Fréttablaðið - 12.05.2006, Blaðsíða 64

12. maí 2006 FÖSTUDAGUR32
SENDIÐ OKKUR LÍNU
Við hvetjum lesendur til að senda okk-
ur línu og leggja orð í belg um málefni
líðandi stundar. Greinar og bréf skulu
vera stutt og gagnorð. Eingöngu er
tekið á móti efni sem sent er frá Skoð-
anasíðunni á visir.is. Þar eru nánari
leiðbeiningar. Ritstjórn ákveður hvort
efni birtist í Fréttablaðinu eða Vísi eða í
báðum miðlunum að hluta eða í heild.
Áskilinn er réttur til leiðréttinga og til
að stytta efni.
Heimsvæðingin leiðir til þess að
vörur eru framleiddar þar sem
það er hagkvæmast. Við getum
ekki keppt við verkafólk í Asíu í
launum og þess vegna er sam-
keppnisstaða Íslands í grunnfram-
leiðslu ekki góð. Þeirri þróun verð-
ur ekki snúið við. Það felast hins
vegar líka tækifæri í þessari
breyttu heimsmynd og þau eigum
við og verðum að nýta. Það sem
framleitt er í heiminum er í vax-
andi mæli afsprengi sköpunariðn-
aðar.
Tækifærin í sköpunariðnaði
Sköpunariðnaðurinn er ört vax-
andi iðnaður og á því sviði eigum
við Íslendingar mikla möguleika
ef rétt er á spilum haldið. Tæki-
færi okkar felast í góðri almennri
menntun, skapandi hugsun, víð-
tækri starfsreynslu og góðu
almennu velferðarkerfi. Þetta eru
góð skilyrði fyrir sókndjarfa
frumkvöðla að skapa ný fyrirtæki
og finna upp í dag það sem talið
verður sjálfsagt og nauðsynlegt á
morgun. Vel heppnuð íslensk
dæmi um slíkt eru bylting Össur-
ar í stoðtækjaframleiðslu, tækni-
framfarir Marels í matvælaiðnaði
og tölvuleikjaframleiðandann CCP
sem framleiðir afþreyingu fyrir á
annað hundrað þúsund manns um
allan heim. En við getum og verð-
um að gera betur.
Sprotar og skjól
Áður fyrr heyrðust oft þær raddir
að vonlaust væri að rækta tré á
Íslandi og að þau fáu tré sem upp
hefðu vaxið hefðu gert það fyrir
einhverja hundaheppni. Stundum
heyrir maður sömu raddir þegar
kemur að nýsköpun í atvinnulíf-
inu. Rétt eins og sannast hefur í
trjárækt eru fyrirtækin sem nefnd
voru hér að ofan engin hunda-
heppni heldur hlaut óhjákvæmi-
lega að koma að því að hæft, kapp-
samt og framsýnt fólk hrinti
hugmyndum sínum í framkvæmd.
Rétt eins og í trjáræktinni þurfum
við núna einungis að bæta aðstæð-
ur sprotafyrirtækja og frum-
kvöðla til að eignast þéttan skóg
nýrra og skapandi fyrirtækja á
öllum hugsanlegum sviðum.
Kröftugt og skapandi atvinnu-
líf er forsenda þess að við getum
haldið áfram að byggja hér upp
gott samfélag. Þess vegna verðum
við að skapa frumkvöðlum og
nýsköpun betri skilyrði til þróun-
ar og vaxtar. Það er vel hægt, það
gera flestar nágrannaþjóðirnar og
okkur er í lófa lagið að leita í þær
smiðjur erlendis þar sem best
hefur tekist til.
Góðar hugmyndir og frumkvæði
Góðar hugmyndir fæðast oft þar
sem þeirra er þörf. Kannski ein-
mitt þess vegna er ein fremsta
nýsköpunarsmiðja heims ekki í
New York eða London heldur í
Herning, litlum háskólabæ á Jót-
landi. Þar hafa einkaaðilar, í sam-
vinnu við háskóla, bæjarstjórn og
atvinnulíf, byggt upp eina árang-
ursríkustu nýsköpunarsmiðju
heims. Árangurinn byggir á góðri
leiðsögn, umhverfi þar sem
háskólanemendur geta þróað hug-
myndir sínar í náinni samvinnu
við atvinnulíf og fjárfesta og síð-
ast en ekki síst á góðu tengslaneti.
