Fréttablaðið - 08.05.2006, Blaðsíða 25

MÁNUDAGUR 8. maí 2006 5
HVAÐ ER...
HALLAMÁL?
Gamlir ísskápar geta verið ein-
staklega formfagrir, sérstaklega
ef þeir fá að njóta sín frístandandi.
Það er því engin ástæða til að
henda þeim þótt þeir gefi upp önd-
ina.
Færðu gamla garminn inn í
stofu, þar sem hann hefur gott
pláss, taktu úr honum nokkrar hill-
ur og breyttu honum í vínskáp. Í
hurðinni má geyma staup og glös
og frystihólfið er upplagður staður
fyrir litla konfektkassa sem gott
getur verið að grípa til þegar
dreypt er á góðu víni í góðum
félagsskap.
Aðrir möguleikar eru að hafa
ísskápinn í geymslunni eða bíl-
skúrnum og geyma í honum eitt-
hvað smálegt sem þú vilt hafa
greiðan aðgang
að. Til dæmis
þvottaefni, máln-
ingadót eða úti-
legugræjurnar.
Skíðaklossar, -
hjálmar og -gler-
augu eiga auð-
vitað hvergi
betur heima en í
fallegum ísskáp.
Nýttu gamla
ísskápinn
Hver segir að ísskápur þurfi
endilega að vera notaður til að
kæla matvæli?
Þessi væri hreint
ekki svo slæmur
vínskápur.
Hallamál er eitt nauðsynlegasta
verkfæri allra framkvæmda. Allir iðn-
aðarmenn eiga að minnsta kosti eitt
slíkt og inni á hverju heimili á eitt
stykki hallamál einnig að vera til.
Hallamálið var fundið upp af
Frakkanum Melchisedech Thevenot
á 17. öld en hann var seinna í þjón-
ustu Loðvíks fjórtánda. Á þeim tíma
starfaði Thevenot með mörgum vel
þekktum vísindamönnum sögunnar
eins og Robert Hooke og Christiaan
Huygens. Segir sagan að þeir hafi
báðir reynt að eigna sér uppfinning-
una í sínu heimalandi.
Í hallamáli eru yfirleitt þrjár
vatnspípur. Í þessum vatnspípum
er haft loft eða loftbóla sem gefur
tilkynna hvort hallamálið sé rétt eða
ekki. Stundum nægja aðeins tvær
vatnspípur og segja þær á einfaldan
hátt hvort hlutur sé í beinni línu,
lóðrétt eða lárétt. Þó eru komin á
markað mun nákvæmari ,,hallamál“
sem notast við leiser-tækni. Á flest
venjuleg heimili ætti gamla góða
hallamálið þó að duga.
Sumarið er skammt undan, en
er einhver ástæða til að bíða?
Nú er sumarið komið og um að gera
að hafa allt sumarlegt í kringum
sig.
• Fjölgaðu skærlitum blómum á
heimilinu. Gul og rauð blóm á
grænum stilkum eru með því
sumarlegra sem til er.
• Hleyptu sólinni inn. Dragðu
rimlagardínur upp og skiptu út
dökku gluggatjöldunum fyrir
ljós. Opnaðu alla glugga.
• Gakktu í sumarfötum, líka heima
hjá þér. Hawaii skyrta, hnébux-
ur, sportsokkar, sandalar og
málið er dautt. Geymdu samt
sólgleraugun þangað til þú ferð
út. Algjör óþarfi að líta kjána-
lega út.
• Hlustaðu á fjöruga sumartónlist.
Sólstrandagæjarnir klikka
aldrei. Þjóðhátíðarlög fyrri
ára eru góð líka. Þeir sem
eiga gamlar spólur með
Sumargleðinni eru jafnvel
enn betur settir.
• Settu ávexti í skál á stofu- eða
eldhúsborðið. Þeir vaxa í sól og
yl og hvern langar ekki í svoleið-
is?
• Grillaðu við hvert tækifæri. Það
er algjörlega nauðsynlegt núna
að borða grillmat.
• Farðu fyrr á fætur. Það er orðið
vel bjart upp úr sex á morgnana
og hitagráðurnar ekki slæmar
heldur.
Byrjaðu sumarið heima