Fréttablaðið - 08.05.2006, Blaðsíða 6

6 8. maí 2006 MÁNUDAGUR
���������������������������������������������������������������������
�������������
������������
����������������������
������������������������������������������������������������������
����
�����
�����
�
KJÖRKASSINN
Á að flytja Árbæjarsafn út í
Viðey?
Já 33%
Nei 67%
SPURNING DAGSINS Í DAG
Á að reisa innanlandsflugvöll á
Lönguskerjum?
Segðu þína skoðun á Vísir.is
BRUNI Eldur kom upp í Hampiðju-
húsinu við Brautarholt í fyrrinótt.
Þegar slökkvilið bar að garði var
húsið fullt af reyk og gekk reyk-
köfurum illa að finna eldinn í
fyrstu, vegna stærðar hússins.
Við rannsókn kom í ljós að eldur
hafði kviknað í ruslagámi sem var
fullur af pappír og logaði því glatt.
Vel gekk að ráða niðurlögum eldsins
og var húsið reykræst eftir að eld-
urinn var slökktur. Að sögn varð-
stjóra hjá slökkviliðinu hafa menn
haft töluverðar áhyggjur af að eldur
myndi koma upp í húsinu vegna
þess að útigangsfólk hefur hafst þar
við. Ekkert rafmagn er í þeim
hluta hússins sem brann. -æþe
Bruni í gömlu Hampiðjunni:
Eldsupptök af
manna völdum
LÖGREGLA Lögreglan í Keflavík
var kölluð út tvisvar með stuttu
millibili að skemmtistaðnum H-
punkti í fyrrinótt. Bæði útköllin
voru vegna líkamsárása.
Í fyrra tilfellinu, sem varð
laust fyrir klukkan þrjú, sparkaði
varnarliðsmaður í höfuð dyra-
varðar þegar upp kom ósætti á
milli þeirra við inngang skemmti-
staðarins. Lögreglumenn sem
komu á vettvang tóku ofbeldis-
manninn höndum og færðu á lög-
reglustöð þar sem hann var yfir-
heyrður.
Manninum var sleppt að lok-
inni yfirheyrslu en dyravörðurinn
mun ekki ætla að kæra árásina.
Um stundu síðar var aftur
óskað eftir aðstoð lögreglu á veit-
ingastaðnum.
Þá hafði ungur maður verið
sleginn í höfuðið með flösku á
dansgólfi staðarins. Maðurinn
var fluttur á sjúkrahús þar sem
gert var að sárum hans. Hann
hlaut skurð á vinstra eyra.
Maðurinn var að sögn
varðstjóra mikið ölvaður þegar
árásin átti sér stað og gat ekki
lýst ofbeldismanninum. Engin
vitni að árásinni hafa gefið sig
fram og árásarmaðurinn því enn
ófundinn. - æþe
Lögreglan í Keflavík þurfti í tvígang að skerast í leikinn á sama skemmtistaðnum:
Sparkað í höfuð dyravarðar
Neikvæðni í garð Rússa Viðhorf
Finna gagnvart útlendingum verða
stöðugt jákvæðari, samkvæmt nýrri
skýrslu. Það er þó mjög misjafnt hversu
jákvæðir Finnar eru, sérstaklega eru þeir
neikvæðir í garð Rússa og Sómala. Þeir
neikvæðustu eru ungir menn og ellilíf-
eyrisþegar, að sögn Helsingin Sanomat.
FINNLAND
SVEITARSTJÓRNARKOSNINGAR Sjálf-
stæðismenn í Kópavogi setja mál-
efni fjölskyldunnar og eldri borg-
ara á oddinn í stefnuskrá sinni fyrir
komandi kosningar. Stefnuskráin
var kynnt á fundi í gær. Fram kom
að þeir hyggist koma á fót vöggu-
stofum fyrir níu til tuttugu mánaða
gömul börn og muni vinna að því að
sem ódýrast verði fyrir barnafólk
að búa í bænum.
Gunnar I. Birgisson bæjarstjóri
segir að vel sé staðið að fjölskyldu-
málum í Kópavogi en alltaf megi
gera betur. „Við höfum auðvitað
dagmæður sem sjá um yngstu
börnin en þær eru bara ekki nægi-
lega margar, þess vegna bregðum
við á það ráð að opna vöggustofur.“
Stefnt er að því að nýjar hjúkr-
unar- og öryggisíbúðir fyrir eldri
borgara við Boðaþing verði tilbún-
ar á næsta ári, að unnið verði að því
að afnema tekjutengingar lífeyris-
bóta og að átak verði gert til að
koma í veg fyrir félagslega ein-
angrun eldri borgara.
Íþrótta- og æskulýðsmál skipa
einnig stóran sess en fyrirhugað er
að setja á stofn íþróttaakademíu og
framhaldsskóla við Vatnsenda, efla
forvarnarstarf í skólum og byggja
hesthúsahverfi með reiðhöll á Kjóa-
völlum.
Að sögn Gunnars mun verða
„best að búa í Kópavogi“ að næsta
kjörtímabili loknu.
