Fréttablaðið - 08.05.2006, Blaðsíða 20

8. maí 2006 MÁNUDAGUR20
Skráningarlýsingin er gefin út vegna tveggja hlutafjárhækkana í Icelandic Group
hf. Hlutafé var hækkað samtals um 720.040.532 hluti.
Fyrri hækkuninni, 585.040.532 hlutum, var ráðstafað sem greiðslu fyrir hluti í
Pickenpack-Hussmann & Hahn Seafood GmbH og var hækkunin skráð í Kauphöll
Íslands hf. 15. mars 2006.
Síðari hækkuninni, 135.000.000 hlutum, var ráðstafað sem greiðslu fyrir hluti í
Saltur Holding APS og var hækkunin skráð í Kauphöll Íslands hf. 27. apríl 2006.
Heildarfjöldi hluta í Icelandic Group hf. er nú 2.888.131.914 hlutir. Allir hlutir í
Icelandic Group eru skráðir á Aðallista Kauphallar Íslands hf. undir auðkenninu IG.
Þar sem hlutafé Icelandic Group hf. hefur verið hækkað um meira en sem nemur
10% af heildarhlutafé ber félaginu að gefa út skráningarlýsingu samkvæmt 1. gr.
A-lið 3. tl. viðauka IV við reglugerð nr. 434/1999 og bráðabirgðaákvæði í reglugerð
nr. 242/5006, um almenn útboð verðbréfa að verðmæti 210 m.kr. eða meira og
skráningu verðbréfa á skipulegan verðbréfamarkað.
Skráningarlýsinguna er hægt að nálgast hjá Icelandic Group hf., Borgartúni 27,
105 Reykjavík, á vefsíðu félagsins www.icelandic.is, hjá umsjónaraðila skráning-
arinnar, Fyrirtækjaráðgjöf Landsbankans, Hafnarstræti 5, 155 Reykjavík og á vef-
síðu Landsbankans, www.landsbanki.is.
Skráningarlýsing
Icelandic Group hf.
– maí 2006 410 4000 | www.landsbanki.is
Í
SL
EN
SK
A
AU
G
LÝ
SI
N
G
AS
TO
FA
N
/S
IA
.I
S
L
BI
3
25
56

04
/2
00
6
Í
SL
EN
SK
A
AU
G
LÝ
SI
N
G
AS
TO
FA
N
/S
IA
.I
S
L
BI
3
25
56

04
/2
00
6
Reykvíkingar eru bíó- og leikhús-
glatt fólk sem gerir kröfur um
úrval og gæði. Kvikmyndahátíðir
hér í borg eru mjög vel sóttar, oft
svo vel að nauðsynlegt er að fram-
lengja sýningarfjölda kvikmynda
svo að allir geti barið dýrðina
augum. Leikhúslíf borgarinnar er
spriklandi fjörugt og sýningar ótal
margar á ári hverju. Ríkis- og
borgarreknu leikhúsin standa
fyrir sínu en sjálfstæðu leikhúsin
hafa síður en svo verið þeirra
eftirbátar.
Árlega taka sjálfstæðu sviðs-
listahóparnir á móti 150 til 200
þúsund áhorfendum, hvorki meira
né minna! Það er ótrúlega hátt
hlutfall af öllum leikhúsgestum á
ársgrundvelli og á sér varla hlið-
stæðu í öðrum löndum. Leikhóp-
arnir eru æði fjölbreyttir og
snerta flesta fleti leiklistarinnar í
starfsemi sinni. Þeir heita marg-
víslegum nöfnum: Vesturport, 540
gólf, Kómedíuleikhúsið, Sögu-
svuntan, Draumasmiðjan, Sokka-
bandið, Möguleikhúsið og mörg,
mörg fleiri. Leikhóparnir vinna
öfluga grasrótarvinnu og það er
áberandi hvað konur njóta sín vel
innan vébanda sjálfstæðra leik-
hópa. Oft er talað um slæma stöðu
kvenna í íslensku leikhúsi en hjá
sjálfstæðu leikhópunum eru konur
áberandi, bæði sem listamenn og
stjórnendur. Fjölmenningin hefur
fengið sitt pláss undir merkjum
SL og er það afar jákvætt, enda
snýst leikhús fyrst og fremst um
fólk, ekki bara um menningararf
þess svæðis sem leikhúsið er stað-
sett á.
Tjarnarbíó
Í átta ár hafa sjálfstæðu leikhúsin
rekið Tjarnarbíó, í sögufrægu og
gömlu íshúsi við Tjarnargötu.
