Fréttablaðið - 08.05.2006, Blaðsíða 2

2 8. maí 2006 MÁNUDAGUR
1
BANASLYS Karlmaður á fimmtugs-
aldri lét lífið í vélhjólaslysi við
Laxá í Kjós um hádegisbilið í gær.
Svo virðist sem maðurinn hafi
misst stjórn á hjóli sínu með þeim
afleiðingum að hann kastaðist út
af veginum og hafnaði í skurði.
Vegfarendur, sem urðu vitni að
atvikinu gerðu lögreglu viðvart, en
maðurinn var látinn þegar sjúkra-
lið kom á vettvang. Þyrla Landhelg-
isgæslunnar hafði verið köllluð út
en beiðnin um aðstoð var afturköll-
uð áður en þyrlan fór í loftið.
Ekki er unnt að greina frá nafni
hins látna að svo stöddu. - æþe
Banaslys við Laxá í Kjós:
Lét lífið í
vélhjólaslysi
EFNAHAGSMÁL Guðmundur Ólafs-
son hagfræðingur telur að á næst-
unni reyni á það hvernig bankarn-
ir bregðist við greiðsluvanda fólks
þegar verðbólga fer hækkandi.
Hann telur að bankarnir muni
leysa til sín fasteignir og leigja
fólkinu svo aftur.
Seðlabankinn telur að fast-
eignaverð sé orðið mjög hátt og að
það muni lækka á næstu árum.
Verulegt bakslag hefur þegar
orðið í fasteignaviðskiptum á höf-
uðborgarsvæðinu en um þriðjungi
færri kaupsamningum var þing-
lýst í apríl en í mars.
Seðlabankinn telur að lægra
fasteignaverð geti valdið þreng-
ingum hjá þeim sem hafa skuld-
sett sig mest, ekki síst ef ráðstöf-
unartekjur lækka og atvinnuhorfur
versna. Áhrifin ráðist af því hve
burðugur efnahagsreikningur
heimila og fyrirtækja sé.
Guðmundur Ólafsson hagfræð-
ingur segir að eftirspurnin eftir
húsnæði minnki þannig að fram-
sóknarskellurinn komi nú með
fullum þunga til baka. „Hvað gera
bankarnir þegar þeir sjá fram á að
það er hópur lántakenda sem ekki
getur staðið í skilum? Ætla þeir að
láta íbúðirnar á sölu og láta íbúða-
verð lækka þannig að enn fleiri
lendi í vandræðum eða gera þeir
eitthvað annað? Nú reynir á þeirra
félagslegu ábyrgð,“ segir Guð-
mundur.
„Að öllum líkindum munu bank-
arnir leysa til sín íbúðir fólks í
vanskilum og bjóða fólkinu svo að
leigja íbúðirnar aftur svipað og
gerst hefur erlendis,“ segir Guð-
mundur og telur að einhver bank-
inn hafi þegar stofnað fyrirtæki
um svona starfsemi. Það er þó
ekki á vegum Landsbankans, að
sögn Sigurjóns Þ. Árnasonar
bankastjóra.
Sigurjón segir að alltaf sé hætta
á því að einhverjar fjölskyldur
lendi í greiðsluvanda þegar verð-
bólga fer af stað en það sé vont
fyrir alla og sem betur fer sé þró-
unin ekki komin svo langt. Það
hafi ekki orðið neitt hrun á Íslandi.
Hækkunum sé að linna og jafn-
vægi að myndast á fasteignamark-
aði en auðvitað sé hætta á verð-
bólgu í framhaldi af gengisfalli
krónunnar.
„Bankarnir reyna í lengstu lög
að koma hlutunum þannig fyrir að
fólk missi ekki heimili sín en
stundum getur þetta ekki endað
eins og lagt er upp með. Menn
reyna auðvitað að koma til móts
við fólk og hnika til svo fremi sem
það sjáist til lands. Það eru hags-
munir allra að fólk geti staðið við
sínar greiðslur,“ segir hann.
ghs@frettabladid.is
SIGURJÓN Þ. ÁRNA-
SON
FASTEIGNAVERÐ LÆKKAR Þriðjungi færri kaupsamningum var þinglýst í apríl en í mars.
Seðlabankinn telur að fasteignaverð muni lækka á næstu árum. Myndin tengist ekki efni
fréttarinnar beint.
