Fréttablaðið - 17.06.2006, Síða 63

Fyrrverandi kryddstúlkan Geri
Halliwell, sem eignaðist barn nú á
dögunum, hefur nú valið guðmóð-
ur og er sú engin önnur er Victoria
Beckham. Sættir náðust með þeim
stöllum fyrr á árinu eftir að hafa
varla talast við síðan stúlknasveit-
in Spice Girls leið undir lok. Mikil
vinátta hefur tekist með þeim
síðan Halliwell varð ólétt enda
hefur Victoria getað gefið góð ráð
því hún á þrjú börn með eigin-
manni sínum, fótboltakappanum
David Beckham.
Geri velur fína kryddið
GERI HALLIWELL Glöð og
sæl í móðurhlutverkinu.
FRÉTTABLAÐIÐ/GETTYIMAGES
Ofurfyrirsætan Kate Moss sleppur
undan dómi vegna eiturlyfja-
misnotkunar. Mál hennar stóð sem
hæst í byrjun árs og var það vegna
myndbirtingar í blöðum af henni að
taka eiturlyf í hljóðveri ásamt fyrr-
verandi unnusta sínum Pete Doherty.
Samkvæmt blaðinu Daily Mail er
breska lögreglan viss um sekt Moss
í kókaínmáli hennar en ekki liggja
fyrir næg sönnunargögn til að sann-
færa dómara. Kate Moss hefur
hvorki játað né neitað sekt sinni í
þessu máli og stuttu eftir að mynd-
irnar birtist flaug hún til Bandaríkj-
anna í meðferð. Kate Moss hefur nú
byrjað aftur að vinna og segja menn
hana aldrei hafa litið betur út.
Kate Moss sleppur
OFURFYRIRSÆTAN Kate Moss var í vondum
málum í byrjun þessa árs en virðist nú vera
laus allra mála. FRÉTTABLAÐIÐ/GETTYIMAGES
Hin fjölhæfa þokkagyðja Jennifer
Lopez hefur nú gengist undir
skurðaðgerð til að reyna að eign-
ast börn samkvæmt National
Enquirer. Lopez hefur lengið
dreymt um að eignast börn og
telur sig vera að falla á tíma en
hún er 36 ára gömul. Dívan giftist
söngvaranum Marc Anthony fyrir
tveimur árum og á hann þrjú börn
úr fyrri hjónabandi. Læknar munu
hafa ráðlagt Lopez að hvílast og
nærast vel til að auka líkurnar á
barnsburði.
Lopez reynir að
eignast barn
HIN FJÖLHÆFA DÍVA Jennifer
Lopez þráir að komast í móður-
hlutverkið. FRÉTTABLAÐIÐ/GETTYIMAGES
Dreifing
550 5000
AUGLÝSINGASÍMI