Fréttablaðið - 17.06.2006, Blaðsíða 2

2 17. júní 2006 LAUGARDAGUR
Bílvelta Bifreið valt á þjóðveginum
við Hvammstanga um hálfellefuleytið
í fyrrakvöld. Ökumaður og farþegar
sluppu ómeiddir en bíllinn er mikið
skemmdur.
Skullu saman Harður árekstur
varð á Eyjafjarðarbraut eystri, skammt
frá Akureyri, um tvöleytið í gær.
Einn meiddist lítillega og var fluttur
á sjúkrahús. Báðir bílar skemmdust
töluvert við áreksturinn.
LÖGREGLUFRÉTTIR
SPURNING DAGSINS
Sigurbjörn, eru þínir hestar
nokkuð á leið í hundana?
„Nei. Og það mun seint verða.“
Hundar í Flekkudal við Meðalfellsvatn eru
fóðraðir á hesthræjum. Eigandi þeirra segir
þetta áralanga hefð en dýralækni finnst
uppátækið óvenjulegt. Sigurbjörn Bárðarson
er einn kunnasti hestamaður landsins.
ELDSVOÐI „Ég vaknaði við glerbrot
og læti frammi og sá þá, mér til
mikillar skelfingar, að herbergið
mitt var orðið fullt af svörtum
reyk,“ segir Guðrún Gunnarsdóttir,
íbúi á bænum Hólmaseli sem
brann í fyrrinótt. „Eftir að ég átt-
aði mig á því hvað væri að gerast
ákvað ég að kíkja ekki fram held-
ur reyna að komast út um glugg-
ann í herberginu mínu. Ég fann
hins vegar ekkert til að brjóta
gluggann með og varð að stinga
andlitinu neðst í gluggaopið til að
fá loft til að geta andað því að her-
bergið var orðið svart af reyk. Ég
gat ekkert gert nema kallað á
hjálp út um gluggann.“
Nágrannar Guðrúnar á næsta
bæ, þeir Hallgrímur Birkisson og
Sævar Örn Sigurvinsson, gerðu
Brunavörnum Árnessýslu viðvart
og komu Guðrúnu til aðstoðar.
„Við sáum eldinn úr eldhúsglugg-
anum hjá okkur og eftir að við
hringdum í slökkviliðið ákváðum
við að fara þangað til að athuga
hvort það væri einhver heima,“
segir Hallgrímur, íbúi á Arabæ.
„Við börðum upp hurðina og svo
virðist sem að Guðrún hafi vaknað
við það og þá urðum við hennar
varir. Þá brutum við rúðu hjá
henni og björguðum henni út.“
Guðrún slapp ómeidd út um glugg-
ann og kennir sér ekki meins eftir
atvikið.
Hallgrímur segir að húsið hafi
ekki verið orðið alelda þegar þá
félaga bar að garði en örfáum mín-
útum eftir að Guðrúnu var bjarg-
að út gaus eldurinn upp og húsið
varð alelda stafna á milli.
Slökkvilið var mætt á vettvang
nokkrum mínútum síðar og börð-
ust vel á þriðja tug slökkviliðs-
manna við eldinn en fengu lítið við
ráðið enda húsið úr timbri.
Guðrún bjó ásamt barni að
Hólmaseli en var blessunarlega
ein heima þegar eldurinn kom
upp. Hún telur að eldurinn hafi
kviknað út frá kerti í stofunni sem
hún gleymdi að slökkva áður en
hún lagðist til hvílu. „Ég sem er
svo eldhrædd og reyni alltaf að
passa mig svo vel á að skilja ekki
eftir logandi kerti fyrir svefninn,
en svona getur gerst ef maður
gætir sín ekki alltaf.“
Húsið er gjörónýtt eftir brun-
ann. aegir@frettabladid.is
Slapp naumlega út
úr brennandi húsi
Eldur kviknaði út frá kerti á bænum Hólmaseli í Villingaholtshreppi. Íbúi í
húsinu, kona sem var sofandi þegar eldurinn kom upp, slapp með naumindum.
Örfáum mínútum eftir að henni var bjargað út varð húsið alelda.
Í LJÓSUM LOGUM Guðrún Gunnarsdóttir
gat ekkert gert nema að kalla út um glugg-
ann eftir hjálp. Það voru nágrannar hennar
sem björguðu henni út á elleftu stundu.
NOREGUR Norska ríkisstjórnin
ætlar ekki að láta undan kröfum
eitt hundrað afganskra flótta-
manna sem hafa verið í hungur-
verkfalli síðustu þrjár vikur.
Norska ríkisstjórnin hefur vísað
þeim og tæplega 2.000 öðrum
Afgönum úr landi, með þeim
rökum að Afganistan sé ekki
lengur hættusvæði.