Reynir á félagslega
ábyrgð bankanna
Hagfræðingur telur að brátt reyni á hvernig bankarnir taki á greiðsluvanda við-
skiptavina. Hann telur að bankarnir muni leysa til sín íbúðir og leigja fólkinu
þær aftur. „Nú reynir á þeirra félagslegu ábyrgð,“ segir hann.
GUÐMUNDUR
ÓLAFSSON
VÍSINDI Vísindamenn Íslenskrar
erfðagreiningar hafa ásamt
erlendum samstarfsaðilum fundið
erfðabreytileika sem eykur líkur
á krabbameini í blöðruhálskirtli.
Í grein sem birtist í vísindarit-
inu Nature Genetics í gær kemur
fram að breytileikinn hafi fundist
við umfangsmiklar rannsóknir á
Íslandi en áhrif hans hafi verið
staðfest í Svíþjóð og Bandaríkjun-
um.
Kári Stefánsson, forstjóri
Íslenskrar erfðagreiningar, er einn
höfunda greinarinnar og segir
hann að niðurstöðurnar verði not-
aðar til að þróa próf sem nýst gæti
við að ákvarða hverjir eigi mest á
hættu að fá sjúkdóminn. - sh
Krabbamein í blöðruhálskirtli:
Áhættuþáttur
hefur fundist
RANNSÓKNARSTOFA ÍE Erfðabreytileikinn
fannst eftir umfangsmiklar rannsóknir.
SINUELDAR Minnstu mátti muna að
umhverfisslys yrði þegar sinueld-
ur kviknaði ofan Grábrókar í
Borgarfirði síðdegis í gær.
Bændur og nemendur við Við-
skiptaháskólann á Bifröst sýndu
mikið snarræði og tókst þeim í
sameiningu að koma í veg fyrir að
eldurinn kæmist í hraun, en þar
hefði hann líklega orðið afar erfið-
ur viðfangs.
Slökkviliðið kom á staðinn
skömmu síðar og lauk við að
slökkva eldinn. Bjarni Þorsteins-
son slökkviliðsstjóri segir eldinn
ekki hafa logað á stóru svæði en
snör viðbrögð heimamanna hafi
skipt sköpum. - sh
Sinueldur við Grábrók:
Komu í veg
fyrir stórbruna
LONDON, AP Hart er sótt að Tony
Blair, forsætisráðherra Breta, til
þess að segja af sér í kjölfar
sveitarstjórnarkosninganna í vik-
unni. Verkamannaflokkur Blairs
beið mikið afhroð í kosningunum
og svo virðist sem ráðherraskipti,
sem hann gerði í kjölfarið, dugi
hvorki til að styrkja stöðu flokks-
ins né leiðtoga hans.
Hópur óbreyttra þingmanna í
Verkamannaflokknum hefur
skrifað bréf til framkvæmda-
stjórnar Verkamannaflokksins.
Þar er framkvæmdastjórnin
hvött til þess að ræða málið við
Blair og leggja fram skýra áætl-
un með tímasetningum fyrir
kosningar á nýjum leiðtoga
flokksins. Þetta er sagt að verði
að gerast eigi síðar en við þing-
lok, sem verða í júlí.
„Við teljum eindregið að slík
yfirlýsing myndi tryggja áfram-
haldandi árangur ríkisstjórnar
Verkamannaflokksins og endur-
nýja sambandið á milli flokksins
okkar og bresku þjóðarinnar,“
segir í bréfinu.
Gordon Brown fjármálaráð-
herra, sem þykir líklegur til að
verða eftirmaður Blairs, gagn-
rýndi í gær harðlega þá flokksfé-
laga sína sem hafa tekið til máls
opinberlega til að hvetja Blair til
að segja af sér. - gb
TONY BLAIR Margir flokksfélagar hans telja
nauðsynlegt að hann segi af sér sem allra
fyrst.FRÉTTABLAÐIÐ/AP
Hópur óbreyttra þingmanna í breska Verkamannaflokknum:
Þrýsta á Blair að segja af sér
SPURNING DAGSINS
Sigvaldi, er mátturinn með
þér?
„Það hlýtur að vera. George Lucas
heldur því fram og ég trúi honum.“
Kvikmynd Sigvalda J. Kárasonar, Dead Man‘s
Cards verður frumsýnd á Cannes-hátíðinni í
maí. George Lucas, höfundur Stjörnustríðs-
myndanna, hefur hrósað myndinni í hástert,
en í þeim kvikmyndum er mátturinn ítrekað
sagður vera með hinum útvöldu.
