Fréttablaðið - 23.04.2006, Blaðsíða 6

6 23. apríl 2006 SUNNUDAGUR
Innri friður – Innri styrkur
Sjálfsefling – lífstíll til framtíðar
Helgarnámskeið verða
haldin í náttúruvænu og
heimilislegu umhverfi
að Fögruhlíð í Fljótshlíð.
Helgar í boði:
12. - 14. maí, konur
9. - 11. júní, konur
Leiðbeinandi er:
Bergþóra
Reynisdóttir,
geðhjúkrunar-
fræðingur MSc
Helstu markmið eru að:
• Byggja upp grunnundirstöðu í sjálfsþekkingu
• Auka innri styrk
• Efla samskiptahæfni
• Kynnast mætti fyrirgefningar og kærleikans í samskiptum
• Læra að leysa árekstra með lausnarmiðaðri sýn
• Upplifa áhrifamátt kyrrðar og hugarróar
• Kveðja ,,það liðna” með jákvæðu hugarfari
• Læra að lifa ,,í Núinu”
Eftirfylgd
Þátttakendum er boðið upp á mánaðarlega fundi í Kópavogi, í þrjú skipti
eftir námskeiðið.
Styrkir
V.R. ásamt fleiri stéttarfélögum, styrkir félagsmenn til þátttöku á
námskeiðinu.
„Ég hef farið á mörg sjálfstyrkingarnámskeið en þetta námskeið hefur
tekið hvað best á því hvað maður sjálfur er mikilvægur í að skapa og
hlúa að eigin vellíðan, bæði í einkalífi og í starfi.“ Lilja E
Nánari upplýsingar
á www.liljan.is
og í síma 8636669.
DANMÖRK. Hlutfall innflytjenda
sem eru virkir á vinnumarkaði í
Danmörku hefur aukist síðustu
ár. Tæplega helmingur innflytj-
enda, sem ekki er með vestræn-
an bakgrunn, er nú á vinnumark-
aðnum, en fyrir níu árum var
hlutfallið þrjátíu og fjögur pró-
sent.
Ennþá er töluverður munur á
atvinnuþátttöku Dana og þessa
hóps innflytjenda því samkvæmt
frétt Politiken í gær eru þrír af
hverju fjórum Dönum með vinnu.
Þar kemur líka fram að lítið
atvinnuleysi í landinu skýri að
hluta til aukninguna. ■
Innflytjendur í Danmörku:
Fleiri taka þátt
í atvinnulífi
DANMÖRK Norskt flutningaskip
sigldi í fyrradag fram á léttklædd-
an mann á fleka á sjónum milli
Noregs og Danmerkur. Í fyrstu
vildi maðurinn ekki segja til nafns
en við yfirheyrslu kom í ljós að
hann er tæplega fimmtugur Suður-
Afríkubúi. Haft er eftir skipstjóra
skipsins sem fann manninn að
hann hafi sagst hafa verið um borð
í ensku skipi þegar hann var
neyddur út á flekann. Maðurinn
hefur ekki viljað staðfesta þá sögu
við lögreglu og segist hafa verið á
flekanum í fjóra daga. -ks
Neyddur frá borði:
Fannst einn á
reki á fleka
BRETLAND, AP Meðan kosningabar-
áttan stóð yfir í Bretlandi á síðasta
ári greiddi Verkamannaflokkur-
inn jafnvirði um einnar milljónar
króna fyrir hárgreiðslu á Cherie
Blair, eiginkonu forsætisráðherr-
ans. Frá þessu skýrði breska dag-
blaðið The Times.
„Og hvað með það?“ sagði tals-
maður Verkamannaflokksins á
föstudag, en vildi þó ekki stað-
festa fréttina. „Frú Blair vann af
frábærum krafti í kosningabarátt-
unni. Hún er gífurlega vinsæl í
flokknum, og ekki gleyma því að
við sigruðum.“ - gb
Breski Verkamannaflokkurinn:
Hárgreiðslan
kostaði stórfé
ÁSAMT LJÚDMÍLU PÚTÍN Cherie Blair með
forsætisráðherrafrú Rússlands í Moskvu-
heimsókn árið 2003. FRÉTTABLAÐIÐ/AP
LUNDÚNIR, AP George W. Bush
Bandaríkjaforseti tjáði Tony
Blair, forsætisráðherra Bret-
lands, rétt fyrir upphaf innrás-
arinnar í Írak fyrir rúmum
þremur árum, að hann ætti frek-
ar að hætta við þátttöku Breta í
innrásinni en að hætta á fall rík-
isstjórnar sinnar. Þetta kemur í
viðtali við Bandaríkjaforseta
sem Lundúnablaðið Daily Telegr-
aph birti í gær.
