Fréttablaðið - 06.11.2005, Blaðsíða 6

6 6. nóvember 2005 SUNNUDAGUR
L i n d a
Ben t sdó t t i r
O p i ð
pró f k j ö r
1 2 . n ó v
í Smá r a s k ó l a
Kosningaskrifstofa
Arnarsmára 32
sími - 822 5100
lindabents@simnet.is
FANGAR „Það er ekki bara glæpur
að pynta fólk heldur líka að gera
þær mögulegar,“ segir Frank Aaen,
þingmaður Einingarlistans í Dan-
mörku, í viðtali við Fréttablaðið.
Hann segist ánægður með að málið
hafi vakið slíka athygli á Íslandi.
Það var svar Flemming Hansen,
samgönguráðherra Danmerkur, við
fyrirspurn Frank Aaen á danska
þinginu í síðustu viku sem varð
k v e i k j a n
að umræð-
unni hér á
landi um
m i s n ot k u n
bandarísku
l e y n i þj ó n -
ustunnar CIA
á íslenskri
lofthelgi og
f lugvöl lum
með því að
fljúga með
fanga í leyni-
legar herstöðvar í löndum þar sem
talið er að pyntingar séu stundað-
ar. Hansen upplýsti þá að flugvél
á vegum CIA hefði farið í gegnum
danska lofthelgi á leið frá Íslandi til
Ungverjalands 10. október á þessu
ári. Í sumar hafði danski utanrík-
isráðherrann, Per Stig Møller, lýst
því yfir á þinginu að dönsk stjórn-
völd hefðu tjáð bandarískum yfir-
völdum að Danir sættu sig ekki við
áframhaldandi flutninga á föngum
um danska lofthelgi.
Vitað er að vél á vegum CIA
lenti í Kaupmannahöfn í mars síð-
astliðnum og stoppaði í tæpan sól-
arhring. Aaen vill að upplýst verði
hverjir hafi verið um borð í vélinni,
hvert hún hafi verið að fara og
hvers vegna hún hafi haft viðdvöl
í Danmörku. Hann segir að þessar
upplýsingar eigi að vera til hjá flug-
vallaryfirvöldum. „Þessir fangar
eru í mun verri stöðu en til dæmis
fangar í herstöðinni í Guantanamo
á Kúbu. Við vitum að minnsta kosti
hverjir þar eru og Rauði krossinn
hefur fengið að fylgjast með aðbún-
aði þeirra. Hins vegar vitum við
ekkert um fangana sem CIA er að
fljúga með hér yfir landið. Þessa
flutninga þarf að stöðva og tryggja
föngunum réttlát réttarhöld.“
„Ég trúi ekki öðru en að stjórn-
völd í Danmörku, Íslandi og öðrum
löndum þar sem CIA hefur flog-
ið með fanga í gegn banni flugið
algerlega. Til dæmis hafa stjórn-
völd í Taílandi lokað fangelsi CIA í
landinu. Pólverjar munu örugglega
gera slíkt hið sama“.
Aaen segir málinu ekki lokið í
Danmörku og verði það tekið fyrir
í þingnefnd í næstu viku. Eins ætl-
ast hann til að utanríkisráðherra
Danmerkur taki málið upp hjá Evr-
ópusambandinu enda leikur grunur
á að CIA starfræki fangelsi í sam-
bandslöndum ESB.
ks@frettabladid.is
Það er glæpur að gera
pyntingar mögulegar
Danski þingmaðurinn Frank Aaen kveðst í samtali við Fréttablaðið vera
ánægður með þá athygli sem svonefnt fangaflug Bandaríkjamanna hefur vakið
hérlendis. Fyrirspurn hans á danska þinginu hratt atburðarásinni af stað.
FRANK AAEN
LÍFEYRISSJÓÐIR Lífeyrissjóður Suður-
lands lækkaði greiðslur til sjóðs-
félaga um tólf til sextán prósent um
síðustu mánaðamót. Dæmi eru um
sjóðsfélaga sem hafa séð fimmtán
þúsund króna skerðingu á mánaðar-
greiðslu.
„Langvarandi atvinnuleysi
kvenna á Suðurnesjum hefur haft
gríðarleg áhrif og því er kostnað-
ur vegna örorku kvenna mestur
á Suðurnesjum,“ segir í bréfi til
sjóðsfélaga þar sem þeim er kynnt
skerðingin. „Maður finnur virkilega
til með fólki sem fær þessa tilkynn-
ingu,“ segir Kristján Gunnarsson,
varaformaður sjóðsins og formaður
Starfsgreinasambands Íslands.