Leikhóparnir hafa þó sýnt víðs
vegar um bæinn í hinum ýmsu
sölum, á litlum og stórum sviðum.
Reykjavíkurborg hefur lagt þeim
húsið til án gjalds en SL hafa haft
leigutekjur af Tjarnarbíói og
Reykjavíkurborg hefur greitt
rekstrarkostnað hússins. Nýverið
styrktu Reykjavíkurborg og
Menntamálaráðuneyti SL til að
gera úttekt á húsinu og áætlun um
breytingar á því. Hljómburður er
frábær í húsinu og það hentar vel
fyrir bíósýningar enda hefur húsið
verið vinsæll vettvangur fyrir
kvikmyndahátíðir.
En aðstaða fyrir leikhópa og til
leiksýninga er slæm og húsið í
marga staði óheppilegt fyrir leik-
hússtarfsemi eins og staðan er í
dag. Búninga- og leikaraaðstaða
er varla til staðar, anddyri of lítið,
ekkert skrifstofurými og sjálfur
salurinn gallaður að mörgu leyti.
SL lét gera fyrir sig teikningar að
endurbótum á húsinu og þær lofa
góðu. Í teikningunum er gert ráð
fyrir að hið fallega og sérstaka
útlit hússins haldi sér, sem og
hvelfingin í lofti salarins, en það
er einmitt hún sem gerir hljóm-
burðinn svo afburða góðan. Einnig
er gert ráð fyrir að reisa glerskála
við aðra hlið hússins þar sem yrði
aðstaða fyrir sýningar, fyrirlestra,
kaffihús og aðra blómlega starf-
semi.
Hagræðing
Það vinnst margt með því að koma
starfsemi sjálfstæðu leikhúsanna
undir eitt þak, markaðssetning og
miðasala yrði öll á einni hendi og
frábær tækniaðstaða í fullbúnu
leikhúsi fyrir allar tegundir leik-
húss. Síðastliðin ár hefur það
viljað brenna við að kraftar leik-
hópanna hafa að stóru leyti farið í
að viða að sér tækjabúnaði, sinna
markaðsmálum og ófáum aurum
kastað á glæ sökum óhagræðisins
sem í þessu felst.
Það er lýjandi að byrja alltaf
frá grunni á nýjum stað og finna
hjólið upp í hvert skipti. Endur-
reisn Tjarnarbíós yrði sem happ-
drættisvinningur fyrir sjálfstæðu
leikhúsin og þá hundruði þúsunda
leikhúsgesta sem sækja sýningar
þess á ári hverju og það má
hnykkja á því að stór hluti gest-
anna eru börn sem sjálfstæðu leik-
húsin hafa glatt og örvað af
miklum myndugleik.
TjarnarBÍÓ
En kvikmyndir eru ekki síður vel
sóttar af Reykvíkingum en leik-
sýningar. Lengi hefur verið þörf
fyrir kvikmyndahús sem sinnir
þeim bíógestum sem vilja sjá eitt-
hvað annað en það sem rennur í
stríðum straumi frá draumaborg-
inni Hollywood. Þeir bíógestir
hafa flykkst á kvikmyndahátíðirn-
ar en sá böggull fylgir skammrifi
að þá eru fleiri tugir frábærra
kvikmynda í boði á nokkrum
vikum og sannir bíóáhugamenn
verða helst að taka sér frí í vinn-
unni til að vera nálægt því að hest-
húsa öll herlegheitin.
SL hafa sýnt því verulegan
áhuga að sinna óhefðbundinni og
óháðri kvikmyndagerð í húsinu,
með reglulegum sýningum og
vinna með þeim aðilum sem standa
að kvikmyndahátíðum í Reykja-
vík, hvort sem um er að ræða langar
eða stuttar myndir, erlendar eða
íslenskar. Reykjavíkurborg er
menningarborg og víðfræg sem
slík. Leiðin hefur einungis legið
upp á við síðastliðin ár og mikið í
húfi að tryggja skapandi og kraft-
miklu fólki sæti í borgarstjórn í
kosningunum í vor. Áfram Reykja-
vík!
Oddný er í 5. sæti og Dofri í 7.
sæti á lista Samfylkingarinnar í
Reykjavík.
