Fréttablaðið - 25.06.2006, Blaðsíða 2
2 25. júní 2006 SUNNUDAGUR
�������������������������
��������������������������������������������
�������
��������
��������������������������������
��������������������
������������������������
�������
�����
�������
������
VARNARMÁL Condoleezza Rice,
utanríkisráðherra Bandaríkjanna,
ræddi við Valgerði Sverrisdóttur,
utanríkisráðherra, símleiðis um
stöðu varnarviðræðna Íslands og
Bandaríkjanna.
Upp úr hádegi í gær hringdi
Rice óvænt í Valgerði. „Það kom
mér skemmtilega á óvart þegar
Rice hringdi. Hún var fyrst og
fremst að óska mér til hamingju
með embættið,“ sagði Valgerður
en í framhaldinu ræddu þær um
stöðu varnar-
viðræðna
Íslands og
Bandaríkjanna.
„Rice þekkir
varnarmál
Íslands vel og
lagði á það
áherslu í okkar
samtali að
Bandarísk
stjórnvöld
hygðust efna varnarsamninginn
og tryggja varnir Íslands.“
Viðræðunefndir íslenskra og
bandarískra stjórnvalda funda um
varnir Íslands 7.júlí en Valgerður
sagði Rice vonast til þess að þá
þokist viðræðurnar í samkomu-
lagsátt. „Það er ósk okkar beggja
að fundurinn 7.júlí verði árang-
ursríkur og ég tel það raunhæft
markmið.“
Valgerður sagði Rice hafa talað
af kunnáttu um íslenskt efnahags-
líf. „Ég skynjaði það að Rice hefur
mikla þekkingu á íslensku efna-
hagslífi og nefndi það sérstaklega
að miklar framfarir hefðu orðið
hér á landi á síðustu árum.“
Valgerður og Rice hittast á ráð-
herrafundi Atlantshafsbandalags-
ins í Ríga í Lettlandi í september
en Valgerður bauð henni að heim-
sækja Ísland, en hún hefur aldrei
komið hingað til lands í opinbera
heimsókn. „Rice sýndi því mikinn
áhuga að koma hingað og hún bauð
mér í leiðinni að heimsækja
Bandaríkin.“
Valgerður á fund í dag með full-
trúum japanskra stórfyrirtækja.
Forsvarsmenn Toshiba, Toyota,
Mitsubishi og Japan Airlines
munu ræða við Valgerði um hugs-
anlegt samstarf fyrirtækjanna við
íslenskt atvinnulíf. „Á þessum
fundi verður rætt um möguleika á
frekari samskiptum og samvinnu
en það liggur ekkert fyrir ennþá
hver nákvæm efnisatriði fundar-
ins verða.“
Viðræður milli íslensku og
bandarísku nefndanna á sviði
varnarmála hafa ekki skilað mikl-
um árangri til þessa. Geir H. Haar-
de, forsætisráðherra, sem leiðir
viðræðurnar fyrir hönd íslenskra
stjórnvalda, sagðist á dögunum
vonast til þess að fundurinn 7.júlí
myndi þoka sjónarmiðum nefnd-
anna nær samkomulagsátt. Kröf-
ur íslenskra stjórnvalda hafa ekki
verið opinberaðar ennþá en varn-
arliðið verður farið af landinu í
september, samkvæmt flutnings-
áætlunum.
magnush@frettabladid.is
Rice og Valgerður
ræddu um varnir
Condoleezza Rice, utanríkisráðherra Bandaríkjanna, átti óvæntan símafund
með Valgerði Sverrisdóttur utanríkisráðherra í gær. Þær voru sammála um að
fundur bandarísku og íslensku varnarnefndanna 7. júlí væri mikilvægur.
VARNARLIÐIÐ Á KEFLAVÍKURFLUGVELLI Óvíst er ennþá hvernig varnarmálum Íslands verður
háttað en viðræður íslenskra og bandarískra stjórnvalda hafa staðið yfir undanfarna mán-
uði. FRÉTTABLAÐIÐ/HEIÐA
CONDOLEEZZA RICE
Stútar undir stýri Þrír menn fengu
að gista fangageymslu lögreglunnar í
Reykjavík í fyrrinótt vegna gruns um
ölvunarakstur. Hafði bíll þeirra vakið
eftirtekt vegfarenda og endaði ferðalag
þremenninganna á ljósastaur við
Sæbraut. Þá var einn maður tekinn fyrir
ölvunarakstur á Akranesi í fyrrinótt.
