Fréttablaðið - 12.05.2006, Blaðsíða 2

2 12. maí 2006 FÖSTUDAGUR
KOSNINGAR Fréttablaðið og vefurinn
visir.is bjóða kjósendum að leggja
spurningar fyrir frambjóðendur
flokkanna sem bjóða fram í Reykja-
vík fyrir bæjar- og sveitarstjórnar-
kosningarnar 27. maí.
Sérstakur kosningavefur hefur
verið opnaður á visir.is þar sem
hægt er að koma á framfæri spurn-
ingum um hvað eina sem skiptir
borgarbúa máli.
Nú gefst tækifæri til að spyrja
frambjóðendur beint. Svörin birtast
síðan í Fréttablaðinu og á vefnum
visir.is. - ssal
Lesendur spyrja
frambjóðendur
SVEITARSTJÓRNAR-
KOSNINGAR 2006
NATO, AP Hermálasérfræðingar
Atlantshafsbandalagsins segja
hættuna fara vaxandi á því að
gerðar verði eldflaugaárásir á
bandalagsríki. Þeir hvetja stjórn-
völd í aðildarríkjunum til að íhuga
alvarlega að láta þróa varnarkerfi
gegn slíkum árásum í Evrópu.
Billingslea marskálkur, vara-
framkvæmdastjóri NATO og
ábyrgur fyrir hergagnamálum,
var í forsvari þegar tíu þúsund
síðna skýrsla sérfræðinganefndar
um hættuna á flugskeyta- og eld-
flaugaárásum á NATO-ríki og
hugsanlegar varnir gegn þeirri vá
var kynnt í höfuðstöðvum NATO í
Brussel í vikunni.
„Það er vaxandi hætta á árás-
um með langdrægum sprengi-
flaugum á NATO-landsvæði, og
það er tími til kominn að kanna
leiðir til að mæta þeirri ógn,“ sagði
Billingslea.
Að hans mati ættu NATO-ríkin
26 að geta komið sér upp skilvirku
neti nema og gagneldflaugastöðva
til að skjóta niður flaugar sem að
þeim kynni að verða skotið, án
þess að það sprengdi útgjalda-
rammann til varnarmála.
„Eldflaugavarnakerfi fyrir
Evrópu er tæknilega vel fram-
kvæmanlegt,“ sagði hann. „Kostn-
aðurinn við að koma slíku kerfi
upp er hóflegur.“
Gert er ráð fyrir að leiðtogar
NATO-ríkjanna ræði málið á
fundi í Riga í Lettlandi í nóvem-
ber. - aa
ÍRÖNSK SPRENGIFLAUG Sérfræðingar NATO segja vaxandi hættu á að evrópsk NATO-ríki
verði fyrir eldflaugaárás. NORDICPHOTOS/AFP
Sérfræðingaskýrsla NATO um hættuna á eldflaugaárásum:
Ræða evrópskar eldflaugavarnir
LÖGREGLUMÁL Unglingur á Akra-
nesi hefur viðurkennt að hafa fals-
að fimm 500 krónu seðla og notað
þá til greiðslu.
Fyrstu tveir seðlarnir komu
fram hjá gjaldkera KB banka á
Akranesi, en þrír til viðbótar í
Brekkubæjarskóla og Grunda-
skóla á sama stað.
Lögreglan hafði ákveðinn ungl-
ing grunaðan en áður en lögreglu-
menn höfðu tal af honum gaf hann
sig fram og viðurkenndi að hafa
falsað seðlana. Munu hafa runnið
á hann tvær grímur þegar hann
las í fjölmiðlum að athæfi af þessu
tagi gæti varðað allt að 12 ára
fangelsi. - jss
Falsaðir peningar á Akranesi:
Unglingspiltur
játar fölsun
1
VINNUMARKAÐUR Gylfi Arnbjörns-
son, framkvæmdastjóri ASÍ, segir
að engin von sé til þess að þróun
efnahagsmála verði innan marka
við endurskoðun kjarasamninga
15. nóvember. „Til þess hefur tím-
inn runnið frá okkur,“ segir hann
um það að verðbólga sé 7,6 pró-
sent.
