Fréttablaðið - 19.10.2005, Qupperneq 48
Tilvalið við hópefli, sem óvissuferð, haustferð eða skemmtiferð
Nánari upplýsingar í síma 862-7900
Paintball hefur opnað
nýjan og skemmtilegan völl í Hafnarfirði
„Hópefli er í raun og veru þættir
eða hvatar sem fá hóp til að vinna
betur saman. Þetta hópefli sem ég
nota miðast við að skapa, með
leikjum og þrautum, umhverfi þar
sem fólk þarf að breyta því sem
skiptir máli við að þjálfa liðsheild.
Samskipti, traust, ákveðið þor og
samvinna eru þar mikilvægir
þættir. Það er einnig hluti af
þeirri hugmyndafræði sem ég að-
hyllist að gleði sé mjög sterkur
kraftur. Glaður maður gengur
hraðar,“ segir Sigurjón.
Hann segir að leitað sé eftir að
skapa vissa upplifun í leiknum og
við lok hverrar þrautar er fólk
fengið til að átta sig á hvað það
var að upplifa. „Þekkt æfing er
traustfall, þar sem fólk lætur sig
falla aftur á bak og félagarnir
grípa það. Ef það fellur rétt og
sleppir sér alveg í fallinu er hægt
að sjá af því að það treystir
vinnufélögunum sem grípur það,“
segir Sigurjón. Hann segir jafn-
framt að sömu tilfinningu fyrir
trausti sé hægt að yfirfæra á
vinnustaðinn þar sem maður þarf
að treysta á að vinnufélagarnir
standi með manni.
Annað dæmi sem Sigurjón tek-
ur um hópefli eru leikir og aðferð-
ir þar sem flýtt er fyrir kynningu
á fólki sem ekki þekkist en þarf að
sitja saman ráðstefnu, fund eða
vinna saman að einhverju verk-
efni. „Þegar fólk sem ekki þekkist
kemur saman til dæmis á ráð-
stefnu, sér maður það sitja með
krosslagðar hendur og það lætur
lítið fyrir sér fara. Með réttri að-
ferð er flýtt fyrir kynningu og
tekið á þessu markvisst og passað
að enginn verði útundan. Þannig
nýtist hópefli við mismunandi að-
stæður,“ segir Sigurjón.
Hvenær á hópefli við?
„Hópefli á við þegar þú þarft að
skapa heild. Ef til vill þarft þú að
búa til vinnuhóp sem þarf að leysa
krefjandi verkefni eins og eftir að
fyrirtækið sem það vinnur hjá hef-
ur farið í gegnum erfiðleika eða það
hefur átt sér stað samruni eða
skipulagsbreytingar. Það á alltaf
við þegar þú er farinn að hreyfa við
þægindahringnum og hefur strekkt
á trauststilfinningunni og þarft að
byggja hana upp aftur,“ segir Sig-
urjón.
Glaður maður
gengur hraðar
Sigurjón Þórðarson, ráðgjafi og þjálfari hjá IMG Ráðgjöf er sérfræðingur í hópefli. Því
þótti okkur tilvalið að spyrja hann hvað hópefli er og hvenær það á við.
Góðir fyrirlestrar og kynningar á ráðstefnum eru þær sem skilja
eitthvað eftir sig og fólk man eftir. Undirbúningur er það sem skipt-
ir mestu máli þegar fyrirlestur er settur saman. Hér eru 5 ráð sem
vert er að fylgja ef maður vill hitta í mark:
1. HAFÐU TÆKNIMÁLIN Á HREINU
Flestir eru með glærur, myndbönd eða einhvers konar myndefni á
fartölvu. Mikilvægt er að ganga úr skugga um að batteríið í fartölv-
unni sé fullhlaðið, og að fartölvan og myndvarpinn virki saman.
Alltaf er gott að hafa með sér hleðslutæki fyrir fartölvuna og stinga
henni í sambandi. Auk þess er gott að ræsa tölvuna áður en stigið
er upp og talað svo dýrmætur tími fari ekki í að bíða eftir að tölv-
an ræsi sig.
2. HAFÐU GLÆRURNAR SMEKKLEGAR.
Upplýsingum á ekki að hlaða inn á glærurnar, því þá fer fólk að lesa
glærurnar og hættir að hlusta á þann sem talar. Glærurnar eiga að
vera til áhersluauka eða með myndefni sem við á. Ágætt er að hafa
í huga að hafa ekki fleiri en fimm stutt atriði á hverri glæru. Einnig
er mikilvægt að hafa þær stílhreinar og smekklegar og með nægi-
lega stóru letri sem hægt er að lesa.
3. TAKTU TÍMANN Á FYRIRLESTRINUM.
Farðu yfir fyrirlesturinn heima hjá þér og taktu tímann sem hann
tekur. Ekki tala of hratt eða að reyna að hrúga inn of mikið af upp-
lýsingum á sem minnstum tíma. Leggðu áherslu á það sem skiptir
máli, og gefðu tíma í fyrirspurnir í lokin. Ef þú ert með mikinn texta
sem þú vilt koma til skila, skaltu útbúa ljósrit og dreifa á alla stóla
áður en fyrirlesturinn hefst.
4. ÆFÐU FYRIRLESTURINN.
Reyndu að muna hvað þú ætlar að segja, en ekki lesa bara upp af
blaði. Bestu fyrirlestrarnir eru þeir sem eru vel æfðir og ekki er
stuðst við neitt blað. Best er, ef þú þarft ekki nema nokkra punkta
á blaði til minnis. Betri tengsl nást við áheyrendur ef þú horfir á þá
á meðan þú talar.
5. KOMDU VEL FYRIR.
Klæddu þig á viðeigandi máta og vertu snyrtileg/ur. Ekki vera of
stíf/ur og malda í móinn, heldur tala hátt og skýrt og horfa yfir sal-
inn. Vertu bein/n í baki og berðu höfuðið hátt, það gefur sjálfsör-
yggi þitt til kynna, og fólk treystir því betur sem þú segir.
FR
ÉT
TA
B
LA
Ð
IÐ
/N
O
R
D
IC
P
H
O
TO
/G
ET
TY
I
M
AG
ES
Fyrirlestur sem
hittir í mark
FIMM GÓÐ RÁÐ
550 5000
AUGLÝSINGASÍMI
12 ■■■ { Liðsheild } ■■■■■■■■■■■■■■■■■■■■■■■■■■■■■■■■■■■■■■■■■■■■■■■■