Fréttablaðið - 06.11.2005, Blaðsíða 17

SUNNUDAGUR 6. nóvember 2005 17
inu, unnið í samstarfi við einn
hæfasta grafíska hönnuð lands-
ins. Þá höfum við einnig tekið upp
samstarf við Ragnar Th. Sigurðs-
son ljósmyndara, sem hefur tekið
einstakar ljósmyndir af íslenska
hestinum. Á næstu mánuðum
munum við svo þróa blaðið í þá átt
að gera það enn sterkara og fjöldi
hugmynda á borðinu sem ekki er
hægt að ljóstra upp að svo stöddu,“
segir Telma, sem sér fyrir sér öfl-
ugan fagmiðil sem er í senn fræð-
andi, spennandi og skemmtilegur.
„Hestamennskan kemur við
svo marga þætti mannlífsins; ekki
síst útivist og heilbrigði. Sá hópur
fólks sem stundar hestamennsku
er heldur ekki einsleitur, heldur
fólk úr öllum áttum og af öllum
stéttum; bæði hérlendis og erlend-
is. Það er af nógu að taka innan
hestamennskunnar: útflutningur,
uppeldi á hrossum, tamningar,
hrossarækt og ótal margt annað,
enda stór hagsmunahópur sem
stendur að íslenska hestinum,“
segir Telma en talið er að á bilinu
átján til tuttugu þúsund Íslending-
ar stundi hestamennsku að stað-
aldri.
„Það er mikill uppgangur í
greininni og árlega bætast við
eitt þúsund manns í hestafélög
landsins. Þá seljast öll hross, verð
á hestum hefur hækkað og bein-
línis erfitt að fá góð hross því þau
seljast jafn harðan og þau koma á
markað,“ segir Telma og fullyrð-
ir að hestamarkaðurinn sé á góðu
róli þótt verð fyrir hesta hafi farið
hækkandi.
„Startgjaldið er reyndar dálít-
ið hátt. Vel taminn og þokkaleg-
ur reiðhestur kostar ekki undir
nokkur hundruð þúsundum og
keppnishestar eru miklum mun
dýrari. Svo þarf reiðtygi, hesthús-
pláss og fatnað. En þetta er þess
virði. Fólk sem kemur inn í hesta-
mennskuna nú til dags undirbýr
sig betur en áður þegar það kaup-
ir sér hest, fer á námskeið, aflar
sér þekkingar og öll þjónusta í
kringum hestamennskuna orðin
miklu meiri. Þeir sem selja hross
hafa lagt mikla vinnu og peninga
í tamningar og hrossarækt og því
er verðið ekki svo hátt þegar allt
er skoðað,“ segir Telma en í haust
hefur hestasala verið með einkar
blómlegu móti.
„Kröfurnar hafa aukist mikið
og þeir sem ætla inn í greinina
núna vilja ekki taka við illa tömd-
um eða illa hirtum hesti. Það vill
hæfileikarík og falleg hross af
góðum ættum en enga rokhesta
sem rjúka með knapana hingað og
þangað.“
Spennufíkill með óróleikagen
Lengi hefur loðað við ímynd hesta-
manna að þeir séu umfram aðra
gefnir fyrir sopann. Telma segir
það gamla mýtu; hestamennskan
hafi breyst gríðarlega hin síðustu
ár.
„Í eina tíð þóttu hestamenn
helst til of drykkfelldir, en í hesta-
ferðum nútímans sést varla vín á
nokkrum manni. Í dag hugsa hesta-
menn fyrst og fremst um hrossin
sín, ánægjuna af samneytinu við
þau og útivistina. Fagmennskan er
einnig orðin miklu meiri og reynd-
ar ekki hægt að setja hestamenn
undir einn hatt. Það eina sem þeir
eiga örugglega allir sameiginlegt
er áhugi þeirra á hestum og þegar
hestamenn koma saman er eflaust
hvimleitt fyrir þann sem hefur
engan áhuga að sitja undir spjall-
inu því ekkert fær stöðvað hesta-
menn þegar kemur að hestatali,“
segir Telma og skellir upp úr.