- sh
Sjálfstæðismenn í Kópavogi kynna stefnumál sín:
Boða vöggustofu,
óperuhús og skóla
TVÍEFLDUR Gunnar I. Birgisson segir að eftir
næsta kjörtímabil muni verða best að búa
í Kópavogi.
RÓM, AP Tvær meginfylkingar
ítalskra stjórnmála deila nú hart
um hver verði næsti forseti lands-
ins. Nýkjörið þing landsins geng-
ur til atkvæða í dag um það hver
verður eftirmaður Carlos Azeglios
Ciampis á forsetastólnum.
Romano Prodi og bandalag
vinstriflokka unnu í þingkosning-
um í síðasta mánuði nauman meiri-
hluta bæði í efri og neðri deild
þingsins. Þeir hafa lagt til að næsti
forseti verði Massimo D‘Alema,
fyrrverandi forsætisráðherra og
leiðtogi stærsta flokksins í fylk-
ingu Prodis.
Hægriflokkarnir, undir forystu
Silvios Berlusconis, vilja hins
vegar að næsti forseti verði Gianni
Letta, náinn samstarfsmaður
Berlusconis.
Í gær hélt Berlusconi því fram
að D‘Alema væri ómögulegur í
embættið og hótaði því að stjórn-
arandstaðan myndi láta öllum
illum látum framvegis í umræð-
um á þingi ef vinstriflokkarnir
keyra það í gegn að D‘Alema verði
fyrir valinu.
„Tillagan um stjórnmálamann
frá vinstriflokki er hreinlega ósið-
leg,“ sagði Berlusconi við frétta-
menn í gær. „Okkar frambjóðandi,
frambjóðandi miðju- og hægri-
flokkanna, er Gianni Letta, og við
krefjumst þess að atkvæðin falli
honum í vil.“
Forsetinn hefur meðal annars
það hlutverk að veita umboð til
stjórnarmyndunar. Ciampi, sem
lætur af embætti nú í maí, hefur
sagt að hann vilji að eftirmaður
hans í embætti veiti stjórnar-
myndunarumboð, þannig að Prodi,
sem er með meirihluta í þinginu,
þarf að bíða eftir nýjum forseta til
að geta myndað ríkisstjórn.
Á Ítalíu er forseti kosinn af
þingmönnum og héraðsstjórnar-
mönnum, samtals um þúsund
manns.
Aðrir stjórnmálamenn hafa
einnig verið nefndir til sögunnar
sem hugsanleg forsetaefni, þar á
meðal Giuliano Amato, fyrrver-
andi forsætisráðherra, og Mario
Monti, fyrrverandi framkvæmda-
stjóri hjá Evrópusambandinu.
Til þess að flækja málin enn
frekar hefur Norðurbandalagið,
samstarfsflokkur Berlusconis,
sagt að leiðtogi þess ætti að verða
næsti forseti og mun greiða honum
atkvæði sín. gudsteinn@frettabladid.is
BRÁ SÉR Á VÖLLINN Forsetaefni vinstriflokkanna, Massimo D‘Alema, sem er með sólgler-
augu hægra megin á myndinni, brá sér á völlinn í Róm í gær, daginn áður en forsetakjör
fer fram.FRÉTTABLAÐIÐ/AP
Forsetakjör á Ítalíu
Ítalskir þingmenn og sveitarstjórnarmenn ganga til kosninga um forseta lands-
ins í dag. Fylkingar Prodis og Berlusconis deila hart um arftaka Ciampis.
Eldfjallið Merap gýs enn Eldfjallið
Merapi á indónesísku eynni Jövu heldur
áfram að gjósa en eldvirkni hefur verið
nokkur í því síðustu vikur. Jarðfræðingar
fylgjast grannt með, því óttast er að
kraftur gossins geti aukist á svipstundu,
rétt eins og gerðist árið 1994 þegar
fjallið gaus síðast en þá fórust sextíu
manns.
INDÓNESÍA
LÖGREGLA Til átaka kom í tvígang á
skemmtistað í Keflavík í fyrrinótt.
PAKISTAN, AP Bréf, sem sagt er
vera frá Osama bin Laden, gekk á
milli manna í landamærahéruðum
Pakistans í gær, rétt við Afganist-
an. Bréfritarinn segist þar biðja
fyrir því að Mus-
harraf, forseti
Pakistans, verði
ráðinn af dögum.
Hann sé „þræll“
George W. Bush
Bandaríkjafor-
seta.
Óljóst var þó
hvort bin Laden
væri raunveru-
legur höfundur
bréfsins.
Bréfinu var dreift á meðal her-
skárra manna í Mir Ali, litlum bæ
í héraðinu Norður-Waziristan, þar
sem bin Laden gæti hugsanlega
verið í felum. - gb
Bréf frá bin Laden:
Segir forseta
réttdræpan
OSAMA BIN LADEN
Nýr prestur í Keflavík Dr. Gunnar
Kristjánsson, prófastur í Kjalarnespró-
fastsdæmi, setti séra Skúla S. Ólafsson
inn í embætti sóknarprests í Keflavíkur-
prestakalli í gærkvöldi. Séra Skúli þjón-
aði fyrir altari ásamt séra Sigfúsi Baldvini
Ingvasyni og Kór Keflavíkurkirkju söng.
ÞJÓÐKIRKJAN