Fréttablaðið - 25.06.2006, Blaðsíða 74
25. júní 2006 SUNNUDAGUR34
16-liða úrslit:
ÞÝSKALAND-SVÍÞJÓÐ 2-0
1-0 Lukas Podolski (4.), 2-0 Lukas Podolski (12.).
ARGENTÍNA-MEXÍKÓ 2-1
1-0 Rafael Marquez (5.), 1-1 Javier Borgetti, sjálfs-
mark (10.), 2-1 Maxi Rodriguez (98.).
LEIKIR DAGSINS:
ENGLAND-EKVADOR 15.00
PORTÚGAL-HOLLAND 19.00
HM 2006
ÚRSLIT GÆRDAGSINS
FÓTBOLTI Eric Cantona, gamla goð-
sögnin úr liði Manchester United,
lýsti því yfir í gær að hann hefði
tröllatrú á enska landsliðinu á
heimsmeistaramótinu. Þetta
kemur þvert á það sem spark-
spekingar hafa verið að tala um
en enska landsliðið hefur ekki
þótt sannfærandi í leikjum sínum
til þessa. England mætir Ekvador
í sextán liða úrslitum keppninnar
í dag.
„Ég tel að enska liðið hafi það
sem þarf til að vinna þetta mót.
Ég hef trú á að liðið sé með rétta
þjálfarann og rétta blöndu af leik-
mönnum sem ná vel saman. Þá
hefur liðið öðlast þá reynslu sem
til þarf,“ sagði Cantona. Enska
landsliðið varð fyrir miklu áfalli
þegar Michael Owen meiddist í
síðasta leik og ljóst að hann leikur
ekki meira á mótinu. Wayne Roon-
ey, Peter Crouch og Theo Walcott
eru því einu sóknarmennirnir
sem England getur notast við.
Walcott er aðeins sautján ára
og nánast reynslulaus. Alan
Shearer, fyrrum leikmaður enska
landsliðsins, segist ekki reikna
með því að Walcott komi við sögu
í dag. „Það kæmi mér á óvart ef
Sven myndi láta Walcott spila.
Reyndar gæti svo farið að hann
ætti engan annan kost í stöðunni.
Walcott hefur enn ekkert komið
við sögu og hann er enn algjör-
lega óskrifað blað og enginn
hefur séð hann spila,“ sagði
Shearer.
Síðan Sven-Göran Eriksson
tók við enska landsliðinu hefur
því oftast gengið vel gegn liðum
frá Suður-Ameríku. Af sjö leikj-
um gegn liðum frá þeirri heims-
álfu hafa sex unnist en leikurinn
gegn Brasilíu í átta liða úrslitum
2002 tapaðist. Eriksson er líka
ansi bjartsýnn fyrir leikinn og
hefur sagt að hann hafi það sterk-
lega á tilfinningunni að England
komist áfram. Líkur eru taldar á
því að Peter Crouch fari á vara-
mannabekkinn og Michael
Carrick komi inn í liðið í hans
stað. England mun þá spila með
fimm manna miðju og Wayne
Rooney verður einn frammi. Þá
gæti Owen Hargreaves tekið
hægri bakvarðarstöðuna í stað
Jamie Carragher.
Rætt hefur verið um að Eng-
land notist meira við háloftabolta
þegar Peter Crouch er í liðinu.
„Þessi umræða fer ótrúlega mikið
í taugarnar á mér. Vissulega er
það möguleiki en við vitum það
að ef við ætlum okkur einhverja
hluti í keppninni þá verðum við
að gera eitthvað meira en það. Ég
tel mig líka hafa sýnt það að ég er
jafngóður og hver annar með
boltann í löppunum,“ sagði
Crouch. - egm
Enska landsliðið leikur gegn Ekvador í sextán liða úrslitum HM í dag:
Bjartsýni ríkir í Englandi
LEIKA GEGN EKVADOR Enska landsliðið
mætir Ekvador í dag en þessi mynd er úr
leik liðsins gegn Svíþjóð í riðlakeppninni.
NORDICPHOTOS/AFP
FÓTBOLTI Mikil gleði ríkir í Þýska-
landi eftir sigur þjóðarinnar á
Svíþjóð í sextán liða úrslitum
heimsmeistarakeppninnar í gær.
Leikurinn fór fram í München og
vann þýska liðið öruggan 2-0
sigur þar sem Lukas Podolski,
leikmaður Kölnar, skoraði bæði
mörkin snemma leiks. „Ég gæti
ekki verið ánægðari, við mættum
mjög einbeittir til leiks en rauða
spjaldið tók aðeins taktinn úr
okkur,“ sagði Jürgen Klinsmann,
landsliðsþjálfari Þýskalands.