Stjórnandi nýsköpunarsmiðjunn-
ar í Herning leggur ríka áherslu á
að smiðjan sé drifin áfram af eigin
frumkvæði stjórnenda. Smiðjan
má ekki verða stofnun með emb-
ættismenn sem stjórnendur held-
ur verða stjórnendur að sjá sér
persónulega hag í árangri hennar.
Best er að hún sé rekin sem einka-
fyrirtæki stutt af sveitarfélagi og
einkaaðilum sem sjá sér hag af
nýsköpun í atvinnulífinu. Þessi
orð stjórnandans þurfa reyndar
ekki að koma neinum á óvart sem
t.d. hefur orðið vitni að hraðri og
kröftugri uppbyggingu einka-
reknu háskólanna. Árangur þeirra
styður þessa skoðun og einkarekin
nýsköpunarsmiðja með þátttöku
háskóla og atvinnulífs verður þörf
nýjung og lyftistöng fyrir nýsköp-
un í reykvísku atvinnulífi.
Nýsköpunarhöfuðborg
Reykjavík á fyrst og fremst í sam-
keppni við borgir í nágrannalönd-
um okkar, ekki við nágrannasveit-
arfélög eða landsbyggðina. Okkar
öflugasta fólk sækir þangað sem
tækifærin eru best og við viljum
að sá staður sé hér. Samkeppnin
um fólk virkar í báðar áttir og
dæmin sanna að í borgum heims-
ins býr einnig fólk sem vill flytja
hingað með hugmyndir sínar ef
góð skilyrði eru í boði.
Við í Samfylkingunni fögnum
nýjum hugmyndum og fólki sem
getur gert samfélag okkar betra
og viðskiptalíf okkar sterkara.
Þess vegna ætlum við að skapa í
Vatnsmýrinni öflugt starfsum-
hverfi þar sem háskólar, atvinnu-
líf og rannsóknarstofnanir geta
starfað saman. Þess vegna leitum
við í smiðju þeirra sem bestum
árangri hafa náð á sviði nýsköpun-
ar atvinnulífs. Þess vegna ætlum
við að skapa í Reykjavík þau skil-
yrði sem þarf til að fólk geti notað
þekkingu sína, hugvit og frum-
kvöðlakraft til að hrinda góðum
hugmyndum í framkvæmd. Þannig
eflum við skapandi atvinnugrein-
ar.
Höfundur er í 7. sæti Samfylk-
ingarinnar í Reykjavík.
Eflum skapandi
atvinnugreinar
UMRÆÐAN
NÝSKÖPUN
DOFRI HERMANNSSON
FRAMBJÓÐANDI
Einu sinni var úlfur í friðsælli
sveit sem át allt sem að kjafti kom,
sérstaklega var hann sólginn í
lömb bændanna í sveitinni. Að
lokum var bændum nóg boðið og
tóku höndum saman og handsöm-
uðu úlfinn. Úlfurinn baðst vægðar
og sór og sárt við lagði að ef bænd-
ur slepptu honum þá myndi hann
aldrei framar éta neitt annað en
fisk. Það varð úr að bændur sáu
aumur á úlfinum og slepptu honum
gegn þessu loforði. Fáeinum
dögum síðar var úlfurinn svangur
á ráfi um sveitirnar þegar hann
kom auga á feitt og fallegt lamb.
Nokkra stund horfði úlfurinn
gráðugur á lambið og sagði svo við
sjálfan sig. Þetta er sjálfsagt fisk-
ur og því skyldi ég ekki éta hann?
Því dettur mér þessi gamla
dæmisaga í hug að nú geysast
flestir stjórnmálaflokkar fram
með hátíðleg loforð og svardaga
eins og venjulega fyrir kosningar.
Sjálfstæðismenn líta nú sem
snöggvast upp frá því að mylja
undir milljónamæringana og ætla
nú, allramildilegast, að huga að
málefnum aldraða.
Framsóknarmenn í sínu vana-
lega lýðskrumi velja tvö þrjú mál
sem hægt er að flassa upp á öllum
heilsíðuauglýsingunum, eitthvað
sem er nógu einfalt og laust við
hugmyndafræðilegan bakgrunn -
nú er eitt af stóru málunum að
fjölga vatnsrennibrautum í
Reykjavík. Hugmyndina hafa
þeir sjálfsagt fengið útfrá gömlu
kosningaloforði öfgasinnaðra
jafnaðarmanna sem höfðu það
sem forgangsmál að byggja vatns-
rennibraut yfir Faxaflóa.