George W. Bush sagðist hafa
stungið upp á þessu í símatali
við Tony Blair, er sá síðarnefndi
stóð frammi fyrir því að fjöldi
þingmanna Verkamannaflokks-
ins setti sig upp á móti innrás
kæmi ekki til ný ályktun örygg-
isráðs Sameinuðu þjóðanna.
„En þá sagði hann [Blair] við
mig,“ hefur Daily Telegraph
eftir Bush, „ég verð með, jafnvel
þótt það kunni að kosta mig völd-
in.“
Neðri deild breska þingsins
studdi ákvörðun Blairs um að
taka þátt í innrásinni. Mikill
meirihluti bresks almennings
var hins vegar á móti henni og
málið skaðaði Blair verulega
heima fyrir.
Talsmenn Tony Blairs vildu
að svo stöddu ekkert tjá sig um
þessi ummæli Bandaríkjafor-
seta í gær. - aa
Bandaríkjaforseti tjáir sig um aðdraganda Íraksstríðsins:
Ráðlagði Blair að hætta við
BANDAMENNIRNIR BLAIR OG BUSH Blair
kaus að sögn Bush að hætta frekar á að
tapa völdum heima fyrir en hætta við
þátttöku í innrásinni. NORDICPHOTOS/AFP
Stéttarfélög. Efling-stéttarfélag
mótmælir því að með frumvarpi til laga
um atvinnuleysistryggingar, séu gerðar
breytingarnar sem leiða til þess að sam-
skipti stéttarfélaganna við atvinnulausa
félagsmenn sína verði rofin. Efling skorar
á Alþingi að koma í veg fyrir að þessi
þáttur frumvarpsins nái fram að ganga.
ATVINNULEYSI
BANDARÍKIN, AP Fyrrverandi yfir-
maður aðgerða bandarísku leyni-
þjónustunnar CIA í Evrópu sakar
ráðamenn í Hvíta húsinu um að
hafa stungið undir stól upplýsing-
um frá leyniþjónustunni um að
engin gereyðingarvopn væru í
Írak; strax haustið 2002 hafi verið
ákveðið að ráðast inn í Írak.
„Stefnan var mörkuð. Stríðið í
Írak var í uppsiglingu og þeir
[ráðamenn í Hvíta húsinu] voru að
leita eftir leyniþjónustuupplýsing-
um sem féllu að þeirri stefnu,“
segir Tyler Drumheller í frétta-
skýringaþættinum 60 mínútur
sem sendur verður út í kvöld. - aa
Fyrrverandi CIA-maður:
Vitneskju hag-
rætt fyrir stríð
SJÁVARÚTVEGUR Verð sem íslensk-
ar verksmiðjur greiða fyrir grás-
leppuhrogn er of lágt til að standa
undir veiðunum. Þetta segir Örn
Pálsson, framkvæmdastjóri
Landssambands smábátaeigenda
sem gagnrýnir íslensku verk-
smiðjurnar fyrir að greiða ekki
heimsmarkaðsverð til sjómanna.
„Við höfum hvatt okkar veiði-
menn til að selja grásleppuhrogn-
in fyrir ekki minna en fjörutíu og
átta þúsund krónur á tunnuna.
