Fréttablaðið - 17.06.2006, Qupperneq 22

■ FÖSTUDAGUR, 9. JÚNÍ
Þjösnaleg einokun
Nú er þessi langþráði dagur runn-
inn upp. Heimsmeistarakeppnin
í knattspyrnu er hafin. Í fjög-
ur ár er ég búinn að hlakka
til að sjá afreksmenn frá
öllum heimshornum
koma saman og reyna
með sér á siðmenntaðan
hátt með því að
keppa í „the
Beautiful
Game“, íþróttinni fögru,
eins og knattspyrnan er nefnd
(nema í RÚV þar sem hún heitir
„spark“).
Núna fer keppnin fram í Þýska-
landi og ég sá byrjunarleikinn í
boði Goethe Institut og þýska
sendiherrans.
Fyrsti leikurinn var Þýskaland
- Kostaríka, og úrslitin 4:2.
Frábær leikur. Í fyrsta sinn
sem ég sé þýskt lið spila svona
fallega knattspyrnu
með hröðum sam-
leik, stuttum
sendingum og
svo þrumuskot-
um langt utan
af velli.
Ég
vona bara að Himnaríki verði ekki
fyrir barðinu á þjösnalegri einok-
un Símans á grunnnetinu. Það er
lítið fútt í að fara til Himnaríkis ef
ekki er hægt að fylgjast þar með
fótbolta og ég er viss um að Goethe
sálugi hefur verið stoltur af sínum
mönnum og boðið tvöfaldan nekt-
ar og ambrósíu á línuna.
■ LAUGARDAGUR, 10. JÚNÍ
Tilfinningavella
Fór á Gauk á Stöng að horfa á Eng-
lendinga og Kostaríka. Þar var
margt um manninn en uppi á lofti
var einhvers konar landsfundur
húðflúraðra.
Ekki þóttu mér Englendingar
sannfærandi.
Það minnir mig á að Ísland fékk
enn eina ríkisstjórnina í dag. Og
kvenkyns utanríkisráðherra í
fyrsta sinn.
Vonandi sér Valgerður að það
er þjóðinni til minnkunar að standa
í þessu ströggli við Kanann og
sífra um að þeir verði að skaffa
herþotur til að hafa í Keflavík.
Auðvitað eigum við að leyfa mönn-
unum að fara í friði úr því að þeir
geta ekki haft gagn af okkur leng-
ur. Það er sjónarmið sem ég
hélt að stjórnmálamenn ættu
auðvelt með að skilja.
Sumir íslenskir ráðamenn
hafa alltaf bland-
að einhverri
hýsterískri til-
finningavellu í
samband sitt við
Kanann. Þetta er eins
og að horfa upp á
roskna vændiskonu
halda því
fram
að
uppáhalds kúnninn hafi
lofað að giftast sér. Dap-
urlegt.
Mér sýnist að friður-
inn í framsókn felist í því
að stilla upp fylkingu gegn Guðna
með Jón skyldurækna í hlutverki
nýfundins erfðaprins.
Nú er Jónína Bjartmarz komin
í ráðherrastól og orðin umhverfis-
ráðherra. Hún ætti endilega að
kíkja hingað niður í Grjótaþorp og
sjá hvað maðurinn hennar er
búinn að afreka í umhverfismál-
um í góðu samstarfi við bygging-
arfulltrúann í Reykjavík og frá-
farandi borgarstjórn. Óþarfi að
leita langt yfir skammt.
■ MÁNUDAGUR, 12. JÚNÍ
Silfurskeið í hengirúmi
Sat á mér og horfði ekki á neinn
fótbolta. Hélt mig að verki til til-
breytingar.
Er að bisa við að skrifa smá-
sögu. Suma daga er maður hund-
fúll yfir því að hafa ekki
fæðst með silfur-
skeið í
munni og
helst liggj-
andi í hengi-
rúmi. Senni-
lega eru þetta þó
bara fráhvarfsein-
kenni af því að hafa
ekki horft á knattspyrnu í
dag.
■ ÞRIÐJUDAGUR, 13. JÚNÍ
Góð regnhlíf
Fór að horfa á Tógó og Suðurkóreu
með Nirði P. Njarðvík og Össuri
Skarphéðinssyni. Össur er for-
maður Spes sem rekur barnaheim-
ili í Lomé, þar er hópur af litlum
krílum sem eiga íslenska styrkt-
arforeldra. Njörður er ræðis-
maður Tógó, og það var
hann sem fatt-
aði upp á að
stofna Spes.
Fátæktin í
Tógó er svo
skelfileg að ég
er hissa að því
að það skuli
hafa verið
til ellefu
pör af
takkaskóm
í landinu.
Samt eru
piltar frá
þessu landi í
úrslitum
heimsmeistara-
keppni í knatt-
spyrnu. Það er vel
af sér vikið.
Okkar menn töpuðu leiknum,
en þeir töpuðu með sæmd. Þeir
gerðu fyrsta markið, en svo höfðu
þeir ekki úthald. Mér leið eins og
ég væri að horfa á íslenska lands-
liðið.
Villi Þ. tók við borgarstjóra-
embættinu í dag. Mér líst vel á
Villa. Hann muldrar ofan í barm-
inn og er fremur spar á stórar
yfirlýsingar, en hann er einn af
þeim sem hafa vit og innræti til að
koma fram við fólk eins og jafn-
ingja sína.
