Fréttablaðið - 19.10.2005, Síða 40
4 ■■■ { Liðsheild } ■■■■■■■■■■■■■■■■■■■■■■■■■■■■■■■■■■■■■■■■■■■■■■■■
Grensásvegi 8 108 Reykjavík Sími: 5340534
STARFSMANNA- OG FYRIRTÆKJAPARTÝ
Fundarrými fyrir rúmlega
200 gesti.
Hótel Hérað á Egilsstöðum býður
upp á margvíslega þjónustu við
ráðstefnuhaldara. Á hótelinu eru
fjórir fundarsalir: Einn stór fundar-
salur á jarðhæð sem rúmar um 100
manns, minni tólf manna salur og
tveir aðrir salir, annar rúmar um 35
manns og hinn um 75 manns. Þrjá
minni salina má sameina í einn
stóran sal sem myndi þá rúma um
120 til 130 manns. Allur helsti
tækjabúnaður er til reiðu á hótel-
inu, sjónvarp, tölvuskjávarpi,
myndbandstæki, tjald, myndvarpi,
hljóðkerfi, flettitöflur, míkrafónar á
standi og þráðlausir, tússtafla,
ponta, sími, pennar og skrifblokkir
og myndsenditæki. Annan búnað,
er ráðstefnuhaldarar þurfa á að
halda, getur hótelið útvegað. Hægt
er að semja við staðarhaldara um
hádegismat eða kaffi og hægt er að
fá hópafslátt af gistingu ef óskað er
eftir.
Hótel Hérað er í nálægð við aðra
kaupstaði á Austurlandi og í 155
kílómetra fjarlægð frá Kára-
hnjúkum. Einnig eru Hallorms-
staðaskógur og Snæfell ekki langt
frá, en það má ganga á fellið og
hægt að fara í ævintýraferðir upp
að jökulrönd Vatnajökuls.
Ráðstefnu þarf oft að
skipuleggja með nokkurra
ára fyrirvara, enda í mörg
horn að líta. Fyrirtækið
Ráðstefnur og fundir í
Kópavoginum hefur sér-
hæft sig á þessu sviði í ein
sautján ár.
„Við þjónustum þá sem halda sér-
stakar erlendar ráðstefnur hérlendis.
Í flestum tilfellum erum við að setja
upp erlenda ráðstefnu sem skipulögð
er af íslenskum aðilum, sem eru hér
á landi í framkvæmda- eða vísinda-
nefnd,“ segir Matthías Kjartansson
framkvæmdastjóri fyrirtækisins
Ráðstefnur og fundir, sem starfað
hefur í ein 17 ár.
Hann segir Ráðstefnu og fundi sjá
um alla skipulagningu ráðstefnunn-
ar, nema á faglega hlutanum. „Við
bókum ekki fyrirlesara eða skipu-
leggjum innihald ráðstefnunnar, það
er utan okkar þekkingarsviðs,“ segir
Matthías. Aðspurður hversu langan
tíma þurfi til að skipuleggja erlenda
ráðstefnu, segir hann það vera allt
að þrjú til fimm ár. Hann segir það
vera í mörg horn að líta og það sé
mesti misskilningur að þetta sé eitt-
hvað auðvelt. „Margir halda að það
þurfi lítið annað en húsnæði og
myndvarpa, en það er mun meira
sem felst í því að halda ráðstefnu og
þær eru alltaf að verða flóknari og
flóknari,“ segir Matthías.
Hann segir til að mynda að fyrir-
tækið sjái um samskiptin við alla
ráðstefnugesti og getur það verið
mikil vinna þegar ráðstefnurnar eru
stórar.
Á þeim sautján árum sem fyrirtækið
hefur starfað segir hann eitt og ann-
að hafa breyst. „Það er orðið minna
um norrænar ráðstefnur, og eftir að
Norðurlöndin hafa sameinast
Evrópusambandinu erum við frekar
að fá evrópskar ráðstefnur hingað,
sem eru þá stærri fyrir vikið,“ segir
Matthías.
Til viðbótar skipulagningu og um-
sjón með ráðstefnum og fundum, sér
fyrirtækið um að skipuleggja hvata-
ferðir. „Við setjum upp hvataferðir
fyrir erlend fyrirtæki sem vilja koma
hingað. Um tíma var þetta mjög
stórt en það hefur aðeins dregið úr
því sökum nýrra Evrópulanda sem
eru að opnast og eru með hagstæð-
ara verðlag. Því miður sjáum við
það hér að gengi krónunnar er að
íþyngja okkur,“ segir Matthías.
Hann segir þó vaxtabrodd vera í sér-
stökum fyrirtækjafundum þar sem
hópur innan sama fyrirtækis kemur
hingað sérstaklega til að funda. Auk
þess komi hingað lyfjafyrirtæki og
bílafyrirtæki með kynningar. „Menn
eru að leita að stað sem er öðruvísi,
og þar höfum við sérstöðu hér á
Íslandi,“ segir Matthías.
„Það er orðið minna um norrænar ráðstefnur, og eftir að Norðurlöndin hafa sameinast Evrópusambandinu erum við frekar að fá
evrópskar ráðstefnur hingað. Sem eru þá stærri fyrir vikið,“ segir Matthías Kjartansson. FRÉTTABLAÐIÐ/HEIÐA
Meira en myndvarpi og húsnæði
Hótel Hérað á Austurlandi.
Hótel Hérað á Egilsstöðum
ráðleggingar }
FR
ÉT
TA
B
LA
Ð
IÐ
/N
O
R
D
IC
P
H
O
TO
/G
ET
TY
I
M
AG
ES
Öll þekking hefst á spurningu
Yfirleitt er gefinn tími til fyrirspurna eftir fyrirlestra á ráðstefnum.
Ef það er eitthvað sem þú átt erfitt með að skilja skaltu ekki hika
við að spyrja, og ekki örvænta þótt þú hafir ekki skilið allt. Skrif-
aðu hjá þér spurningar meðan á fyrirlestrinum stendur, svo þú
gleymir þeim ekki að honum loknum. Engu skiptir þótt allir í
kringum þig virðast hafa náð innihaldinu, og ekki hafa áhyggjur af
því að spurningar þínar séu kjánalegar. Öll þekking hefst á spurn-
ingu og því er mikilvægt fyrir þig að spyrja. Ef málið vekur sérstak-
an áhuga þinn skaltu spyrjast fyrir um lesefni eða annað efni sem
þú gætir nýtt þér til að skilja málið enn betur.