á Íslandi en í Danmörku,
Noregi, Svíþjóð, Finnlandi og
Danmörku. Skuldir sem hlutfall
af eigin fé sé 3,6 sinnum meira en
í sömu löndum. Þessi hlutföll séu
ekki einkennandi fyrir eina at-
vinnugrein heldur öll fyrirtækin
í landinu. Þá séu lánin til
skemmri tíma en á öðrum Norð-
urlöndum.
Skýringar á þessum mikla
mun sem gefnar eru í skýrslunni
eru nokkrar. Þar kemur fram að
hagstæðara sé að skulda á Íslandi
vegna skattareglna, möguleikar
á vexti fyrirtækja eru meiri og
alþjóðavæðingin kalli á aukið
fjármagn. – bg
Þýska fjármálaráðuneytið sendi
nýverið frá sér afsökunarbeiðni
vegna deilu sem upp kom hjá
Icelandic Group og þýskum toll-
yfirvöldum. Þetta kemur fram í
Stiklum, vefriti viðskiptaskrif-
stofu utanríkisráðuneytisins.
Forsaga málsins var sú að for-
svarsmenn Icelandic Group
höfðu leitað til utanríkisráðu-
neytisins vegna þess að upp var
kominn ágreiningur milli þýskra
tollayfirvalda og Icelandic
Group. Útlit var fyrir að fyrir-
tækið þurfti að breyta verulega
vinnulagi við útflutning frá Ís-
landi til Þýskalands og mögulega
til aðildarríkja Evrópusambands-
ins. Þýsk tollyfirvöld gerðu kröfu
um að Icelandic Group greiddi
innflutningstolla aftur í tímann
fyrir nokkur hundruð milljónir.
Eftir nokkurra mánaða þref leit-
uðu forsvarsmenn fyrirtækisins
til viðskiptaskrifstofu utanríkis-
ráðuneytisins og sendiráðs Ís-
lands í Berlín. Eftir aðeins tíu
daga fékkst niðurstaða í málið og
baðst þýska fjármálaráðuneytið
afsökunar á framferði tollyfir-
valda í Hamborg og þau sögð
hafa verið í órétti í málinu. - hb
Ágúst Guðmundsson, stjórnar-
formaður Bakkavarar Group,
segir fyrirtækið nálgast það að
vera með 40 prósent markaðs-
hlutdeild í Bretlandi í sölu á nið-
urskornu grænmeti og salati eft-
ir kaupin á Hitchen Foods. Þessi
markaður hafi vaxið um 80 pró-
sent frá árinu 2000 og miklir
vaxtarmöguleikar séu fyrir
hendi. Þó sé ekki búið að taka
ákvörðun um að stækka verk-
smiðju Hitchen strax þó þeir
möguleikar séu fyrir hendi.
Verksmiðjan í Wigan í Bretlandi
stendur á stórri eignarlóð sem
fylgdi með í kaupunum.
Sagt var frá því í Fréttablað-
inu í gær að Bakkavör hefði
keypt Hitchen Foods á 4,7 millj-
arða króna, sem Ágúst segir
mjög hagstætt verð fyrir vel
rekið fyrirtæki. Rekstrarhagnað-
ur Hitchen er áætlaður 911 millj-
ónir og veltan 5,1 milljarður á
þessu ári.
Hitchen Foods selur meðal
annars niðurskorið grænmeti og
salat í stórmarkaði í Bretlandi.
Áherslan á bætt matarræði hefur
aukið sölu á tilbúnu salati sem
neyta má beint úr umbúðunum.
Bakkavör hefur framleitt slíkar
vörur en Ágúst segir þetta styrkja
stöðu þeirra á markaðnum með
aukinni stærðarhagkvæmni. – bg
Ná 40 prósent markaðshlutdeild
Sala á salati og grænmeti eykst og Bakkavör tekur þátt í vextinum.
Engin evra án ESB
Davíð Oddsson varar við upptöku evrunnar.
Útvíkkun EES lokið
EES verður sameiginlegt efnahagssvæði 28
Evrópuríkja með yfir 450 milljónir íbúa.
Guðmundur Huginn Guðmunds-
son, skipstjóri á Hugin VE-55,
stefnir að því að veiða fyrir einn
milljarð króna á þessu ári. Þetta
kemur fram í viðtali sem Eyja-
blaðið Vaktin tók við hann. Það
yrði Eyjamet í aflaverðmæti.
Veiðar skipsins í síldarsmug-
unni í sumar og haust hafa geng-
ið mjög vel en kolmunnaveiðar
treglega þótt verð á kolmunna
hafi farið heldur hækkandi. Skip-
ið hefur nú haldið til loðnuleitar.
Guðmundur Huginn og Gylfi,
bróðir hans, reka fyrirtækið Hug-
in sem gerir út Hugin VE-55 og
þrjú önnur skip. Guðmundur Ingi
Guðmundsson – faðir þeirra –
stofnaði fyrirtækið árið 1959. - eþa
BJARNI ÁRMANNSSON OG EINAR SVEINSSON Bæði forstjóri Íslandsbanka og stjórn-
arformaður hafa gert söluréttarsamninga við bankann vegna kaupa á hlutabréfum. Sölurétt-
ur Bjarna féll niður í fyrra en Einar getur nýtt sinn sölurétt á árunum 2006 til 2008.
Fr
ét
ta
bl
að
ið
/G
VA
Stefnt á einn milljarð
LOÐNULÖNDUN Huginn VE-55 stefnir að
því að fiska fyrir einn milljarð á árinu. Það
yrði met í sögu Eyjaflotans.
Íslensk fyrirtæki skuldsett
Fyrirtæki á Íslandi skulda mun meira en
fyrirtæki á hinum Norðurlöndunum.
Bað Icelandic Group afsökunar