„Til að ná stjórn á efnahags-
málunum verður ríkisstjórnin að
skilgreina þetta sem efnahagsleg-
an vanda, skoða sína stefnu og
breyta henni. Mér hefur ekki
heyrst að það sé í bígerð.“
„Við sem munum eftir verð-
bólguárunum óttumst að sigla inn
í víxlhækkanir og tveggja stafa
verðbólgutölur. Það er spurning
hvort ríkisstjórninni og aðilum
vinnumarkaðarins takist að koma
böndum á þessa þróun,“ segir
Sveinn Hannesson, framkvæmda-
stjóri SI.
Guðlaugur Stefánsson, hag-
fræðingur SA, segir að einhver
jákvæð teikn séu á lofti. „Fast-
eignamarkaðurinn er að kólna.
Það mun draga úr verðbólgu
lengra fram á þetta ár en vissu-
lega er illt í efni.“
Guðlaugur telur að fólk á vinnu-
markaði verði að vinna sameigin-
lega að því að koma í veg fyrir að
Íslendingar festist ekki í víxlverk-
un verðlags og launa. Hið opin-
bera verði að draga úr fram-
kvæmdum. - ghs
VERÐBÓLGAN EYKST Aðilar vinnumarkaðar-
ins hafa áhyggjur af því að verðbólguþró-
unin stefni framlengingu kjarasamninga í
haust í hættu.
Aðilar vinnumarkaðarins um verðbólgumælingu upp á 7,6 prósent:
Vandinn er efnahagslegur
STÓRIÐJA Orkuveita Reykjavíkur
og Alcan á Íslandi skrifuðu í gær
undir samning sem tryggir Alcan
um 200 MW af raforku vegna fyr-
irhugaðrar stækkunar álversins í
Straumsvík. Þetta jafngildir um 40
prósentum af áætlaðri orkuþörf
sem 280 þúsund tonna framleiðslu-
aukning álversins krefst. Samning-
urinn er til 25 ára og gerir ráð fyrir
að orkan verði tilbúin til afhend-
ingar um mitt ár 2010 og hún komi
frá jarðvarmavirkjunum Orkuveit-
unnar á Hellisheiði. Orkuveitan
telur að samningurinn sé að verð-
mæti rúmlega 60 milljarða króna.
Undirritun samningsins í gær
breytir því ekki að ákvörðun um
stækkun álversins hefur ekki
endanlega verið tekin. Alcan
er í viðræðum við Lands-
virkjun um þá raforku
sem upp á vantar og
Landsnet vegna flutn-
ings á raforkunni. Stefnt
er að því að ljúka þessum
viðræðum síðar á þessu
ári en einnig vantar
starfsleyfi frá Hafnar-
fjarðarbæ.
Lúðvík Geirsson, bæjarstjóri í
Hafnarfirði, segir að endanleg
ákvörðun um stækkun álversins í
Straumsvík sé háð samkomulagi
bæjarins og Alcan sem lúta að
mengunarmálum, umhverfismál-
um og fjárhagslegum atriðum.
Endanleg ákvörðun verði síðan í
höndum Hafnfirðinga sjálfra. „Um
leið og eitthvert slíkt samkomulag
væri komið á borðið og áður en það
hlýtur formlega afgreiðslu þá mun
það fara fyrir íbúa bæjarins í sér-
stakri kosningu.“ Lúðvík segir að
slík kosning verði lík-
lega á næsta ári.
Hrannar Pétursson,
upplýsingafulltrúi Alcan á
Íslandi, segir að mikilvægt skref
hafi verið tekið í því ferli sem hófst
árið 1999. Hann segir að samning-
ar við Landsvirkun gangi ágætlega
en nokkuð sé ennþá í land. Spurður
hvort samningurinn þýddi að móð-
urfélagið væri hætt að skoða val-
kosti félagsins í öðrum löndum til
að auka álframleiðslu sína svaraði
Hrannar neitandi. „En þessi áfangi
í dag segir að Alcan hefur mikla
trú á þessu verkefni og áhuga á
því.“
Þorsteinn Hilmarsson, upplýs-
ingafulltrúi Landsvirkjunar, segir
að fleiri en Alcan ásælist orku frá
Landsvirkjun en ákveðið hafi verið
að fara í einkaviðræður við Alcan
sem stæðu fram á mitt ár 2006 en
þær viðræður verði framlengdar.