Samfylkingarfólk hallar sér
þangað sem brauðið er smurt
hverju sinni og fylgir boði For-
mannsins um að „Samfylkingin
eigi að standa vörð um miðjuna“.
Eitt af forgangsverkefnum þeirra
í borginni á að vera að stofna félag
sem á að kanna hvaða kostir eru í
boði varðandi flugvöllinn í Vatns-
mýrinni - tæpum 10 árum eftir að
Formaður þeirra og þáverandi
borgarstjóri stóð fyrir kosningu
um málið. Heyr örlygi, heyr mál
mikit.
Vinstri græn er eini flokkurinn
sem býður hreinar línur; Gegn
stóriðju, gegn brauðmolasiðfræði,
gegn alræði markaðshyggjunnar,
gegn hernaðarbandalögum.
Með aðgengi allra að samfélag-
inu, með gjaldfrjálsum skólum og
heilbrigðiskerfi, með atvinnuupp-
byggingu og nýsköpun þar sem
áherslan er á lítil og meðalstór
fyrirtæki, með öflugum almenn-
ingssamgöngum, með jafnrétti og
félagslegu réttlæti.
Með öðrum orðum. Með fólki.
Höfundur skipar 10. sæti á
framboðslista Vinstri grænna í
Reykjavík.
Hreinar línur
UMRÆÐAN
BORGARSTJÓRNAR-
KOSNINGAR
HRAFNKELL TUMI KOLBEINSSON
FRAMBJÓÐANDI
Frambjóðendur Sjálfstæðisflokks-
ins í Kópavogi fyrir sveitarstjórn-
arkosningarnar eru samhentur
hópur hæfra einstaklinga sem láta
verkin tala. Á stefnuskrá okkar er
fjárstyrkur til allra barna á grunn-
skólaaldri til íþrótta og tómstunda
því við vitum hvað slíkt hefur
mikið forvarnargildi. Við viljum
þannig jafna tækifæri allra til að
leggja stund á íþróttir og tóm-
stundir og leggja heimilum lið
vegna kostnaðar. Um leið drögum
við úr brottfalli barna úr íþróttum
og tómstundum.
Við ætlum að auka sjálfstæði
grunn- og leikskóla og veita for-
eldrum val en við viljum að fjár-
magn verði látið fylgja nemanda
óháð því hvar hann sækir skóla.
Við munum tryggja samfellt skóla-
og tónmenntastarf með sérstökum
tónmenntastofum við alla grunn-
skóla Kópavogs. Við ætlum að
koma upp fjölskyldugarði í Foss-
vogsdal þar sem fjölskyldan getur
notið samverustunda í notalegu
umhverfi.
Nú þegar hafa leikskólagjöld í
Kópvogi verið lækkuð um 30%.
Við munum jafnframt beita okkur
fyrir því að fjölskyldur með fleiri
en eitt barn á leikskólaaldri greiði
aðeins gæslu fyrir eitt barn í einu.
Við viljum tryggja stöðugt starfs-
mannahald á leikskólum með því
að gera aðbúnað starfsfólks sem
bestan, bæði hvað varðar endur-
menntun og möguleika fyrir ófag-
lærða leiðbeinendur til að afla sér
menntunar. Leikskólamálin eru
einn af mikilvægustu málaflokk-
unum í bæjarfélaginu okkar og
því leggjum við ofurkapp á að
leikskólamálin verði til fyrir-
myndar.
Í prófkjörsbaráttu Sjálfstæðis-
flokksins í Kópavogi í janúar sl.
lagði ég mikla áherslu á fjöl-
skyldumálin og í stefnuskrá minni
segir orðrétt: „Ég vil stuðla að
auknu sjálfstæði skóla og leik-
skóla hvað varðar námsefni og
kennsluaðferðir. Skólastjórnend-
ur ættu að fá svigrúm til að þróa
sínar aðferðir í kennslu og þar
með auka val foreldra um slíkt. Ég
vil stuðla að betri nýtingu skóla-
húsnæðis með það að markmiði að
samræma betur tómstundir og
nám. Æskilegt væri að íþróttir og
tónlistarnám, sérstaklega yngstu
barnanna, gætu að einhverju leyti
farið fram innan veggja skólans
áður en vinnudegi foreldra lýkur
til að börn og foreldrar geti varið
meiri tíma saman og dregið úr því
álagi sem fylgir sífelldum akstri í
lok dags. Huga þarf sérstaklega
að tómstundum fyrir eldri börn og
unglinga.“
Þessi áhersluatriði er að finna í
stefnuskrá flokksins og sýnir það
hversu vel sjónarmið allra sjálf-
stæðismanna fá að njóta sín og
hversu samtaka við sjálfstæðis-
menn í Kópavogi erum í vinnu
okkar og stefnumótun. Sameigin-
lega höfum við sett fram öfluga
stefnuskrá sem við treystum
okkur fyllilega til að standa við.