Ég gaf honum regnhlíf til að
nota í kosningabaráttunni. Sú
hefur aldeilis komið að notum.
■ MIÐVIKUDAGUR, 14. JÚNÍ
Svisslendingar, Da Vinci og
gauksklukkan
„Þau þrjátíu ár sem Borgia-ættin
ríkti á Ítalíu geisaði stríð, ógnar-
stjórn, morðæði, blóðsút-
hellingar - og þessi
þrjátíu ár ólu af
sér
Michelang-
elo, Leonardo
da Vinci og End-
urreisnina. En í Sviss bjó fólk við
náungakærleika í fimm aldir lýð-
ræðis og friðar, og hvað kom út úr
því? Gauksklukkan.“
Þetta segir Harry Lime (Orson
Welles) í þeirri frægu mynd
„Þriðji maðurinn“ og hefur ekki
mikið álit á svissneskri hugmynda-
auðgi. Samt vita Svisslendingar
greinilega
sínu viti því
að í borginni
Zürich hefur
tekist að
draga úr
nýgengi
heróínfíkla
um 82 pró-
sent á tíu
árum.
Aðferðin
er einföld.
Heróínfíkl-
um stendur
til boða að fá
heróín keypt
í lyfjaversl-
unum gegn
framvísun
lyfseðils, og
auk þess er
boðið upp
á ókeyp-
is sprautunál-
ar og athvörf þar
sem fíklar geta komið til
að sprauta sig.
Með þessu móti hefur ævin-
týraljómi hins forboðna dofnað og
fíkillinn er ekki lengur uppreisn-
armaður í samfélaginu heldur
sjúklingur sem þarf á hjálp að
halda en
ekki fang-
elsi.
Eiturlyfjasmygl og dreifing eru
vonlausar atvinnugreinar þar sem
ríkiseinkasala og sjúkrasamlag
sjá um að afgreiða sjúk-
lingana í næsta apóteki.
Hreint heróín, ókeyp-
is sprautur og athvörf fyrir
fíkla hafa að sjálfsögðu
dregið úr þeim sjúk-
dómum sem tengj-
ast neyslunni. Og úr
því að heróín er
flokkað sem lyfseðilsskylt
lyf fylgir efninu ekki leng-
ur andfélagsleg hegðun og
þjófnaða- og ránafaraldur
sem okurprísar á ólögleg-
um markaði valda. Heróín
í Zürich er einfaldlega lyf
sem heimskulegt er að
ánetjast - og glæpagengi
hafa ekki lengur ástæðu
til að stunda ólöglega
verslun og
handrukk-
arastarfsemi. Og
færri og færri ánetjast
heróíni af því að engir
eiturlyfjasalar hafa hag
af því að fjölga viðskipta-
vinum.
Kannski Svisslending-
ar hafi eftir allt saman
fundið upp eitthvað sem
er ennþá merkilegra en
gauksklukkan.
■ MIÐVIKUDAGUR,
14. JÚNÍ
APPLE eða MELA?
Sólveig fór
með mig að
sjá Da Vinci-
lykilinn.
Þarna
voru laun-
morðingjar,
Guðsverka-
menn í Opus
Dei, dulmál,
táknsæi, Síons-
klaustrið og elt-
ingaleikir svo
að eiginlega
hefði átt að
vera verulega
feitt á stykkinu. En
það vantaði spenn-
andi persónuleika
svo að myndin var
marflöt eins og
krossgáta. Þetta var
eins og þegar skratt-
inn fór að skapa
mann: „skinnlaus
köttur varð úr því“.
Merkilegt að láta Leonardo
nota enska orðið APPLE í Da
Vinci-lykilinn í stað þess
að nota orðið „mela“
sem er „epli“ á
ítölsku. Skrýtið
að maður sem
fæddist 40 árum
áður en Kólumbus
kom til Ameríku skuli hafa verið
orðinn svona ameríkaníseraður.
■ FIMMTUDAGUR, 15. JÚNÍ
Sniðglíma á lofti!
Síðasti ríkisráðsfundur Halldórs
Ásgrímssonar. Það verður sjónar-
sviptir að honum.
Það hljóta allir að viðurkenna
að Halldór kveður snöfurmann-
lega með því að taka Geir Haarde
og Sjálfstæðisflokkinn á „ippon“
eða sniðglímu á lofti.
Á leið heim af þessu balli hlýtur
Geir Haarde að velta því fyrir sér
hvað orðatiltækið „tveir fyrir
einn“ merkir í raun og veru.
Snarpari glímutök hafa ekki sést
hjá formönnum framsóknarflokks-
ins síðan Hermann Jónasson varð
glímukóngur Íslands árið 1921.
Og miðað við hlut Framsóknar-
flokksins í stjórnun Reykjavíkur-
borgar lítur út fyrir að Björn Ingi
Hrafnsson muni verða prýðilega
glíminn.
17. júní 2006 LAUGARDAGUR22
���
���������������������
�����������������
�������������������������
Sniðglíma á lofti
Í Dagbók Þráins Bertelssonar er fjallað um knattspyrnu. Einnig er vikið lauslega að öðrum málaflokkum
- svo sem stjórnmálum, vændiskonum, gauksklukkum, Guðsverkamönnum í Opus Dei og íslenskri glímu.
Kæra
Dagbók
Þráinn Bertelsson skrifar