Leikhús- og bíó-
borgin Reykjavík
UMRÆÐAN
MENNING
ODDNÝ STURLUDÓTTIR OG DOFRI
HERMANNSSON
FRAMBJÓÐENDUR
Lóðaúthlutanir og lóðamál í Kópa-
vogi hafa verið til umfjöllunar
undanfarin misseri. Mikil umræða
skapaðist síðastliðið haust um
þessi mál, bæði vegna afskipta
bæjarráðs af úthlutunum og einn-
ig það fyrirkomulag sem hefur
verið notað. Núverandi úthlutun-
arreglur gefa alltof mikið svig-
rúm fyrir gamaldags vinavæð-
ingu og fyrirgreiðslupólitík.
Vinstri græn í Kópavogi hafa
gagnrýnt harðlega þetta fyrir-
komulag. Þær reglur sem nú er
notast við eru þannig að vilji
meirihluti bæjarstjórnar að
ákveðinn verktaki eða einstakl-
ingur fái tiltekna lóð þá er þeim í
lófa lagið að haga því þannig, svo
loðnar eru reglurnar. Sem dæmi
má nefna að í 4. grein reglnanna
segir m.a.: „Þrátt fyrir lágmarks-
viðmið skv. ofansögðu áskilur
bæjarráð sér rétt til þess að meta
með hliðsjón af fjárhagstöðu
umsækjenda að öðru leyti hvort
ætla megi að aðilar geti lokið
framkvæmdum á tilsettum tíma.“
Í 7. grein er talað um að „[h]afi
umsækjandi eða maki/
sambúðaraðili hans, fengið áður
úthlutað byggingarlóð í bænum
er heimilt að taka mið af reynslu
bæjarfélagsins af umsækjanda
eða maka/sambúðaraðila hans,
sem lóðarhafa“ og í 10. grein segir
að taka skuli tillit til atriða eins
og fjölskylduaðstæðna, núver-
andi húsnæðisaðstöðu, hvort við-
komandi hafi áður sótt um lóð og
ekki fengið og möguleika umsækj-
anda á að klára framkvæmdir á
tilsettum tíma.
Hvergi er sagt með hvaða
hætti eigi að meta, túlka, skoða,
ætla eða hafa til hliðsjónar þau
atriði sem að ofan getur, slíkt er
algerlega háð duttlungum bæjar-
stjórnar. Í höndum ráðríkra sveit-
arstjórnarmanna er hægt að
beygja þessar reglur eins og hent-
ar hverju sinni og tryggja þannig
„réttum aðilum réttar lóðir.“
Vinstri græn í Kópavogi hafa
lagt fram tillögur að nýjum, ein-
földum úthlutunarreglum. Við
leggjum til kerfi þar sem ákveðið
er að umsækjendur fái stig fyrir
þrjá meginþætti, búsetu í bænum,
fyrri umsóknir og fjölskyldu-
stærð. Búseta 0-2 ár = 1 stig, 3-8
ár = 2 stig, yfir 8 ár = 3 stig. Fyrri
umsóknir: 1 ums. = 1 stig, 2 ums.
= 2 stig, 3 ums. = 3 stig. Fjöl-
skyldustærð 1-2 = 1 stig, 3-4 = 2
stig, fleiri en 4 = 3 stig.
Dugi taflan ekki til að ákveða
röðun, þá fái þeir sem hafa jafn-
mörg flest stig, að taka þátt í
útdrætti þar sem sá sem er dreg-
inn fyrstur fær að velja lóð fyrst
á hinum skipulagða reit, og svo
koll af kolli. Verð lóða verði
ákveðið fyrirfram, og verð hverr-
ar lóðar liggi fyrir þegar val fer
fram. Ekki verði úthlutað nema
einni lóð til eins aðila í hverri
úthlutun, og ekki tekin gild nema
ein umsókn frá hverri fjölskyldu
við hverja úthlutun. Við úthlutun
lóða til verktaka verður einnig að
gæta hlutlægra sjónarmiða.
Allir umsækjendur verða að
sitja við sama borð. Það er alger-
lega óviðunandi að þeir sem fá
úthlutað lóðum þurfi í kjölfarið
að sitja undir ásökunum í fjöl-
miðlum um að hafa notið einhvers
forgangs. Þessu vilja vinstri græn
breyta. Vinstri græn - hreinar
línur.
Einfaldar reglur í lóðaúthlutunum
UMRÆÐAN
LÓÐAÚTHLUTANIR
ÓLAFUR ÞÓR GUNNARSSON
Þann 8. maí heldur Rauða kross
fólk í yfir 180 löndum upp á
Alþjóðadag Rauða krossins og
Rauða hálfmánans, á fæðingar-
degi Henry Dunants stofnanda
hreyfingarinnar. Þessi dagur er
venju fremur helgaður níutíu
milljón sjálfboðaliðum um allan
heim og þeirri aðstoð og stuðningi
sem þeir veita meðbræðrum
sínum í neyð.