Efnislega vildi Þorsteinn ekki tjá
sig um viðræðurnar.
svavar@frettabladid.is
Hafnfirðingar kjósa
um stækkun álvers
Alcan og Orkuveita Reykjavíkur skrifuðu í gær undir samning sem leysir úr 40
prósentum orkuþarfar fyrirhugaðrar stækkunar álversins í Straumsvík. Samn-
ingurinn tekur gildi 2010 og er til 25 ára. Hannn er metinn á 60 milljarða.
HRANNAR
PÉTURSSON
LÚÐVÍK
GEIRSSON
FRÁ STRAUMSVÍK Ef fyrirætluð stækkun gengur eftir mun framleiðslugeta álversins
aukast um 280 þúsund tonn á ári. Stjórnvöld hafa gefið vilyrði fyrir því að
framleidd séu 460 þúsund tonn á ári. FRÉTTABLAÐIÐ/HARI
SPURNING DAGSINS
Jakob, er þreytandi að svara
pillum frá ráðherra?
Það er ekkert þreytandi ef maður
tekur réttu pillurnar.
Lyfjaverð hefur verið til umræðu að und-
anförnu. Jakob Falur Garðarsson, formaður
Frumtaka sem eru samtök framleiðenda
frumlyfja, segir óþolandi að heilbrigðis-
ráðherra setji þá í sama flokk og Actavis í
umræðunni um hátt lyfjaverð.
WASHINGTON, AP Bandarísk stjórn-
völd hafa með leynd safnað saman
upplýsingum um símtöl óbreyttra
borgara í Bandaríkjunum. Til-
gangurinn er sá að búa til gagna-
grunn yfir öll símtöl í landinu.
Bandaríska dagblaðið USA
Today skýrði frá þessu í gær. Blað-
ið segir að fljótlega eftir hryðju-
verkin 11. september árið 2001
hafi bandarísku símafyrirtækin
AT&T, Verizon og BellSouth byrj-
að að senda skrár yfir símtöl við-
skiptavina sinna til bandaríska
þjóðaröryggisráðsins, NSA. Við-
skiptavinir þessara fyrirtækja
skipta tugum milljóna. - gb
ÞJÓÐARÖRYGGISRÁÐIÐ Bandarísk stjórn-
völd ætla að búa til gagnagrunn yfir öll
símtöl sem eiga sér stað í landinu.
Stjórnvöld safna upplýsingum:
Fylgst með öll-
um símtölum
VIÐSKIPTI Miklar hreyfingar voru
með bréf bresku verslunarkeðj-
unnar Marks og Spencer í gær.
Samkvæmt heimildum Frétta-
blaðsins hefur Baugur selt sinn
hlut í keðjunni.
Baugur hóf að kaupa bréf í keðj-
unni síðsumars í fyrra, en þá var
gengið 320 pens á hlut. Að undan-
förnu hefur gengið farið vel yfir
sexhundruð pens.
Áætla má að söluhagnaður af
sölu hlutarins í Marks & Spencer
liggi á bilinu 45 til 50 milljónir
punda eða 6 til 6,5 milljarðar
íslenskra króna.
Þar með hafa íslensk fyrirtæki
innleyst hagnað af erlendum fjár-
festingum fyrir hátt í þrjátíu
milljarða á undanförnum vikum.
Þrettán milljarða af EasyJet, um
tíu af Carnegie og nú rúma sex.
Forsvarsmenn Baugs hvorki
neituðu né játuðu sölu á hlutnum.
Baugur á hlut í House of Fraser og
þar er talið líklegra að stefnt sé að
því að eignast það fyrirtæki að
fullu - hh
Baugur selur í M&S:
Sex milljarða
söluhagnaður
Á ofsahraða Lögreglan í Hafnarfirði
stöðvaði í fyrrakvöld ökumann á bifhjóli
sem mældist á 130 kílómetra hraða á
Reykjavíkurvegi þar sem hámarkshraði er
50. Ökumaður bifhjólsins reyndist ekki
vera með réttindi á hjólið en maðurinn
var sviptur ökuleyfi sínu á staðnum.
LÖGREGLUFRÉTT
MARKS OG SPENCER Baugur hóf að kaupa
bréf í keðjunni síðsumars í fyrra. j