Fréttablaðið - 19.10.2005, Side 38

2 ■■■ { Liðsheild } ■■■■■■■■■■■■■■■■■■■■■■■■■■■■■■■■■■■■■■■■■■■■■■■■
„Fólk talar um þegar það kemur á
svona stað úti í sveit, að það sé svo
lítil truflun og það verður mikið úr
vinnunni,“ segir Egill Kristjánsson
á Sveitasetrinu Grímsá, sem leigir
út aðstöðu til fundahalda, nám-
skeiðshalda, fyrir ráðstefnur, hvata-
ferðir og ýmsar samkomur. „Fólk er
að komast burt frá skarkalanum í
borginni og fer í annan gír. Um-
hverfið hefur þau áhrif að fólki líð-
ur ósköp vel hérna,“ segir Egill. Góð
aðstaða er á staðnum til funda-
halda, auk þess sem þar er góður
veitingasalur og góð gistiaðstaða.
Umhverfið í kringum húsið er ein-
stakt, þar sem það stendur við
Grímsá í Borgarfirði og hægt er að
sjá Laxfoss út um gluggann. Á
kvöldin er hægt að sitja í heita
pottinum, njóta norðurljósa eða
horfa á fossinn upplýstan yfir vetr-
artímann, en húsið stendur alveg
upp við ána.
„Húsið var mjög umdeilt á sín-
um tíma,“ segir Egill. Helst segir
hann staðsetninguna hafa lagst illa
í menn þegar til stóð að reisa hús-
ið, og Steingrími Hermannssyni
hafa bæði þótt það of stórt og
standa of nálægt ánni. Húsið reis
þó árið 1973 og er afar glæsilegt.
Þetta er stærsta veiðihús landsins,
með 22 herbergjum fyrir utan stofu
og fundasal.
Sveitasetrið sinnir eingöngu
hópum og fyrirtækjum. Hann segist
jafnframt vera í samstarfi við fyrir-
tæki sem skipuleggur ráðstefnur og
einnig afþreyingu. „Hvort sem það
er farið upp á jökul, í hellaskoðun,
hestaferðir eða á fjórhjól. Svo er að
sjálfsögðu hægt að veiða í ánni,“
segir Egill.
Norðurljósin dansa
ofan við húsið
„Við höfum langa reynslu og
hópefli og erum með margar teg-
undir af hópefli fyrir fyrirtæki. Síð-
ustu ár höfum við verið að sérhæfa
okkur og aðskilja frá þessu hefð-
bundna hópefli og þróa nokkuð sem
við köllum fjörefli,“ segir Friðrik
Bjarnason hjá Ævintýrasmiðjunni
Eskimos sem hann rekur ásamt
Ingólfi Stefánssyni. Hann segir þá
sérhæfa sig í að aðstoða fyrirtæki
við að byggja upp góðan liðsanda
og styrkja liðsheildina. „Fjörefli er
ákveðin útgáfa af hópefli, þar sem
lögð er áhersla á skemmtun en hin
hefðbundu hópeflisnámskeið hafa
oft þótt frekar þung og leiðinleg.
Við náum miklum árangri í hópefli
með því að búa til skemmtilegan
dag þar sem fólk leysir þrautir og
keppir í skemmtilegum leikjum,“
segir Friðrik.
Hann segir þá til að mynda fara
með fólk í ættbálkaleiki, hálanda-
leiki, bændaleiki og ratleiki og
margt fleira. Til frekari útskýringar
segir hann til dæmis ættbálkaleiki
byggjast á því að skipta hópnum í
lið sem keppa sín á milli. Þá eru
lagðar fyrir hópana skemmtilegar
þrautir eins og axarskaft, gladiatior,
sumo-glíma, klifurveggur, blindra-
þrautir og fleira í þeim anda.
„Áhersla er lögð á skemmtilega
keppni og æsingur er í hópnum
þegar fólk tekst á við keppnina.
Markmiðið er að efla andann og
brjóta niður varnir manna á milli
og auka samskiptin,“ segir Friðrik
og bætir við að oftast sé farið með
fólk út úr bænum þar sem um-
hverfið er líflegt og skemmtilegt.
„Það er mjög dýrmætt þegar starfs-
menn upplifa eitthvað skemmtilegt
saman utan við vinnustaðinn. Það
brýtur niður hindranir og eykur
samskiptaflæðið manna á milli,“
segir Friðrik.
FRIÐRIK BJARNASON hjá Ævintýraferðum
Eskimo, segir það mjög dýrmætt þegar
starfsmenn upplifa eitthvað skemmtilegt
saman utan við vinnustaðinn.
FRÉTTABLAÐIÐ/STEFÁN
Sveitasetrið Grímsá stendur við Grímsá í Borgarfirði, sem hef-
ur verið ein eftirsóttasta laxveiðiá landsins. Setrið, sem er
stærsta timburhús landsins, stendur alveg við ána og býður
upp á einstaklega fagurt útsýni og náttúrufegurð og er tilvalið
fyrir fundi, samkomur, hvataferðir og námskeið.
MIKILVÆGT ER AÐ SÝNA
SÍNAR BESTU HLIÐAR OG
MISSA SIG EKKI Í DRYKKJU
Hvataferðir enda oft á góðum
kvöldsverði þar sem áfengi er
haft um hönd. Mikilvægt er að
hafa það í huga að þá er mað-
ur að skemmta sér með vinnu-
félögunum, og því á maður að
haga sér vel. Varastu að drekka
of mikið, því þú gætir sagt eða
gert eitthvað sem þú sérð eft-
ir. Fljótt flýgur fiskisaga og
næsta dag munu flestir í vinn-
unni vita af afglöpum þínum.
Klæddu þig á viðeigandi máta,
og ekki vera í of ögrandi fatn-
aði. Gerðu þér far um að
spjalla við sem flesta, ekki
bara þá sem þú talar við á
hverjum degi í vinnunni. Til-
gangurinn með kvöldinu er að
þjappa hópnum saman og fá
fólk til að kynnast betur.
Spjallaðu við fólk sem þú færð
nánast aldrei tækifæri til að
spjalla við.
Ekki daðra. Saklaust daður
getur komið í bakið á þér í
vinnunni næsta dag. Það er
óviðeigandi á vinnuskemmt-
un.
Ferðir sem þessar eru
kjörnar til að sýna þínar bestu
hliðar. Sýndu að þú getir verið
glaðlynd og skemmtileg
manneskja og átt í vitrænum
og skemmtilegum samræðum
við fólk. Hafðu vit á því að
fara ekki of seint heim, og
sýndu með því að þú sért
manneskja sem berð ábyrgð á
sjálfri þér.
Hvernig á að
haga sér í
vinnupartíinu
Brýtur niður varnir manna á milli
Ævintýraferðir Eskimo vinna að því að efla liðsandann með fjörefli sem samanstendur
af skemmtilegum leikjum og spennandi afþreyingu.