Fréttablaðið - 19.04.2006, Blaðsíða 55

Færeyska hljómsveitin Déjà Vu,
sem spilar á færeyskum degi á
Nasa á laugardaginn, byrjar tón-
leikaferð sína um Ísland í kvöld.
Fyrstu tónleikarnir af sex
verða á Græna hattinum á Akur-
eyri en þeir síðustu á Ránni í
Keflavík 25. apríl.
Fyrsta plata Déjà Vu, A Place
To Stand On, frá síðasta ári var
valin plata ársins hjá dagblaðinu
Dimalætting. Er tónlistin drifin
áfram af grípandi kassagítarlín-
um og ljúfum hljómborðstónum.
TÓNLEIKAFERÐ DÉJÀ VU
19.4. Græni hatturinn Akureyri
20.4. Græni hatturinn Akureyri
21.4. Grandrokk Reykjavík
22.4. NASA Reykjavík
23.4. Grandrokk Reykjavík
25.4. Ráin Keflavík
Déjà Vu í
tónleikaferð
[UMFJÖLLUN]
TÓNLIST
Ég er ekki svo viss um að margir
sem sátu í Háskólabíói á föstu-
dagskvöldið og fylgdust með því
sem Ray Davies hafði fram að
færa hafi hlustað mikið á nýjustu
plötu hans, Other People´s Lives.
Miðað við undirtektirnar þegar
Davies spilaði gömlu slagarana þá
voru það þeir sem fólkið kom til að
heyra. Nýju lögin voru að mínu
mati mörgum klössum á eftir þeim
gömlu í gæðum en þó er vel skilj-
anlegt að hann hafi lagt áherslu á
þau þar sem hann þarf jú að selja
plötuna. Þau voru þó ekki alslæm
enda Ray einn besti texta- og laga-
höfundur allra tíma en lögin skorti
hráleikann og húmorinn sem ein-
kennir gömlu Kinks-lögin enda
þau nýju leikin af þaulvönum og
lærðum hljóðfæraleikurum sem
voru afar færir en ljáðu lögunum
litla sál. Þetta sást best þegar Dav-
ies og félagar léku Kinks lagið Set
Me Free og gítarleikarinn flinki
gjörsamlega drap það í fæðingu
með því að spila laglínuna á gítar-
inn sinn svo úr því varð hroðaleg-
ur lyftutónlistar-fílingur.
Hin Kinks-lögin sem Davies tók
voru þó afbragðs vel framkvæmd
og komu manni heldur betur í fíl-
ing. Meðal þeirra voru til dæmis
All Day And All Of The Night,
Lola, I‘m On An Island, Tired Of
Waiting For You, You Really Got
Me, Village Green, Dead End
Street og fleiri. Ég lokaði stundum
augunum og ímyndaði mér að ég
væri komin aftur í tímann, Davies
væri með bróður sinn með sér, þeir
væru með sítt hár og í útvíðum
gallabuxum og hrikalega sætir á
skringilegan breskan hátt. Þegar
hann svo spilaði Sunny Afternoon
hringdi ég í pabba og leyfði honum
að hlusta á uppáhalds Kinks-lagið
sitt í beinni. Kinks-aðdáendur
fengu því talsvert fyrir sinn snúð
þó svo að persónulega hafi ég sakn-
að svolítið laga eins og Autumn
Almanac, Death Of A Clown sem
og ljúfari laga eins og Days og No
Return. Einnig fannst mér vanta
betri bakraddarsöngvara þar sem
ein sænsk „kántrí“ söngkona
kemur varla í staðinn fyrir Dave
Davies og hina Kinksarana.
Þó svo að ég hafi nánast þurft
að þrauka í gegnum nýju lögin á
meðan ég beið eftir þeim gömlu
voru tónleikarnir á heildina litið
þrælskemmtilegir. Ray var í því-
líku stuði að þegar ég fílaði ekki
lögin sem hann spilaði var nóg að
horfa og dást að dásamlega
skemmtilegum danshæfileikum og
gífurlegri útgeislun hans. Sjálfur
virtist hann skemmta sér svo stór-
kostlega vel að ekki var hægt
annað en að hrífast með. Húrra
fyrir karlinum, hann er ennþá
algjör töffari. Borghildur Gunnarsdóttir
Ennþá algjör töffari
Kaþólsku samtökin Opus Dei krefj-
ast þess að tekið verði fram í upp-
hafi kvikmyndarinnar DaVinci-
lyklinum að um skáldskap sé að
ræða. Myndin byggir á samnefndri
skáldsögu eftir Dan Brown og
hefur farið sigurför um heiminn.
Opus Dei-samtökin voru stofn-
uð árið 1928 til að stuðla að veg-
semd andans í daglegu lífi, en í
DaVinci-lyklinum er þeim lýst sem
skuggalegri leynireglu sem svífst
einskis til að halda sannleikanum
um Jesú Krist leyndum.
Þetta er hrein firra að sögn tals-
manna Opus Dei og hefur valdið
samtökunum talsverðri armæðu
og allt frá útgáfu bókarinnar hafi
þau ítekað þurft að gefa út tilkynn-
ingar til að hrekja efni bókarinnar.
Biðja þeir því Sony Pictures, sem
framleiðir DaVinci-lykilinn, að
árétta í upphafi að myndin sé
skáldskapur og öll líkindi við raun-
veruleikann sé tilviljun ein.
Myndin um DaVinci-lykilinn
verður frumsýnd hérlendis sem og
ytra 19. maí. ■
Opus Dei segja svei
SÍLAS MUNKUR Í DaVinci-lyklinum gerir
Opus Dei meinlætamunkinn Sílas út af
örkinni til að vinna myrkraverk.