AKUREYRI Dagatal með nektar-
myndum frá Goldfinger fylgdi
skólablaði Vélskólans á Akureyri
fyrir helgina.
Blaðið var sent
til allra félaga
Vélstjórafélags
Íslands. Stutt er
síðan Skólafé-
lag Vélskóla
Íslands vakti
hneykslun fyrir
nektardans á
skólaballi á
Hallveigarstöð-
um.
Hjalti Jón Sveinsson, skóla-
meistari VMA, ætlar að ræða við
ritnefndina. „Þetta var gert án
minnar vitundar og ég vissi ekki af
þessu fyrr en blaðið var komið út.
Mér þykir mjög leitt að þetta hafi
gerst. Þessir menn gera sér ekki
grein fyrir hvar mörkin liggja. Ég
hefði aldrei leyft þetta.“ - ghs
Vélskólinn á Akureyri:
Nektarmyndir
með skólablaði
Slasaðist í bílveltu Karlmaður á fer-
tugsaldri slasaðist töluvert þegar jeppa-
bifreið sem hann ók fór út af veginum í
Hrútafirði í gær. Hann var einn í bílnum,
meiddist á hálsi og hlaut einhver bein-
brot. Hann var fluttur með sjúkrabíl til
Reykjavíkur en er ekki í lífshættu.
Skotið á vita Skemmdarverk hafa
verið unnin á Knarrarósvita við Stokks-
eyri. Lögreglunni á Selfossi barst til-
kynning um þetta í gær. Nokkuð margar
rúður eru brotnar og svo virðist sem
einhver hafi skotið á vitann með riffli.
LÖGREGLUFRÉTTIR
HJALTI JÓN SVEINS-
SON
Endaþarmsbakteríur valda
áhyggjum Bakteríur í endaþarmi valda
nú sænskum smitsjúkdómalæknum
áhyggjum. Venjulegt pensillín hefur
engin áhrif á endaþarmsbakteríurnar
og smitast þær nú um Svíþjóð með
ógnarhraða. Sérstaklega eru bakteríurn-
ar slæma fyrir aldraða og sjúka því að
þeir þola illa þau meðul sem vinna á
bakteríunum.
SVÍÞJÓÐ
FATLAÐIR Jón Heiðar Ríkharðsson,
framkvæmdastjóri Svæðisskrif-
stofu fatlaðra í Reykjavík, telur
að fyrirhugað setuverkfall á sam-
býlum um miðjan maí hafi lítil
áhrif til að byrja með enda sé
boðun þess kannski liður í áróð-
ursstríði.
„En auðvitað er þetta háalvar-
legt og í sjálfu sér er unnið að því
að leysa deiluna fyrir þennan tíma
þannig að setuverkfallið verði
ekki að veruleika,“ segir Jón Heið-
ar.
Tæplega tvö hundruð íbúar eru
á heimilum fyrir fatlaða á vegum
svæðisskrifstofunnar í Reykja-
vík. Starfsmennirnir eru um eitt
þúsund talsins, margir í hluta-
starfi. Starfsstöðvarnar í Reykja-
vík eru vel yfir fjörutíu talsins en
á landinu öllu eru þær um eitt
hundrað.
„Ég hef svo sem ekki tilfinn-
ingu fyrir því hversu víðtækt
þetta er. Við erum með margar
starfsstöðvar sem eru sjálfstæðar
þannig að það er ekki gott að meta
hvort það verður almenn þátttaka
á öllum vinnustöðunum eða ekki.“
Starfsmenn á heimilum fyrir
fatlaða vilja að laun þeirra verði
hækkuð til jafns við kjarasamn-
inga starfsmanna sveitarfélag-
anna. Fyrir páska slitnaði upp úr
kjaraviðræðunum en síðustu
vikur hafa verið notaðar til
útreikninga. Jón Heiðar vonast til
að deilan leysist í maí. - ghs
JÓN HEIÐAR RÍKHARÐSSON
„Það er ekki gott að meta hvort það verður
almenn þátttaka á öllum vinnustöðunum
eða ekki,“ segir Jón Heiðar Ríkharðsson,
framkvæmdastjóri Svæðisskrifstofu fatlaðra
í Reykjavík. FRÉTTABLAÐIÐ/VALGARÐUR
Framkvæmdastjóri Svæðisskrifstofunnar í Reykjavík um boðað setuverkfall:
Lítil áhrif til að byrja með