Frjáls verslun - 01.05.1982, Blaðsíða 75

flytur út meira af úrum en Sviss-
lendingar, og meira af leikföngum
en Japanir, hefur yfir aö ráða meiri
tonnafjölda kaupskipa á heims-
höfunum en Grikkir og gáma-
höfn sem er sú þriðja stærsta í
heimi á eftir Rotterdam og New
York.
Gull 09 verðbréfamark-
aður blomstrar
í Hong Kong opnar gull og
verðbréfamarkaðurinn fyrstur allra
í heiminum á degi hverjum, en
þetta stafar af tímamuninum. Frá
Hong Kong berast því á hverjum
virkum degi viss skilaboð til pen-
ingamarkaðarins annars staðar á
jarðkringlunni. Eins og fyrr greindi
er Hong Kong nú þriðja stærsti
peningamarkaðurinn í heiminum.
Gegnum bankana í Hong Kong
fara mörg stórlán, ekki aðeins til
uppbyggingar í þriðja heiminum,
heldur einnig til ýmissa aðila sem
eru í samkeppni við Hong Kong í
léttum iðnaði. Þá er Hong Kong
annar stærsti kaupandi hlutabréfa
úr Wall Street, hlutabréfum sem
styðja og styrkja bandarískan iðn-
að. Aðeins Zurich er stærri í þess-
um kauþum hlutabréfa.
En þessi hlið er raunar aðeins
ein margra á viðskiptalífi Hong
Kong. Landið er í raun heljarstór
fríhöfn eða opinn markaður fyrir
framleiðendur í heiminum. Hong
Kong þarf að flytja inn gífurlega
mikið hráefni og hálfunna vöru,
sem síðan verður að neytenda-
vöru í meðförum iðnaðarmanna
og iðnverkafólks. Orkumál í Hong
Kong eru leyst með dísilstöðvum,
en merkar tilraunir hafa verið
gerðar með sólarorku og hafa
gengið mjög vel. Hafa Hong
Kong-búar jafnvel verið aflögu-
færir og selt rafmagn til Kína frá
því um mitt ár 1979. Iðnaður
landsins er ekki orkufrekur, notaði
á síðasta ári 5.5 milljónir kíló-
wattastunda, heimilin notuð 3.1
milljónir til verslana og skrifstofa
fóru 6.1 milljónir kílówattastunda.
Til Kína voru seldar 304 þúsundir
kílówattastunda. Þess þarf vart að
geta að rafmagnsverð er miklu
mun lægra en tíðkast hér á landi.
Fjárfesta af kappi
þrátt fyrir óvissa framtíð
Verðbólgan í Hong Kong reynd-
ist vera um 15% á síðasta ári, en
erfitt mun að greina hvað veldur
þar mestu, erlendar verðhækkanir
eða aukin þensla á innlandsmark-
aði. Staðreynd er þó að kjör al-
mennings eru á uppleið og Hong
Kong búar njóta æ meir alls þess
góðgætis sem iðnaður landsins og
verslun býður upp á.
Mikið átak er unnið í sambandi
við bætt híbýli fólksins og verktak-
ar hafa ærið nóg að gera fyrir ein-
staklinga, fyrirtæki og stofnanir
hins opinbera. Það er e.t.v. dálítið
undarlegt að hugsa til þess að hér
er fjárfest af engu minna kappi en
fyrr. Þó er það staðreynd að
samningur um ,,leigu“ á Hong
Kong, Kowloon og New Territories
við hið stóra Kína, munu renna út
fyrir aldamótin.
Hvað verður þá veit enginn. Þó
virðist Ijóst að Kínverjar líta þetta
landssvæði vingjarnlegu auga,
enda leika Hong Kong menn stórt
hlutverk fyrir hina stóru nágranna
og frændur. Frá Hong Kong er selt
mikið magn af iðnaðarvöru og
matvöru frá Kína til fjölmargra
landa í heiminum. Sem hlið út í
hinn vestræna heim mun Hong
Kong því áfram verða í stóru hlut-
verki. Ætla margir að Kínverjar
muni ekki sjá ástæðu til að yfirtaka
þetta landssvæði, jafnvel þótt
margir ungir Kínverjar reyni á ári
hverju að komast yfir til bræðra
sinna í litla landinu, sem ekki nær
frímerkisstærð á hnattlíkaninu,
hvað þá meira.
I sjálfu sér getur Hong Kong
kennt okkur hér á landi vissa lexíu.
Þar í landi hefur frjálsræðið á
flestum sviðum örvað iðnaðinn til
dáða, gagnstætt því sem er hér á
landi þar sem allar greinar eru
margbrotnum viðjum skatta og
álagningarkerfis ríkisins. Fríhyggj-
an sannar á margan hátt gildi sitt í
þessu landi, sem skarar um margt
fram úr öðrum löndum og býður
upp á sífellt betri kjör þegnum sín-
um til handa.
Merkið ,,MADE IN HONG
KONG“ þótti hér áður fyrr ekki
boða merkilega vöru. Á þessu
hefur orðið breyting og iðnaður
þessa ríkis nýtur mikilla vinsælda
fyrir gæði og ekki síst lágt verðlag.
Hin kínverska hugsun og hug-
myndaflug ásamt iðni og dugnaði
virðist eiga samleið með vestrænni
stjórnun og skipulagi.
75