Hann segir þá ályktun hafa verið
dregna að há örorkubyrði sjóðsins
á Suðurnesjunum tengist atvinnu-
leysi meðal kvenna. „Á Suðurlandi
eru það hins vegar karlarnir sem
eru í meirihluta þegar kemur að
örorkunni,“ segir Kristján.
„Á meðan við þurfum að velta
þessum vanda á félaga okkar skrifa
opinberu sjóðirnir bréf til fjármála-
ráðherra og segja að hann skuldi
þeim meiri peninga,“ segir Kristj-
án og bendir á rætt hafi verið við
stjórnvöld um að koma að örorku-
þætti kjarasamninga, án árangurs.
- saj
Lífeyrissjóður Suðurlands skerðir greiðslur:
Atvinnuleysi meðal kvenna orsökin
KRISTJÁN GUNNARSSON, VARA-
FORMAÐUR LÍFEYRISSJÓÐS
SUÐURLANDS Kristján telur
að ríkisvaldið eigi að leggja
lið til þess að koma í veg
fyrir skerðingar á lífeyri.
FRÉTTABLAÐIÐ/E.ÓL.
JERÚSALEM, AP Öryggisvörður Yitz-
haks Rabin, forsætisráðherra Ísra-
els, vill að rannsókn verði hafin
á morðinu á Rabin á nýjan leik. Á
föstudag voru tíu ár liðin frá því að
nóbelsverðlaunahafinn var skotinn
til bana.
4. nóvember 1995 skaut Yigal
Amir, öfgahægrimaður úr hópi
gyðinga, Rabin þar sem hann hann
flutti ávarp á friðarsamkomu í Tel
Aviv. Á valdatíma Rabins horfði
mjög í friðarátt fyrir botni Mið-
jarðarhafs en hann gegndi lykil-
hlutverki í að svonefnt Óslóarsam-
komulag varð til þar sem Ísraelar
viðurkenndu rétt Palestínumanna
til að stjórna herteknu svæðunum
svonefndu.
Í sjónvarpsviðtali á föstudag
ræddi Dror Yitzhaki, helsti lífvörð-
ur Rabins, um morðið í fyrsta sinn í
tíu ár. Yitzhaki kvaðst bera ábyrgð
á að ekki hefði tekist að koma í veg
fyrir tilræðið enda þótt urmull
öryggisvarða hefði verið á svæð-
inu. Enginn þeirra hreyfði hins
vegar legg eða lið fyrr en banamað-
ur Rabins hafði lokið sér af.
Í viðtalinu greindi Yitzhaki frá
því að fimm mánuðum fyrir tilræð-
ið hefði leyniþjónustu hersins bor-
ist upplýsingar um að „lítill Jem-
eni“ hefði í hyggju að myrða Rabin
en Amir var af jemenskum ættum.
Ekkert var hins vegar gert með þær
upplýsingar. Þar sem greinilega á
enn eftir að svara ýmsum spurn-
ingum um málið kvaðst Yitzhaki
telja að taka ætti upp málið á ný.
- shg
Tíu ár liðin frá morðinu á Yitzhak Rabin, forsætisráðherra Ísraels:
Lífvörður Rabins vill nýja rannsókn
FÖÐURINS MINNST Minningarathöfn var
haldin í Jerúsalem í gær og þar lagði Dalia,
dóttir Rabins, blóm á leiði föður síns.
FRÉTTABLAÐIÐ/AP
YITZHAK RABIN
YFIRHEYRSLUSTÖÐ? Rúmenskir herlögreglu-
menn gæta Mihail Kogalniceanu-herflugvallar-
ins á meðan C130-flugvél bandaríska hersins
er affermd. Mannréttindasamtökin Human
Rights Watch telja að CIA stundi yfirheyrslur
meðal annars í Rúmeníu og Póllandi.
FRÉTTABLAÐIÐ/AP
KJÖRKASSINN
Þarf að bæta aðbúnað aldraðra
á hjúkrunarheimilum?
já 89,5
nei 10,5
SPURNING DAGSINS Í DAG
Tókst þú þátt í prófkjöri Sjálf-
stæðisflokksins í Reykjavík?