Afganarnir gera lítið úr stað-
hæfingum um að Afganistan sé
öruggt svæði og þurfa ekki að
leita lengi að dæmi máli sínu til
stuðnings, því fimm norskir
friðargæsluliðar særðust í
Afganistan þegar ráðist var á þá
í febrúar.
Nokkrir afgönsku mótmæl-
endanna hafast við hjá Dóm-
kirkjunni í Osló og sló í brýnu
með þeim og lögreglu í gær. Sam-
kvæmt Aftenposten reyndu lög-
reglumenn að þvinga mótmæl-
endurna í læknisskoðun og drógu
þá nauðuga eftir götunni.
Sjónarvottar segja lögregl-
una hafa gengið full harkalega
til verka. Talsmaður afgönsku
mótmælendanna, Zahir Athari,
sagði að framkoma lögreglunnar
„geti ekki verið í samræmi við
norsk lög og lýðræði“.
- kóþ
Norska stjórnin bifast ekki í máli afganskra flóttamanna í hungurverkfalli:
Afgönum verður vísað burt
MÓTMÆLENDUR VIÐ DÓMKIRKJUNA Var þröngvað í læknisskoðun í gær. NORDICPHOTOS/AFP
Kurteis þjófur Lögreglan í Bretlandi
leitar nú ljósum logum að einum
dannaðasta þjófi sem sögur fara af.
Maðurinn, sem sérhæfir sig í vopnuðum
ránum, þakkar alltaf fyrir sig og biður
fólk um að „gjöra svo vel“ og „vinsam-
legast“ tæma peningaskápinn. Lögreglan
segir að það sé samt sem áður ekkert
kurteisislegt við vopnuð rán.
BRETLAND
EFNAHAGSMÁL Guðmundur Gunn-
arsson, formaður Rafiðnaðarsam-
bandsins, segir að rafiðnaðarmenn
fái ekkert út úr tilboði Samtaka
atvinnulífsins nema það sem hugs-
anlega kæmi frá ríkinu ef tekst að
verja kaupmátt og ná niður verð-
bólgunni en telur á vissan hátt
verið að selja verkalýðshreyfing-
unni það sem „við eigum nú
þegar,“ segir hann.
Guðmundur bendir á að ríkis-
valdið verði að hækka persónu-
afslátt miðað við verðbólguna í
landinu. „Við eigum inni þá hækk-
un sem ríkið mun stæra sig af að
splæsa á okkur þannig að þetta er
ekki allt ferskir peningar eins og
stundum er sagt.“ Guðmundur
spyr: „Sjá menn fram á að það tak-
ist að verja kaupmáttinn þegar
upp er staðið? Það væri skelfilegt
að fara í aðgerðir sem kannski
skiluðu engu og svo hefðu menn
ekki lengur möguleikann á að
endurskoða kjarasamninga næsta
vetur.“
Hann harmar að ekki sé tekið á
eftirlaunafrumvarpinu. „Þjóðfé-
lagið logar stafna á milli vegna
stöðu ellilífeyrisþega. Stjórn-
málamenn hrifsa til sín gæði sem
þeir eiga ekkert með, réttlætis-
kennd fólks er ofboðið en gagn-
rýni er túlkuð sem árás á Sjálf-
stæðisflokkinn.“ - ghs
GUÐMUNDUR GUNNARSSON „Þjóðfélagið
logar stafna á milli,“ segir Guðmundur
Gunnarsson, formaður Rafiðnaðarsam-
bandsins.
Guðmundi Gunnarssyni, formanni Rafiðnaðarsambandsins, líst vel á tilboð SA:
Eftirlaunum þarf að breyta
BJARGVÆTTIRNIR Hallgrímur Birkisson og Sævar Örn Sigurvinsson sáu eldinn og hringdu á
slökkviliðið. Þeir hröðuðu sér síðan á staðinn og komu Guðrúnu til bjargar. MYND/ÁRMANN INGI
KÍNA Kínverskir vísindamenn ótt-
ast að H5N1-veiran hafi stökk-
breyst. Haft var að sönnu að veir-
an væri skæðust á veturna, en
eftir að maður í Shenzhen-borg
sýktist nýlega telja vísindamenn
mögulegt að veiran sé nú jafn-
skæð allt árið um kring. Frétta-
stofa breska ríkisútvarpsins,
BBC, greinir frá þessu á heima-
síðu sinni.
Alþjóðaheilbrigðismálastofn-
unin vill frekar draga úr vanga-
veltum Kínverjanna en ekki og
tekur fram að ekki sé hægt að
álykta um nýja hegðun veirunnar
út frá þessu eina tilfelli. - kóþ
Fuglaflensuveiran í Kína:
Kann að hafa
stökkbreyst
ÍRAK, AP Talið er að maður hafi
falið sprengju í skónum sínum og
þannig komist gegnum vopnaleit í
Buratha-bænahúsinu, einu mikil-
vægasta bænahúsi sjíamúslima í
Bagdad.
