Fréttablaðið - 16.07.2006, Síða 62

30 16. júlí 2006 SUNNUDAGUR
sport@frettabladid.is
LEIKMAÐUR
UMFERÐARINN
AR
LIÐ UMFERÐARINNAR
Bjarni Guðjónsson
Hólmar Örn Rúnarssom
Sigurvin Ólafsson
Stefán Örn Arnarson
Petr Podzemsky
Fjalar Þorgeirsson
Kenneth Gustavsson Ármann Smári Björnsson
Ragnar Sigurðsson
Arnar Jón Sigurgeirsson
Ásgeir Gunnar Ásgeirsson
4-3-3
FÓTBOLTI FH-ingar hafa gott tak á
KR í Íslandsmótinu og hafa ekki
tapað fyrir liðinu í deildarleik
síðan í fyrri umferðinni 2003. Eftir
það hafa liðin mæst sjö sinnum,
FH hefur unnið sex leiki
en einn endaði með jafn-
tefli. Markatalan sam-
tals í þessum sjö leikjum
er 17-1 fyrir FH. Í síð-
ustu umferð mættust
liðin í Kaplakrikanum og
FH vann 2-0 sigur.
„Þeir fengu frábært tækifæri
til að komast yfir en heilt yfir
fannst mér sigur okkar vera sann-
gjarn. Það var þó óneitanlega
mikið lánleysi yfir KR-ingum í
þessum leik, klúðra þessu dauða-
færi og svo skorar Bjarnólfur
sjálfsmark. Það var svekkjandi
fyrir þá en að sama skapi gleðiefni
fyrir okkur, það er aldrei leiðin-
legt að vinna KR-ingana,“ sagði
Ásgeir Gunnar Ásgeirsson, miðju-
maður FH, sem hefur verið valinn
leikmaður 10. umferðarinnar fyrir
frammistöðu sína í leiknum.
Ásgeir skoraði annað markið í
leiknum og átti stóran þátt í því
fyrra. „Það hefur gengið vel hjá
mér í síðustu leikjum en aðalatrið-
ið er að sjálfsögðu það að lið manns
nær að sigra. Það hefur gengið vel
á báðum vigstöðvum en þrátt fyrir
að við höfum gott forskot eins
og er þá verður þetta erfitt. Öll lið
vilja vinna okkur og leggja sig því
enn meira fram í leikjum gegn
okkur.“
Þegar tíu umferðir eru búnar
hefur FH tíu stiga for-
skot í deildinni og var
liðið að styrkja sig enn
frekar því norski sókn-
armaðurinn André Shei
Lindbeak var að semja
við félagið. „Mér líst
nokkuð vel á hann. Mér sýnist það
á æfingum að þetta sé markaskor-
ari, hann er að halda boltanum
vel,“ sagði Ásgeir Gunnar. Ásgeir
er uppalinn í FH en spilaði með
Stjörnunni um tíma. „Ég kláraði
þriðja flokk í FH og fór svo í
Stjörnuna, ég var ósáttur á þess-
um tíma og ákvað því að skipta um
lið. Ég fékk fína reynslu í öðru liði
og sneri aftur á heimaslóðir 2002
og þar hefur náttúrulega gengið
rosalega vel.“
Ásgeir hefur einnig smá
reynslu af því að spila erlendis.
„Ég fór sem skiptinemi til Ástral-
íu þegar ég var átján ára og spil-
aði í 2. deildinni. Ég meiddist
reyndar illa á ökkla og missti af
helmingnum á tímabilinu. Þetta
var samt mjög skemmtileg en sér-
stök upplifun, ágætis fótbolti var
spilaður þarna. Það er mikið af
innflytjendum þarna og þar sem
ég spilaði
var mikið
af Bretum
og Ítölum
og svo
voru
nokkur
lið sem
voru
nán-
ast bara með króatíska leikmenn
og svo mætti áfram telja. Það
voru mjög lunknir leikmenn inni á
milli. Þetta var stórskemmtileg
upplifun.“
FH er einnig í eldlínunni í Evr-
ópukeppninni um þessar mundir
og liðið leikur seinni leik sinn
gegn TVMK Tallinn frá Eistlandi
á Kaplakrikavelli á miðvikudag.
„Við náðum fínum úrslitum úti
þannig að við eigum betri mögu-
leika. En þetta eistneska lið er
fínasta fótboltalið og spilar mjög
vel, þannig að það er ljóst að við
megum ekkert slaka á. Það er allt-
af gaman að spila Evrópuleiki og
ekki var leiðinlegt að sjá Atla
Guðnason skora sigurmarkið í
uppbótartíma í fyrri leiknum.
Markið var líka stórglæsilegt og
ekki leiðinlegt fyrir hann í sínum
fyrsta Evrópuleik,“ sagði Ásgeir
en FH vann leikinn ytra 3-2.
Ásgeir er mjög fjölhæfur leik-
maður en var ekki lengi að hugsa
sig um þegar hann var spurður
hvar hann vildi helst spila. „Mér
finnst skemmtilegast að spila á
miðri miðjunni, þá fær maður að
taka þátt í sókn og vörn. Annars
spilar maður bara þá stöðu sem
þjálfarinn lætur mann í,“ sagði
Ásgeir en atvinnumennskan er
ekki ofarlega í huga hans. „Ég
stefni ekkert sérstaklega á að
komast út en skoða náttúrulega
allt sem býðst. Annars er staðan
þannig hjá mér í dag að ég er í
háskólanámi og á nóg eftir af
mínu námi svo hugur minn er við
það. Ég er bara mjög ánægður
með þetta eins og þetta er í dag.“
elvargeir@frettabladid.is
Skemmtilegast að spila á miðjunni
Ásgeir Gunnar Ásgeirsson hefur átt frábært tímabil með FH í Landsbankadeildinni og hefur verið á skot-
skónum í síðustu leikjum. Ásgeir er uppalinn í FH en hefur haft viðkomu í Garðabæ og Ástralíu.
