Fréttablaðið - 19.10.2005, Blaðsíða 50
14 ■■■ { Liðsheild } ■■■■■■■■■■■■■■■■■■■■■■■■■■■■■■■■■■■■■■■■■■■■■■■■
Nýta stressið í púltinu
Ekki er öllum til lista lagt að halda ræðu fyrir fullum sal af fólki án þess að finna fyrir
stressi. Sumir virðast vera fæddir ræðumenn en aðrir forðast það eins og heitan eldinn
að tala opinberlega. En allt er auðvelt sem maður kann og ræðumennska er eitthvað
sem hægt er að læra.
JCI er hreyfing sem býður ein-
staklingum tækifæri til þjálfunar
á ýmsum sviðum sem tengjast
funda- eða ráðstefnuhaldi. Fyrir-
tækið býður virka þjálfun í fund-
arstjórn við ýmis tækifæri og við
fundarritun. Allt til þess fallið að
hvers konar fundir eða ráðstefnur
séu vel skipulagðar. Ræðu-
mennskan hefur verið í forgangi
hjá JCI undanfarin ár og hefur
fyrirtækið á að skipa reynslu-
miklum leiðbeinendum á sviði
ræðumennsku.
Gísli Úlfarsson, landsforseti
Junior Chamber á Íslandi segir
undirbúning vera mikilvægasta
þátt ræðumennskunnar. „Undir-
búningurinn er í nokkrum þáttum
og byrjar í raun á að ræðumaður
viðar að sér efni. Þetta efni tekur
hann svo saman og setur upp í
ræðu sem hefur byrjun, meginmál
og endi,“ segir Gísli. „Þegar ræð-
an er tilbúin, er gott að æfa sig
fyrir framan fjölskyldu og vini,
eða í einrúmi fyrir framan spegil.“
Gísli segir tímastjórnun skipta
miklu máli og því sé gott að hafa
hjá sér klukku til að fylgjast með
lengd ræðunnar. Einnig skiptir
máli fyrir hverja ræða er haldin,
það er, hvaða mál passa, hversu
mikið af nákvæmum upplýsing-
um má koma fram og að sjálf-
sögðu hvaða húmor fellur í
kramið hjá áheyrendum.
Gísli segir einnig mikilvægt að
hafa trú á sjálfum sér og því efni
sem maður er að flytja. Geri mað-
ur það virkar maður öruggur og
málefnalegur og fólk tekur betur
eftir og man frekar hvað var sagt
í fyrirlestrinum. „Það er mikil-
vægt að þekkja efnið. Rétt radd-
beiting skiptir líka máli og hluti
af raddbeitingunni er að stoppa á
réttum stöðum. Ekki buna út úr
sér ræðunni og ekki heldur vera
svo hægur að salurinn sé að
sofna. Best er að hafa þrjú meg-
inatriði í ræðunni. Fólk man ekki
margt, en það getur yfirleitt mun-
að þrjú atriði. Og oft er gott að
taka samantekt á eftir þessum
þremur atriðum.“
Til að koma efninu sem best til
skila segir Gísli einfalt og auð-
skiljanlegt mál besta valkostinn.
„Skynsamlegast er að miða textan
við þann aðila í salnum sem veit
minnst um málið. Forðast skal
háfleyg orð, tækniorð og umfram
allt tölur. Tölur þurfa að eiga við
en mega alls ekki vera ráðandi
efni. Oft er betra að sýna tölurnar
í power-point, en ekki minnast á
þær í ræðunni, nema sérstaklega
eigi við,“ segir Gísli.
Það eru ekki allir fæddir ræðu-
menn og margir verða stressaðir
af að þurfa að standa fyrir fram-
an fullan sal af fólki og tala. Gísli
segir góðan undirbúning vera
bestu leiðina gegn stressi við
ræðumennsku. „Góður undirbún-
ingur gefur okkur þann mögu-
leika að nýta stressið, en þekking
á efninu er kjölfesta góðrar
ræðu,“ segir Gísli. „En stressið er
gott fyrir mann. Það eru allir
stressaðir í púlti, en munurinn á
góðum ræðumanni og slæmum er
að sá góði lætur stressið vinna
fyrir sig. Nýtir þann kraft sem
adrenalínið gefur til að flytja frá-
bæra ræðu.“
Gísli Úlfarsson, landssforseti JC á Íslandi
segir undirbúning mikilvægasta þáttinn í
því að halda góða ræðu.
Liðsandinn efldur í gegnum
einstaklinginn
THE 17 ESSENTIAL QUALITIES OF A TEAM PLAYER
BECOMING THE KIND OF PERSON EVERY TEAM WANTS
Góð liðsheild skiptir miklu máli
þegar stefnan er tekin á hámarks-
árangur. Í bókinni The 17 Essenti-
al Qualities Of A Team Player
Becoming The Kind Of Person
Every Team Wants eru
kenndar aðferðir sem
styrkja einstaklinginn sem
hluta af hópnum. John
C. Maxwell, höfundur
bókarinnar, fer yfir það í
smáatriðum hvað þarf til
að maður getur starfað sem best
fyrir liðið og heildina, hvort sem
það er heima við eða í starfi og
náð miklum árangri. Aðferðirnar
sem Maxwell kennir í þessari bók
eru einfaldar og allir ættu að geta
fylgt
þ e i m
eftir, og
eru þær
byggðar á
aðferðum
sem hafa
virkað fyrir
aðra. Bókin
fæst á Amazon.com þar sem hún
fær fjórar stjörnur af fimm mögu-
legum.