Eiðfaxi er sem fyrr segir elsta
hestatímarit landsins sem enn er
starfandi og einig það útbreidd-
asta. Það er gefið út á íslensku,
ensku og þýsku með þúsundir
áskrifenda á Íslandi og víða um
heim þar sem vinsældir íslenska
hestsins fara sívaxandi.
„Þetta er fjölmiðill eins og hver
annar, nema hvað hann tekur á
nokkuð skýrt afmörkuðu málefni.
Eiðfaxi er fyrst og fremst suðu-
pottur fyrir hvaðeina sem við-
kemur íslenska hestinum. Þetta er
upplýsingaveita fyrir alla áhuga-
menn um íslenska hestinn,“ segir
Telma, sem segist eiga erfitt með
að slíta sig frá fjölmiðlastarfinu.
„Það var skyndihugdetta á
sínum tíma að gerast blaðamaður
og í þá tíð sem Ellert Schram var
ritstjóri DV herjaði ég stíft á hann
og linnti ekki látum uns hann gaf
sig,“ segir Telma, sem síðan hefur
starfað við fjölmiðla með einstaka
hliðarhoppi.
„Fjölmiðlastarfið hentar
ákveðinni manngerð; þeirri sem
er forvitin um menn og málefni
og hefur sterk óróleikagen. Ég hef
alltaf haft gaman af fólki, skoðun-
um þess, viðhorfum, sjónarmið-
um, draumum og þrám og finnst
skemmtilegast við starfið fólkið
á bak við sögurnar,“ segir Telma,
sem eftir langan starfsaldur á
Stöð 2 sagði upp starfi sínu sem
varafréttastjóri árið 2003.
„Ég tók ákvörðun um að hætta
því mig langaði að gera hlé á
mínum störfum og það vafðist
ekkert fyrir mér. Mig langaði að
víkka sjóndeildarhringinn, kíkja
í aðrar áttir um stund og sakna
ekki fréttamennskunnar nema
þegar stórir hlutir eru að gerast.
Þá kemur upp í mér spennufíkill-
inn,“ segir Telma, sem aðspurð
segist fagna öllum konum sem
starfi í fjölmiðlum þótt enn megi
gera betur.
„Mér finnst skorta á að konur
séu í stjórnunarstöðum; þar eiga
íslenskir fjölmiðlar langt í land.
Einnig set ég spurningarmerki við
þá ofuráherslu sem lögð er á útlit
kvenna í ljósvakamiðlum, séu þær
bornar saman við karlana sem
sitja þeim við hlið. Ekki svo að
skilja að allir íslenskir fjölmiðla-
menn séu útlitsgallaðir, heldur
virðist minni áhersla lögð á þá hlið
þegar karl er valinn til starfans.
Svo sakna ég reynslubolta úr hópi
fjölmiðlakvenna. Mig langar að
sjá fleiri þroskaðar sálir sem hafa
reynslu, starfa af fagmennsku og...
já,takk, tala almennilega íslensku.
En þrátt fyrir hnökra er ég full-
viss um að ungt fólk í fjölmiðlum
er að gera sitt besta. Meðal þeirra
sem eru að koma inn í greinina
er mjög efnilegt fólk. Það skortir
hins vegar leiðsögn frá þeim sem
eldri eru og reyndari. Nýliðum er
kastað út í djúpu laugina án þess
svo mikið að björgunarkútur sé í
augsýn!“ segir Telma brosmild
um leið og hún leggur hnakkinn á
hest sinn og ríður út í buskann.
��������������������������������
Reykjavík: Mörkin 4, sími: 533 3500 Akureyri: Hofsbót 4, sími: 462 3504 Egilsstaðir: Miðvangur 1, sími: 471 2954
Opið virka daga: 10-18 og laugard. 11-15
Gjafavara í miklu úrvali frá þekktum vörumerkjum.
Handklæði, sloppar, baðmottur og baðvara frá Christy og Aquanova.
Veisludúkar, hördúkar og löberar frá Södahl, Yris og Kimono.
Sængurfatnaður frá Södahl og Rocha.
����������
„Mig langar að sjá fleiri
þroskaðar sálir sem
hafa reynslu, starfa af
fagmennsku og... já,
takk, tala almennilega
íslensku.“
FORSÍÐA EIÐFAXA Nýjasta tölublaðið hefur
vakið athygli fyrir spennandi efnistök og
vandað útlit.