Nokkur innbrot á Akureyri Nokk-
uð hefur verið um innbrot á heimili
og í bíla á Akureyri undanfarna daga.
Innbrotin hafa bæði átt sér stað að
degi og nóttu. Lögreglan telur að sömu
aðilar séu á ferðinni í öllum tilfellum og
brýnir fyrir fólki að læsa húsum sínum
og bílum. Þá hvetur lögreglan fólk til að
vera á varðbergi gagnvart grunsamleg-
um mannaferðum.
Þrír teknir fyrir hraðakstur Lög-
reglan á Keflavíkurflugvelli stöðvaði
þrjá ökumenn á Reykjanesbraut í
fyrrinótt fyrir of hraðan akstur. Sá sem
hraðast ók var sviptur ökuréttindum
á staðnum, en hann mældist á 182
km haða þar sem leyfilegur hámarks-
hraði eru 90 km á klukkustund. Annar
ökumaður mældist á 126 km hraða
þar sem hámarkshraði er 90 km og
sá þriðji á 151 km hraða þar sem há-
markshraði er 70 km.
LÖGREGLUFRÉTTIR
SPURNING DAGSINS
Valur, fékkstu vel borgað fyrir
auglýsingu Orkuveitunnar?
„Nógu vel til þess að ég gerði það.”
Valur Freyr Einarsson lék aðalhlutverk í
auglýsingu Orkuveitunnar sem frumsýnd var í
sjónvarpinu á dögunum. Auglýsingin er ein sú
dýrasta í íslenskri sjónvarpssögu.
MENNTAMÁL 957 kandídatar voru
brautskráðir frá Háskóla Íslands
við hátíðlega athöfn í Laugardals-
höll í gær. Það eru tuttugu prósent
fleiri en í fyrra.
Flestir þeirra sem útskrifuðust
voru í grunnnámi, en þónokkrir
luku meistaranámi og viðbótar- og
starfsréttindanámi. Í grunnnám-
inu útskrifuðust flestir úr félags-
vísindadeild og viðskipta- og hag-
fræðideild.
Sir David Attenborough, nátt-
úrufræðingur og þáttagerðar-
maður með meiru, var sæmdur
heiðursdoktorsnafnbót við skól-
ann og ávarpaði hann gesti sam-
komunnar frá Galapagos eyjum.
Hann hlýtur nafnbótina fyrir að
hafa tekið mikinn þátt í umræðu
um umhverfismál frá 1980 og sýnt
í þáttum sínum og bókum hvernig
maðurinn hefur farið með búsvæði
og vistkerfi á jörðinni.
Í ræðu Kristínar Ingólfsdóttur,
rektors Háskóla Íslands, lagði
hún áherslu á háskólann sem
alþjóðlega vísindastofnun og
nefndi nokkur alþjóðleg sam-
starfsverkefni við vísindamenn
og stofnanir í fremstu röð. Einnig
undirstrikaði hún mikilvægi
Háskóla Íslands sem lykilstofn-
unar í rannsóknum og skilningi á
íslenskum menningararfi og þjóð-
félagsskipan. - sþs
Brautskráning frá Háskóla Íslands fór fram í gær:
Attenborough heiðursdoktor
KRISTÍN INGÓLFSDÓTTIR REKTOR ÚTSKRIFAR NEMANDA Hún lagði í ræðu sinni meðal
annars áherslu á háskólann sem alþjóðlega vísindastofnun. FRÉTTABLAÐIÐ/E.ÓL.
AFGANISTAN Afganskar hersveitir
ásamt bandamönnum felldu 82
uppreisnarmenn í suðurhluta
landsins í þrem bardögum á föstu-
dag, að því er talsmenn herliðs
bandamanna greindu frá í gær.
Af þeim féllu fjörutíu skæru-
liðar í fimm klukkustunda löngum
skotbardaga í héraðinu Uruzgan. Í
tilkynningu frá yfirstjórn herliðs
bandamanna kom fram að engir
óbreyttir borgarar eða hermenn
hefðu látist í átökunum en talið
var að skæruliðarnir hefðu allir
fallið.