Verkefni Rauða krossins og
Rauða hálfmánans í heiminum eru
margvísleg og störf sjálfboðaliða
þeirra gætu í fyrstu virst jafn ólík
og löndin eru mörg. Hvað á
sjálfboðaliði Rauða kross Íslands
til að mynda sameiginlegt með
sjálfboðaliðunum í Afríku sem
hlúa að alnæmissjúkum eða þeim
sem brugðust við hamfarabylgj-
unni í Asíu og jarðskjálftanum í
Pakistan í fyrra?
Svarið er einfalt. Sjálfboðaliðar
Rauða krossins og Rauða hálfmán-
ans um gjörvallan heim hafa það
að leiðarljósi að veita þeim aðstoð
sem minnst mega sín í þjóðfélaginu
- hvort sem um velferðarsamfélag
eða þróunarríki er að ræða. Á
hverju ári koma þeir milljónum
manna til aðstoðar vegna stríðs-
átaka eða náttúruhamfara, en að
öllu jöfnu vinna sjálfboðaliðarnir
að því að byggja betra samfélag
meðal eigin þjóðar með því að hlúa
að þeim hópum sem eiga erfitt
uppdráttar, oftar en ekki sökum
fátæktar, einangrunar eða mis-
mununar.
Rauði kross Íslands er þar
engin undantekning. Auk þess að
sinna alþjóðastarfi gegnir Rauði
krossinn veigamiklu hlutverki í
neyðarvörnum landsins og starfar
með þeim hópum sem minnst
mega sín í samfélaginu. Félagið
hefur um árabil staðið að skipu-
legum athugunum undir for-
merkjunum „Hvar þrengir að?“
til að nálgast þá hópa sem hallar á
í velferðarríkinu Íslandi. Stefna
Rauða krossins er að miða verk-
efni sín innanlands við þarfir
þeirra hópa sem minnst mega sín
hverju sinni og hafa fæst úrræði
til úrbóta.
Fyrsta könnun Rauða krossins
undir formerkinu „Hvar þrengir
að?“ var gerð árið 1994 og í kjölfar
hennar var sett á fót verkefni til að
auðvelda ungum atvinnulausum
mæðrum að sækja sér menntun.
Árið 2000 var önnur könnun birt
undir sömu formerkjum. Út frá
niðurstöðum hennar var verkefnum
hrint úr vör sem lutu að heimsóknar-
þjónustu fyrir þá sem eru félags-
lega einangraðir, stuðningi við
geðfatlaða, og forvarnarstarfi með
börnum og unglingum.
Rauði kross Íslands mun efna
til málefnaþings þann 21. maí
næstkomandi til að fjalla um
niðurstöður nýjustu könnunar
sinnar um „Hvar þrengir að?“ í
íslensku þjóðfélagi. Fyrstu niður-
stöður sýna að kjör þeirra sem
minnst mega sín hafa síst farið
batnandi á síðustu sex árum og að
margir búa við fátækt, fordóma
og einsemd.
Enn sem fyrr búa ákveðnir
hópar bótaþega og láglaunafólks
við svo þröngan kost að hægt er að
tala um fátækt. Hér má einkum
benda á hóp eignalausra aldraðra,
öryrkja og sjúkra, tekjulítilla fjöl-
skyldna og einstæðinga, og svo
innflytjendur sem margir hverjir
búa við erfið skilyrði í samfélag-
inu. Á málefnaþinginu mun Rauði
krossinn efna til víðtækrar
umræðu um raunhæfar leiðir til
að leysa þessa hópa úr vítahring
fátæktar og fordóma. Sameigin-
legur vilji atvinnulífs, stjórnvalda,
félagasamtaka og almennings er
nauðsynlegur til að árangur náist.
Rauði krossinn er fjölda-
hreyfing borin uppi af sjálfboða-
liðum sem hefur það að markmiði
að aðstoða þar sem þörfin er mest
hvar sem er í heiminum. Það á
einnig við um Rauða kross Íslands.
Í kjölfar málefnaþingsins mun
félagið á næstunni endurskoða
verkefni sín og leita leiða með
sjálfboðaliðum sínum til að það
geti best aðstoðað þar sem mest
þrengir að.
Hvar þrengir á?
UMRÆÐAN
RAUÐI KROSS
ÍSLANDS
ÚLFAR HAUKSSON
FORMAÐUR RKÍ