Þjóðverjar byrjuðu leikinn af
miklum krafti og náðu forystunni
strax á fjórðu mínútu eftir að
skot Miroslavs Klose hafði verið
varið en Andreas Isaksson hélt
ekki boltanum. Klose plataði
síðan varnarmenn Svía upp úr
skónum tíu mínútum síðar og
renndi boltanum á Podolski sem
gerði allt rétt og skoraði aftur.
Útlitið varð síðan enn dekkra
fyrir Svía þegar Teddy Lucic,
varnarmaður þeirra, fékk að líta
rauða spjaldið fyrir hálfleik.
Seinni hálfleikurinn var mjög
rólegur og nokkuð jafnræði var
með liðunum, þó voru Þjóðverjar
líklegri til að skora en Svíar að
minnka muninn. Snemma í seinni
hálfleik fékk sænska liðið þó gull-
ið tækifæri þegar dæmd var
umdeild vítaspyrna en Henrik
Larsson skaut yfir úr spyrnunni.
„Það hefði getað breytt leiknum
mikið ef þeir hefðu skorað úr vít-
inu en sem betur fer gerðu þeir
það ekki. Það eru nokkur smáat-
riði sem við þurfum að bæta í
leik okkar og vonandi verða þau
komin í lag fyrir næsta leik. En á
heildina litið er ég mjög sáttur,
sérstaklega að við fengum ekki á
okkur mark gegn þessu sterka
sóknartríói,“ sagði Klinsmann.
Lars Lagerback, þjálfari Sví-
þjóðar, er stoltur af sínum mönn-
um. „Við náðum að laga okkar
leik og spiluðum vel í seinni hálf-
leiknum þrátt fyrir að vera manni
færri. Ég er stoltur af strákun-
um. Að sjálfsögðu er ég samt
mjög óánægður með að við vorum
ekki á tánum á upphafskaflanum
og var okkur refsað harðlega
fyrir það. Slakur varnarleikur
gaf þeim tvö mörk,“ sagði Lager-
back.
Markvörðurinn Jens Lehmann
var hress eftir leikinn. „Við hefð-
um getað skorað fleiri mörk í
þessum leik. En með hverjum
sigurleiknum þá fáum við meira
sjálfstraust og verðum erfiðari
viðureignar. Við hefðum ekki
getað spilað betur í fyrri hálf-
leiknum. Svo skemmir ekki fyrir
að við erum að spila hörku-
skemmtilegan fótbolta,“ sagði
Lehmann.
elvar@frettabladid.is
Gestgjafarnir sannfærandi
Þýskaland varð í gær fyrsta liðið á heimsmeistaramótinu til að tryggja sér sæti í
átta liða úrslit keppninnar. Gestgjafarnir unnu Svía með tveimur mörkum.
ÞAKKA STUÐNINGINN Markaskorarinn Lukas Podolski er hér ásamt samherja sínum
Bastian Schweinsteiger að þakka áhorfendum fyrir stuðninginn í gær. NORDICPHOTOS/AFP
FÓTBOLTI Búist er við því að um 50
þúsund stuðningsmenn enska
landsliðsins í knattspyrnu séu
staddir í Stuttgart til að fylgjast
með leik liðsins gegn Ekvador í
16-liða úrslitum. Ekki nærri því
allir verða með miða á völlinn en
ljóst er að mikið líf verður í
borginni í dag. Í fyrrinótt voru 122
stuðningsmenn liðsins handteknir
af þýsku lögreglunni en engin
stórvægileg atvik komu til vegna
þessa. - esá
122 bullur handteknar:
50 þúsund
Englendingar í
Stuttgart
HANDTEKINN Stuðningsmaður enska
landsliðsins var handjárnaður af þýsku
lögreglunni í Stuttgart í fyrrinótt.
NORDIC PHOTOS/GETTY
FÓTBOLTI Enski dómarinn Graham
Poll komst á spjöld sögunnar á
föstudaginn fyrir miður skemmti-
legar sakir. Hann áminnti sama
leikmanninn, Króatann Josip Sim-
unic, þrívegis áður en hann sýndi
honum loksins rauða spjaldið. Í
sama leik leyfði hann rangstöðu-
marki Harry Kewell að standa
auk þess sem hann dæmdi ekki
tvær augljósar vítaspyrnur á
Króata.
Poll viðurkenndi mistök sín
eftir leikinn og sagði að sennilega
væri draumur hans um að dæma
úrslitaleik HM úr sögunni. Dóm-
aranefnd FIFA fundar á miðviku-
dag um hvaða dómarar halda
áfram og hverjir fara heim og má
ætla að Poll verði í síðari hópn-
um.