25 manns féllu í þriggja klukku-
stunda skotbardaga við hermenn í
Kandahar og sautján uppreisnar-
menn létust í Uruzgan seint á
föstudag. - gþg
Átök í Afganistan:
Á níunda tug
skæruliða falla
FJÖLMIÐLAR Guðmundur Ingi Hjart-
arson, framkvæmdastjóri Net-
heims ehf., neitar því að hafa átt
þátt í því að eyða tölvupóstum
Tryggva Jónssonar og Jóns Ásgeirs
Jóhannessonar af netþjónum fyr-
irtækisins. Guðmundur Ingi sendi
í gær frá sér yfirlýsingu vegna
ummæla sem Jón Gerald Sullen-
berger lætur falla í viðtali við
sunnudagsblað Morgunblaðsins,
en þar segir hann „Baugsmenn
hafa kverkatak á íslensku þjóð-
inni.“
Guðmundur Ingi segir umfjöll-
un Morgunblaðsins vera „atvinnu-
róg af verstu tegund,“ sem skaði
fyrirtæki sitt og starfsmenn þess.
Í yfirlýsingunni segir jafnframt að
það sé „sorglegt að búa við þær
aðstæður að Morgunblaðið skuli
leyfa sér að vega úr launsátri,“ að
fyrirtæki sínu.
Jón Ásgeir sendi einnig frá sér
yfirlýsingu, undir nafninu „sam-
antekin ráð hinna innvígðu og inn-
múruðu,“ þar sem hann sakar
Morgunblaðið um að vera í her-
ferð gegn sér, Baugi og fjölskyldu
sinni. Hann segir „ósannindum
vera dælt yfir lesendur Morgun-
blaðsins með stríðsfyrirsögnum,“ í
viðtalinu.
Jón Ásgeir segir í yfirlýsing-
unni Björn Bjarnason, dómsmála-
ráðherra, taka þátt í því að leggja á
ráðin gegn Baugi.
Guðmundur Ingi sagðist í gær
vera að íhuga rétt sinn vegna yfir-
lýsinga Jóns Geralds í viðtalinu.
- mh
Viðtal við Jón Gerald Sullenberger í Morgunblaðinu vekur hörð viðbrögð:
Neitar að hafa eytt póstum
JÓN ÁSGEIR JÓHANN-
ESSON
JÓN GERALD SULLEN-
BERGER
SJÓSLYS Kona um fimmtugt var
flutt á slysadeild eftir að bátur
sem hún var í steytti á grynning-
um úti við smábátahöfn í Grafar-
vogi um tvö leytið í fyrrinótt.
Konan var ásamt manni sínum
og þremur börnum á siglingu
þegar óhappið varð. Konan stóð í
bátnum þegar báturinn steytti á
grynningunum og við það féll hún
á tröppur. Hún slasaðist lítillega á
höfði auk þess að finna fyrir
meiðslum í baki.
Björgunarskip frá lögreglunni
í Reykjavík kom fljótt á vettvang,
ásamt báti frá björgunarsveitinni
Ársæli. Báturinn losnaði af
strandstað fljótlega og var þá
hægt að sigla honum inn í smá-
bátahöfn Snarfara. - mh
Strand í Grafarvogi:
Sluppu ómeidd
úr sjóslysi
DANMÖRK Fjöldi þeirra útlendinga
sem sækja um pólitískt hæli í Dan-
mörku hefur lækkað mikið á sein-
ustu árum og hafa þeir ekki verið
færri síðan talningar hófust árið
1984. Á síðasta ári sóttu 2.281 um
pólitískt hæli, sem er þrjátíu pró-
senta lækkun frá árinu 2004, að því
er fram kemur á fréttavef Politik-
en. Orsakir þessa eru fyrst og
fremst raktar til strangari laga um
útlendinga í Danmörku.
Kannanir hafa sýnt að fjölmargir
Danir vilja fækka þeim útlending-
um sem búa í landinu frekar en að
fjölga þeim, og nú virðist hafa stór-
lega dregið úr þeim fjölda útlend-
inga sem vilja flytja þangað. - sþs
Útlendingar í Danmörku:
Hælisleitend-
um stórfækkar
VINNUMÁL Fjöldi starfandi fólks á
Íslandi jókst um 4,7 prósent frá
2004 til 2005. Mest jókst fjöldinn á
Austurlandi eða 17,6 prósent sam-
kvæmt staðgreiðsluskrá Hagstofu
Íslands.
Á höfuðborgarsvæðinu fjölgaði
starfandi fólki um 5,2 prósent en á
landsbyggðinni í heild var fjölg-
unin 4,6 prósent. Mest aukning
starfsfólks var í flutninga- og sam-
göngustörfum. Á Austurlandi
rúmlega tvöfaldaðist fjöldi starfs-
fólks við mannvirkjagerð, á milli
ára. - öhö
Starfandi fólki fjölgar:
Mest aukning
á Austurlandi
UPPGANGUR Á AUSTURLANDI Fjöldi starfs-
fólks við mannvirkjagerð hefur rúmlega
tvöfaldast á Austurlandi.