Tilgangur sprengingarinnar
var líklega sá að að myrða sjítak-
lerk sem hafði gagnrýnt opinber-
lega hinn fallna leiðtoga Abu
Musab al-Zarqawi. Klerkurinn
komst lífs af og segir al-Kaída
ábyrga fyrir ódæðinu og að þeir
væru að minna á styrk sinn, eftir
að leiðtogi þeirra, al-Zarqawi, var
myrtur í vikunni.
Þrettán létust og um þrjátíu
særðust í þessari mannskæðustu
sprengingu síðan stjórn Íraks
herti til muna öryggisráðstafanir í
höfuðborginni á dögunum. - kóþ
Sprenging í bænahúsi sjía:
Þrettán manns
létu lífið í gær
EFTIR SPRENGINGUNA Hermaður kannar
brakið í bænahúsinu í gær.
LEIKLIST Gríman, íslensku leiklist-
arverðlaunin, var afhent í fjórða
sinn í Borgarleikhúsinu í gær-
kvöldi. Mikið var um dýrðir og
sannkölluð hátíðarstemning ríkti
á meðal leikhússfólksins. Ekki
var annað að sjá en Grímuhátíðin
hafi öðlast fastan sess í íslensku
leikhúslífi.
Óumdeildur sigurvegari
kvöldsins var Baltasar Kormákur
og leiksýning hans Pétur Gautur.
Baltasar var útnefndur leikstjóri
ársins og sýningin sú besta. Þrír
af leikurum sýningarinnar fengu
verðlaun fyrir túlkun sína á per-
sónum sínum, bæði í aðal- og auka-
hlutverkum. - shá/sjá síðu 44
Íslensku leiklistarverðlaunin:
Pétur Gautur
sigurvegari
LÖGREGLUMÁL Allir farþegar lítill-
ar rútubifreiðar komust út í tæka
tíð eftir að eldur kom upp í henni á
Sandskeiði, rétt fyrir ofan Blá-
fjallaafleggjarann, rétt fyrir
klukkan þrjú í gær. Rútan brann
til kaldra kola og reyndust tilraun-
ir bílstjórans og annarra vegfar-
enda til að slökkva eldinn árang-
urslausar.
Slökkvilið höfuðborgarsvæðis-
ins kom fljótlega á staðinn og réði
niðurlögum eldsins en rútan er
gjörónýt. Nauðsynlegt reyndist að
stöðva umferð á meðan slökkvilið
athafnaði sig og olli það nokkurri
umferðarteppu um stund. Elds-
upptök eru ókunn. - shá
Rúta brann á Sandskeiði:
Farþegar kom-
ust út í tíma
Flóð í leikskóla Dælubíll slökkviliðs
var kallaður að leikskólanum Laufásborg
í fyrrakvöld vegna vatnsleka. Svo virðist
sem óprúttnir náungar hafi stíflað nið-
urfall með grjóti við útidyrahurð skólans
og skrúfað frá vatnskrana. Mikið vatn lak
inn en skemmdir voru óverulegar.
SLÖKKVILIÐ
ST. KITTS, AP Þjóðir sem hlynntar
eru hvalveiðum töpuðu fyrstu mik-
ilvægu atkvæðagreiðslunni á ráð-
stefnu Alþjóðahvalveiðiráðsins,
sem nú stendur yfir á Karíbahafs-
eyjunni St. Kitts. Kosið var um
hvort ráðið ætti að fjalla um minni
hvali og höfrunga og voru Japanir,
sem eru í forystuhlutverki hval-
veiðiþjóða, andsnúnir því.
Úrslit atkvæðagreiðslunnar
voru þau að þrjátíu þjóðir mæltu
gegn tillögunni en þrjátíu og tvær
voru henni hlynntar. Þetta hljóta
að teljast talsverð vonbrigði fyrir
fulltrúa Japans, því unnið hefur
verið hörðum höndum að því að
tryggja meirihluta þeirra í ráðinu
og munu margar þjóðir hafa geng-
ið í ráðið að þeirra ósk. Ein þeirra
er Mið-Ameríkuríkið Belís og kom
það mörgum í opna skjöldu í gær
að Belís „sveik lit“ og kaus með
friðunarþjóðum. - kóþ
Alþjóðahvalveiðiráðið:
Tvö atkvæði
vantaði upp á
SIGURVEGARI Baltasar Kormákur og leik-
sýning hans Pétur Gautur voru óumdeildir
sigurvegarar kvöldsins. Hér sést Baltasar
ásamt Hilmi Snæ Guðnasyni.