Við sjálfstæðismenn í Kópavogi
höfum lagt metnað okkar í að
byggja upp öflugt bæjarfélag og
styrkja innviði bæjarins undan-
farin kjörtímabil. Við viljum
áfram vera í forystu svo tryggja
megi hagsæld Kópavogsbúa. Til
þess þurfum við þitt atkvæði.
Höfundur skipar 7. sæti á fram-
boðslista Sjálfstæðisflokksins fyrir
bæjarstjórnarkosningarnar.
Það besta fyrir fjölskylduna í Kópavogi
UMRÆÐAN
SVEITARSTJÓRNAR-
KOSNINGAR
RAGNHEIÐUR KRISTÍN
GUÐMUNDSDÓTTIR
MARKAÐSSTJÓRI
Framsóknarmenn í sínu
vanalega lýðskrumi velja tvö
þrjú mál sem hægt er að flassa
upp á öllum heilsíðuauglýsing-
unum, eitthvað sem er nógu
einfalt og laust við hugmynda-
fræðilegan bakgrunn - nú er
eitt af stóru málunum að fjölga
vatnsrennibrautum í Reykjavík.
�����������������
���������������������
H ö n n u n , m y n d l i s t , a r k i t e k t ú r ?
Fornámsdeild umsóknarfrestur er til 26.mars
Myndlistaskólinn í Reykjavík b••ur upp á árs nám skólaári• 2004-
2005 til undirbúnings háskólanámi í sjónmenntum. Námi• er 39
einingar og skipulagt me• hli•sjón af a•alnámsskrá framhaldsskóla.
Umsækjendur skulu vera or•nir 18 ára og hafa loki• framhalds-
skólanámi e•a 104 einingum í almennum greinum. Inntökupróf fara
fram 24. og 25. apríl 2004. Æskilegur undirbúningur: námskei• í
myndlistaskóla e•a áfangar úr framhaldsskóla s.s. SJL 103
og SJL 203, módelteikning, hlutateikning e•a lita/formfræ•i.
Umsóknarey•ublö• fást á skrifstofu og heimasí•u skólans.
Skrifstofan er opin virka daga kl. 14-18 og fös.kl.14-17. Sí i
551 1990 og 551 1936. Fax 551 1926. Netfang:
mynd@myndlistaskolinn.is.Veffang: myndlistaskolinn.is
H
Ö
N
N
U
N
, M
Y
N
D
LI
ST
,
A
R
K
IT
EK
T
Ú
R
?
MYNDLISTA- OG HÖNNUNARSVIÐ / FORNÁM
MYNDLISTASKÓLINN
Í REYKJAVÍK
býður upp á heilsdagsnám í tveim
deildum skólaárið 2006 – 2007,
til undirbúnings háskólanámi
í sjónmenntum.
KERAMIKKJÖRSVIÐ
21 einingar, í samvinnu við Iðnskólann í
Reykjavík.
MYNDLISTA- OG
HÖNNUNARSVIÐ / FORNÁM
39 einingar, skipulagt með hliðsjón
af aðalnámskrá framhaldsskóla.
Inntökupróf fyrir Myndlista-
og hönnunarsviðið verður
haldið laugardaginn 27. maí.
UMSÓKNARFRESTUR
RENNUR ÚT 17. MAÍ
Nánari upplýsingar um inntökuskilyrði
deildanna er að finna á heimasíðu skólans.
og KERAMIKKJÖRSVIÐ
www.myndlistaskolinn.is • mynd@myndlistaskolinn.is • fornam@myndlistaskolinn.is
Allir kennarar skólans
eru starfandi mynd-
listamenn, hönnuðir
eða arkitektar.
MÓDEL-
TEIKNING
5 daga námskeið,
15. - 19. maí.