Hann gaf tveimur öðrum leik-
mönnum í leiknum rauða spjaldið
og var því samtals átján leik-
mönnum vikið af velli í riðla-
keppninni – jafn mörgum og í
allri síðustu keppni. 258 leikmenn
fengu að líta gula spjaldið. - esá
Graham Poll dómari:
Líklega sendur
heim
EITT AF ÞREMUR Graham Poll áminnir Jos-
ip Simunic í leiknum á föstudaginn. Hann
bókaði Simunic alls þrívegis í leiknum.
NORDIC PHOTOS/GETTY
FÓTBOLTI Hollendingum hefur ekki
gengið vel með Portúgal og aðeins
unnið einn af þeim níu leikjum þar
sem þessar þjóðir hafa mæst. Hol-
land er hins vegar á skriði og allt
getur gerst í viðureigninni í sex-
tán liða úrslitum heimsmeistara-
mótsins í kvöld. Búast má við
hörkuleik en báðar þjóðirnar eru
ósigraðar í keppninni til þessa,
Portúgal vann alla þrjá leiki sína á
meðan Holland vann tvo en gerði
síðan jafntefli við Argentínu.
Helder Postiga, sóknarmaður
Portúgals, býst við erfiðum leik.
„Holland er með frábært lið og við
þurfum að ná fram okkar besta
leik til að eiga möguleika. Marco
van Basten, þjálfari þeirra, var
minn uppáhaldsknattspyrnumað-
ur á yngri árum. Ég ætla að biðja
hann um eiginhandaráritun eftir
leikinn,“ sagði Postiga.
- egm
Portúgal - Holland í kvöld:
Stórleikur í
Nürnberg
TÆKLAÐUR Postiga fær hér tæklingu frá
Mexíkómanni fyrr í vikunni. NORDICPHOTOS/AFP
FÓTBOLTI Varnarmaðurinn
Alessandro Nesta verður ekki með
ítalska landsliðinu gegn Ástralíu á
morgun vegna meiðsla. Hann
meiddist í leiknum gegn Tékklandi
í riðlakeppninni og verður ekki
orðinn leikfær fyrir leikinn í sex-
tán liða úrslitum á morgun. Meiðsl-
in eru þó ekki alvarleg og ætti
hann að vera orðinn klár í átta liða
úrslitin ef ítalska liðið kemst þang-
að.
Marco Materazzi tekur líklega
stöðu Nesta í vörninni en hann
kom inn á sem varamaður þegar
Nesta meiddist gegn Tékklandi.
Francesco Totti hefur verið gagn-
rýndur fyrir slaka frammistöðu
það sem af er móti en hann gengur
ekki heill til skógar. „Leikmenn
standa við bakið á Francesco. Þótt
hann sé ekki 100 prósent heill þá
getur hann haft mikil áhrif á leiki,“
sagði Simone Perrotta, leikmaður
ítalska liðsins.
- egm
Ítalía - Ástralía á morgun:
Nesta ekki
með á morgun
NESTA Verður fjarri góðu gamni á morgun.
NORDICPHOTOS/AFP
FÓTBOLTI Maxi Rodriguez var hetja
Argentínumanna í gær þegar hann
tryggði sínum mönnum sæti í
fjórðungsúrslit HM í knattspyrnu
með glæsimarki á 98. mínútu. Stað-
an í lok venjulegs leiktíma var 1-1
og þurfti því að framlengja leik-
inn.
Leikurinn fór fjörlega af stað
og aðeins fimm mínútur voru liðn-
ar þegar Rafael Marquez kom
Mexíkó óvænt yfir eftir auka-
spyrnu. Gabriel Heinze, varnar-
maður Argentínu, gleymdi sér og
Marquez átti ekki í vandræðum
með að skora. En Adam var ekki
lengi í Paradís og Argentína jafn-
aði aðeins fimm mínútum síðar
eftir hornspyrnu, Jared Borgetti
var að dekka Hernan Crespo en
varð fyrir því óláni að skalla bolt-
ann í eigið mark.
Síðari hálfleikur og reyndar allt
að markinu örlagaríka var fremur
tíðindalítill og kom því mark
Rodriguez á óvart. Flestir bjuggust
við því að grípa þyrfti til víta-
spyrnukeppni en Rodriguez kom í
veg fyrir það með skoti utan teigs
og var það algerlega óverjandi fyrir
Sanchez í marki Mexíkó. - esá, egm
Leikur Argentínu og Mexíkó í 16-liða úrslitum var framlengdur en ekki kom til vítaspyrnukeppni:
Glæsimark Rodriguez tryggði sigurinn
TÆKLING Mario Mendez, leikmaður
Mexíkó, tæklar hér miðjumanninn Maxi
Rodriguez, hetju Argentínumanna.
NORDICPHOTOS/AFP