Þessar þrjár íslensku verksmiðj-
ur, Vignir Jónsson, ORA og Fram
Foods eru tilbúnar að borga frá
31 þúsund upp í fjörutíu þúsund
fyrir tunnuna,“ segir Örn. Hann
hefur áhyggjur af afleiðingum
þess að sjómenn taki þessu lága
verði sem þeim er boðið. „Hærra
verð er forsenda fyrir því að
hægt sé að stuðla að hærra heims-
markaðsverði. Verðið sem
íslensku verksmiðjurnar bjóða
hefur líka leitt til þess að þátttaka
í veiðum er í algjöru lágmarki.“
Hvatning til veiðimanna um að
taka ekki boðum undir heims-
markaðsverði hefur einnig komið
frá Siglufirði þar sem söluaðili
erlendis kaupir allt sem veiðist
fyrir 525 evrur á tunnu. „Siglfirð-
ingar eru fyrirmynd annarra
veiðimanna hér á Íslandi,“ segir
Örn. Forsvarsfólk íslensku verk-
smiðjanna þriggja, Vignis Jóns-
sonar á Akranesi, ORA og Fram
Foods, vildu ekkert tjá sig um
málið í gær. annat@frettabladid.is
Íslenskar verksmiðjur gagnrýndar fyrir að greiða of lágt verð til sjómanna:
Tap á grásleppuveiðum
SMÁBÁTAR AÐ VEIÐUM Að sögn Arnar Pálssonar, framkvæmdastjóra Landssambands smá-
bátaeigenda, borgar sig ekki fyrir veiðimenn að halda á grásleppuveiðar fyrir verðið sem
íslenskar verksmiðjur bjóða þeim fyrir hrognin. FRÉTTABLAÐIÐ/KRISTJÁN
ÍRAK, AP Jalal Talabani, forseti
Íraks, fól í gær Jawad al-Maliki
formlega að annast myndun nýrr-
ar ríkisstjórnar. Írakska þingið
kom í gær saman til að hleypa af
stað nýju pólitísku sáttaferli, með
það að markmiði að lægja öldurn-
ar og græða sár í samskiptum
ólíkra trúar- og þjóðernishópa í
landinu.
Með því að þingið kom loks
saman og að fundið er forsætis-
ráðherraefni sem allar helstu
fylkingar geta stutt, er stórum
áfanga náð eftir margra mánaða
pattstöðu í stjórnarmyndunarum-
leitunum og sívaxandi átök milli
fylkinga sjía-múslima, súnní-
araba og Kúrda sem jafnvel
stefndu í að verða að hömlulausu
borgarastríði. Al-Maliki hefur nú
þrjátíu daga til að koma saman
ríkisstjórn og fá hana samþykkta
af þinginu.
Þingið endurkaus Talabani for-
seta, en hann er Kúrdi. Súnní-
arabinn Mahmoud al-Mashhadani
var kjörinn þingforseti. Varafor-
setar verða sjíinn Khalid al-Attiy-
ah og Kúrdinn Aref Tayfour.
Fyrsta embættisverk Talaban-
is eftir endurkjörið var að fela al-
Maliki stjórnarmyndunarumboð-
ið, en hann var tilnefndur af
flokkabandalagi sjía-múslima
eftir að Ibrahim al-Jaafari, frá-
farandi forsætisráðherra, lét
undan kröfum um að hann véki.
Viðleitni al-Jaafaris til að verða
áfram forsætisráðherra á hinu
nýhafna kjörtímabili Íraksþings
höfðu hleypt illu blóði í marga
súnní-araba og Kúrda og valdið
því að tilraunir til myndunar þjóð-
stjórnar stóðu í stað síðustu mán-
uði.
Vonir eru bundnar við að þjóð-
stjórn sjía, súnnía og Kúrda muni
verða fær um að koma böndum á
uppreisnina sem skæruliðar úr
röðum súnnía eru virkastir í, og
stilla til friðar í þeim átökum sjía
og súnnía sem geisað hafa síðustu
mánuði. Takist það vonast Banda-
ríkjamenn til að geta kallað herlið
sitt heim frá Írak. - aa
SÁTTIR FORINGJAR Jalal Talabani, nýendurkjörinn Íraksforseti, og forsætisráðherraefnið
Jawad al-Maliki heilsast á Íraksþingi í Bagdad í gær. FRÉTTABLAÐIÐ/AP
Al-Maliki falið að
mynda stjórn í Írak
Íraksþing kom saman í gær og kaus í nokkrar helstu valdastöður, eftir að pattstaðan
um myndun nýrrar ríkisstjórnar leystist í kjölfar ákvörðunar al-Jaafari fráfarandi
forsætisráðherra að sækjast ekki eftir því að fara fyrir væntanlegri þjóðstjórn.
KJÖRKASSI
Ætlarðu að eyða sumarleyfinu í
útlöndum?
já 42,9
nei 57,1
Myndir þú kjósa þjóðernisflokk?
Segðu þína skoðun á visir.is