Fréttablaðið - 25.06.2006, Blaðsíða 30
HVERNIG VERÐUR MAÐUR...
LISTDANSARI?
ATVINNA
10 25. júní 2006 SUNNUDAGUR
Starfið:
Starfsvettvangur dansar-
ans er breiðari en marga
grunar. Sumir dansarar
eru meðlimir í dansflokk-
um og taka þátt í upp-
færslum þeirra á dans-
verkum eða öðrum
sýningum sem flokkurinn
kemur að. Íslenski dans-
flokkurinn er gott dæmi
um þannig dansflokk.
Flokkurinn hefur ákveð-
inn fjölda dansara á samn-
ing hjá sér og setur upp
sýningar bæði hérlendis
og erlendis. Einnig tekur
flokkurinn þátt í leiksýn-
ingum og söngleikjum í
samstarfi við Borgarleik-
húsið og aðrar lista- og
menningarstofnanir.
Aðrir dansarar starfa
sjálfstætt, setja upp eigin
verk og ráða sig í skemmri
tíma í ákveðin verkefni.
Dansarar koma stundum
að tískusýningum, leika í
auglýsingum, tónlistar-
myndböndum og taka þátt
í alls kyns listviðburðum.
Einnig er orðið algengt að
fyrirtæki sækist eftir
dönsurum í hugmynda-
vinnu þar sem dansarar
búa oft yfir mikilli sköp-
unargáfu og hugsa óhlut-
bundið. Dansfræði eru að
ryðja sér rúms innan
starfsgreinarinnar en þau
fræði snúast um rann-
sóknarvinnu og tengsl
dansins við samfélagið.
Starfið er yfirleitt ekki
bundið við tungumálið
þannig að það opnar leið-
ina fyrir dansara út í heim
og veitir þeim því fjöl-
marga atvinnumöguleika.
Um námið:
Það eru til margar og mis-
munandi leiðir til þess að
læra listdans. Hin hefð-
bundna leið er að byrja í
klassísku námi í ballet-
eða jazzballetskóla. Það er
hægt að byrja í ballet-
kennslu á leikskólaaldri
en þar er greinin kynnt
fyrir börnum. Það eru
nokkrir balletskólar á
Íslandi sem miða að því að
balletinn sé áhugamál með
grunnskóla. Sú nýbreytni
mun verða næsta haust að
boðið verður upp á list-
dans á framhaldsskóla-
stigi. Að minnsta kosti
þrír dansskólar stefna á
að bjóða upp á þetta nám
næsta vetur og hægt er að
byrja í náminu á sextánda
ári.
Listaháskóli Íslands
bauð í fyrsta skipti upp á
diplómanám í atvinnu-
dansi síðastliðinn vetur.
Mikil aðsókn var að nám-
inu en aðeins sex komust
að. Það er ekki skylda að
hafa farið í gegnum klass-
ískt dansnám en í inntöku-
prófum er leitað helst eftir
góðum líkamlegum burði,
grunnþekkingu í listdansi
og skapandi hæfileikum. Í
náminu fá nemendurnir
tæknilega og skapandi
þjálfun auk þess sem það
er lögð mikil áhersla á að
þeir séu virkir þátttakend-
ur í sköpunarverkinu.
Helstu námsgreinar:
Á danslínu Listaháskól-
ans eru námskeiðin
afskaplega fjölbreytt og
eru nemendur meðal ann-
ars kynntir fyrir sviðslist-
um, ýmsum dansaðferð-
um og spuna. Dæmi um
námskeið eru Líkaminn
vinnutækni dansara, inn-
gangur að leikhúslistum,
klassískur ballet, nútíma-
dans, tónlist, kabarett,
danssmíði, líkaminn í
sviðslistum og styrkingar-
tímar. Auk þess fara nem-
endur í starfsþjálfun og
gera verkefni, rannsóknir
og ritgerð.
Að námi loknu:
Dansarar geta sífellt verið
að bæta við þekkingu sína
og hæfni með því að sækja
námskeið og taka tíma hjá
hinum ýmsu dansflokk-
um, hópum og skólum,
bæði hérlendis sem
erlendis.
Fjölbreytt og skapandi
Listdansarar koma að dansi í listrænum skilningi.
STARFANDI FÓLKI FJÖLGAÐI UM 4,7 PRÓSENT Á MILLI ÁRA SAM-
KVÆMT STAÐGREIÐSLUSKRÁ HAGSTOFU ÍSLANDS.
Starfandi fólki á Íslandi fjölgar á milli
ára að því er fram kemur á heimasíðu
Hagstofu Íslands. Árið 2005 var fjöldi
starfandi fólks 164.880 en árið 2004
var hann 157.470. Þetta er aukning
um 4,7 prósent á milli ára.
Á höfuðborgarsvæðinu var fjölgunin
5,2 prósent en fyrir utan höfuðborgar-
svæðið 4,6 prósent. Mest var fjölgun-
in á Austurlandi, eða 17,6 prósent, en
á Vestfjörðum fækkaði starfandi fólki
hins vegar um 0,6 prósent.
Starfsmönnum við frumvinnslugreinar fækkaði um 4,5 prósent á
milli ára, þar af fækkaði þeim sem störfuðu við fiskveiðar um 8,5
prósent en í landbúnaði fjölgaði fólki um 0,2 prósent.
Í iðngreinum fjölgaði starfandi fólki um 3,1 prósent milli áranna
2004 og 2005. Fjölgunin var þó einungis í mannvirkjagerð og
var mest á Austurlandi en í öllum öðrum iðngreinum fækkaði
starfandi fólki.
Starfandi fólki fjölgar
Starfandi fólki við fiskveið-
ar fækkaði um 8,5 prósent
á milli ára.
Húsasmiðir
Vegna aukinna verkefna óskar Heimir og Þorgeir
ehf. eftir að ráða húsasmiði.
Upplýsingar veitir Geir Sæmundsson í síma
696-9936 og geir@hogth.is. Einnig er hægt að
sækja um á heimasíðu félagsins www.hogth.is
Heimir og Þorgeir er ört vaxandi félag sem býður
góða aðstöðu fyrir starfsmenn.
Heimir og Þorgeir ehf.
Dugguvogi 2, 104 Reykjavík sími. 554-6464.
Jarðvinnuverkstjóri
Vegna aukinna verkefna óskar Heimir og Þorgeir
ehf. eftir að ráða jarðvinnuverkstjóra.
Upplýsingar veitir Geir Sæmundsson í síma
696-9936 og geir@hogth.is. Einnig er hægt að
sækja um á heimasíðu félagsins www.hogth.is
Heimir og Þorgeir er ört vaxandi félag sem býður
góða aðstöðu fyrir starfsmenn.
Heimir og Þorgeir ehf.
Dugguvogi 2, 104 Reykjavík sími. 554-6464.