Fréttablaðið - 19.10.2005, Blaðsíða 59
Hinn árlegi haustfundur Eigna-
stýringar Íslandsbanka fór fram
í gær en sérstaktur gestur fund-
arins var Chriss Gessel, aðalrit-
stjóri bandaríska dagblaðsins In-
vestor Business Daily. Stofnandi
blaðsins er hinn kunni fjárfestir
William O’Neil en hann er einna
helst þekktur fyrir þann mikla
árangur sem hann náði þegar
hann náði um 2000 prósenta
ávöxtun á 26 mánaða tímabili.
Hann stofnaði Investor Business
Daily árið 1984 en blaðið er sér-
staklega tileinkað fjárfestum og
kynnir ýmsar aðferðir við val á
hlutabréfum en sérstaklega CAN
SLIM-aðferðina.
„CAN SLIM-aðferðin er að-
ferð sem við notum til að velja
réttu bréfin á rétta tímanum.
Hún tekur mið af sjö mismun-
andi þáttum í því fyrirtæki sem
við skoðum hverju sinni,“ segir
Chriss Gessel. „Við búum til að-
ferðafræðina fyrir fólk til að
velja bréfin en svo getur það
sjálft tekið ákvörðunina. Eins og
CAN SLIM-aðferðin virkar þá
eru það mismunandi þættir sem
hafa áhrif á hvort við teljum
kauptækifæri í fyrirtæki. Einn
af þeim er hagnaður á síðasta
ársfjórðungi og annar aukning í
árlegum hagnaði. Svo tökum við
tillit til ýmissa þátta svo sem
hvort enn séu stofnanafjárfestar
meðal hluthafa og fleira. Eftir að
fjárfestar hafa fundið réttu
hlutabréfin, skiptir máli að finna
réttu tímasetninguna til að selja
þau. En það sem skiptir líka máli
er að val á hlutabréfum er eitt
sérstakt atriði og tímasetningin
við að kaupa þau og selja annað.
Þegar þetta allt saman er gert
eftir okkar kerfi, þá getur fjár-
festirinn fengið ávöxtun á það
fjármagn sem hann leggur í fyr-
irtækið,“ segir Gessel.
Almar Guðmundsson, fram-
kvæmdastjóri Eignastýringar Ís-
landsbanka, segir að miklar
hækkanir undanfarinna ára á
markaði hér heima, séu mögu-
lega yfir þeirri ávöxtunarkröfu
sem almennt er gerð til markað-
arins. „Meðalávöxtun síðastlið-
inna fjögurra ára hefur verið um
fjörutíu prósent. Eðlilegt er að
gera um 12-15 prósent ávöxtun-
arkröfu á fyrirtæki á markaði og
því er þetta yfir þeim mörkum.
Það þarf margt að vinna með
markaðnum til þess að hann nái
þessari meðaltalsávöxtun síðast-
liðinna fjögurra ára,“ segir Al-
mar. - hb
MARKAÐURINN MIÐVIKUDAGUR 19. OKTÓBER 2005
DAGSKRÁ
13.00 Setning ráðstefnunnar
Ávarp Johns Quitter, formanns Bresk-íslenska viðskiptaráðsins
Þórður Friðjónsson, forstjóri Kauphallar Íslands, setur ráðstefnuna
13.15 Jóhannes Sigurðsson, prófessor við Háskólann í Reykjavík
Ný löggjöf um yfirtökuskyldu – innleiðing á evrópskum reglum
13.40 Noel Hinton, Deputy Director, The Panel on Takeovers and Mergers, UK
Starfsemi bresku yfirtökunefndarinnar
14.10 Viðar Már Matthíasson, prófessor, formaður Yfirtökunefndar
Starfsemi íslensku yfirtökunefndarinnar
14.35 Kaffihlé
Sjónarhorn markaðsaðila:
15.00 Ingólfur Helgason, forstjóri Kaupþings banka á Íslandi
15.15 Svafa Grönfeldt, aðstoðarforstjóri Actavis Group
Jónas Fr. Jónsson, forstjóri Fjármálaeftirlitsins
15.30 Pallborðsumræður
Antony Hovanessian, Vice President of Investment Banking, Kaupthing UK
Hörður Arnarson, forstjóri Marels hf.
Ingólfur Helgason, forstjóri Kaupþings banka á Íslandi
Svafa Grönfeldt, aðstoðarforstjóri Actavis Group
Þórður Friðjónsson, forstjóri Kauphallar Íslands
Þórunn Guðmundsdóttir, hæstaréttarlögmaður
16.15 Ráðstefnuslit
Háskólinn í Reykjavík, Ofanleiti 2
Skráning hjá Jónu K. Kristinsdóttur í síma 599 6407 eða á netfangið jonak@ru.is
Antony Hovanessian
Ingólfur Helgason
Jóhannes Sigurðsson
Noel Hinton
Þórður Friðjónsson
Svafa Grönfeldt
Viðar Már Matthíasson
Hörður Arnarson
John Quitter
Markaðs- og eftirlitsaðilar áttu frumkvæði að stofnun yfirtöku-
nefndar hér á landi í sumar, en helsta verkefni nefndarinnar er
að taka til umfjöllunar hvort til yfirtökuskyldu stofnist í einstökum
tilvikum. Fyrirmynd að nefndinni er að hluta til sótt til Bretlands,
þar sem löng hefð er fyrir starfrækslu slíkrar nefndar. Í tilefni
af stofnun íslensku yfirtökunefndarinnar boða Bresk-íslenska
viðskiptaráðið, Yfirtökunefnd, Fjármálaréttarstofnun Háskólans
í Reykjavík og Viðskiptaráð Íslands til ráðstefnu um yfirtökur
skráðra félaga og starfsemi yfirtökunefnda í Háskólanum í
Reykjavík þann 21. október næstkomandi.
550 5000
AUGLÝSINGASÍMI
Aðferðfræðin við að
velja réttu hlutabréfin
CAN SLIM-aðferðin notuð til að velja hlutabréf.
C Fyrir hagnað á ársfjórðungnum
A fyrir aukningu í árlegum hagnaði
N fyrir nýjungar
S fyrir framboð og eftirspurn
L fyrir leiðandi eða að sitja eftir
I fyrir hlut stofnanafjárfesta meðal hluthafa
M fyrir stefnu markaðarins
Heimild: Hlutabréf & Eignastýring
C A N S L I M A Ð F E R Ð I N
CHRISS GESSEL Aðalritstjóri Investor Business Daily kynnti CAN SLIM aðferðina á haust-
fundi Eignastýringar Íslandsbanka í gær.