MAÐUR UMFERÐARINNAR Ásgeir Gunnar Ásgeirsson hefur hér betur í baráttu um boltann
við Mario Cizmek, leikmann KR. FRÉTTABLAÐIÐ/VALLI
FÓTBOLTI Íslandsmeistarar FH taka
á móti bikarmeisturum Vals í eina
leik kvöldsins í Landsbankadeild-
inni. Leikur Vals í deildinni hefur
verið ansi kaflaskiptur í sumar en
þrátt fyrir það er Garðar Gunn-
laugsson fullur tilhlökkunar fyrir
leikinn í kvöld. „Ég ætla nú rétt að
vona að veðrið skáni, mér líst ekk-
ert á ef þetta helst svona,“ sagði
Garðar í gær.
Þetta er verðugt verkefni því
þeir eru náttúrulega enn ósigraðir
í deildinni. Hjá okkur hefur þetta
aftur á móti verið upp og ofan, á
góðum degi getur enginn unnið
okkur en hins vegar er eins og við
séum sjálfir okkar verstu óvinir,“
sagði Garðar. Valsliðið er nýkomið
frá Danmörku þar sem það lék
gegn sterku liði Bröndby og tapaði
3-1 en Garðar skoraði mark Vals í
leiknum.
„Það var mjög fínt í Danmörku,
sól og mikill hiti og þá hef ég aldrei
spilað á betri velli á ævi minni.
Svo skemmdi ekki fyrir að ég náði
að skora,“ sagði Garðar en markið
hans var ansi fallegt, með skalla
eftir sendingu frá Baldri Aðal-
steinssyni. „Þessi ferð nær von-
andi að lyfta mannskapnum upp
fyrir leikinn gegn FH. Við áttum
mjög góðan leik þarna úti þótt
miðja og vörn hefðu getað verið
þéttari fyrsta hálftímann en um
leið og við löguðum það þá sáum
við að við áttum alveg í fullu tré
við þá. Bröndby er samt mjög gott
lið og er spilar vel,“ sagði Garðar.
Hann segir að þótt möguleikar
Vals á Íslandsmeistaratitlinum
séu ekki lengur til staðar ætli liðið
að lyfta sér upp töfluna núna í
seinni hlutanum og þá sé stefnan
sett á að verja bikarmeistaratitil-
inn en Valur mætir Víkingi í átta
liða úrslitum þar. - egm
Bikarmeistararnir heimsækja Íslandsmeistarana:
Verðugt verkefni
MEISTARASLAGUR Þessi mynd er úr viðureign FH og Vals í Hafnarfirði í byrjun tímabils
þegar liðin mættust í Meistarakeppni KSÍ.FRÉTTABLAÐIÐ/HEIÐA
FÓTBOLTI Íslenska U21 landslið
kvenna er nú í Noregi þar sem það
tekur þátt í Norðurlandamóti U21
kvenna. Leikið er í Stavanger og
eiga stelpurnar sinn fyrsta leik í
dag þegar þær takast á við stöllur
sínar frá Noregi. Annar leikur
liðsins er svo á þriðjudaginn þegar
leikið verður við Bandaríkin og
svo verður leikið gegn Dönum á
fimmtudag. Á laugardag verður
svo leikið um sæti á mótinu.
Elísabet Gunnarsdóttir er þjálf-
ari liðsins en hún er með átján
manna leikmannahóp með sér.
Fimm eldri leikmenn mega vera í
hópnum en hjá Íslandi eru það
Ólína Guðbjörg Viðarsdóttir úr
Breiðabliki, Hólmfríður Magnús-
dóttir úr KR, Ásta Árnadóttir og
Málfríður Erna Sigurðardóttir úr
Val og Erla Steina Arnardóttir úr
Mallbacken sem eru eldri. Sú síð-
astnefnda er einnig sú eina í hópn-
um sem leikur erlendis. - egm
U21 landslið kvenna:
Leikið gegn
Noregi í dag
MAGRÉT LÁRA Er með U21 landsliðinu í
Noregi. FRÉTTABLAÐIÐ/E.ÓL
Frítt á völlinn í kvöld
Actavis, aðalstyrktaraðili FH, býður frítt á
leik liðsins gegn Val í Landsbankadeild
karla í kvöld en leikurinn hefst klukkan
20 á Kaplakrikavelli.
> Ísland tapaði aftur
Íslenska U20 landsliðið í körfubolta
tapaði fyrir liði Georgíu 89-80 í B-deild
Evrópumóts í Lissabon í Portúgal í gær.
Jóhann Árni Ólafsson úr
Njarðvík skoraði 27 stig
fyrir íslenska liðið í gær
en Pavel Ermolinskij var
með 23 stig. Alexander
Dungal skoraði fjórtán
stig og Kristján Sig-
urðsson níu. Íslensku
strákarnir hafa nú
tapað tveimur
fyrstu leikjum
sínum á mótinu og
eru líklega ákveðnir
í að ná langþráðum
sigri þegar þeir leika
gegn Finnlandi í dag.
Einar Árni Jóhannsson
þjálfar U20 landsliðið.
FÓTBOLTI Indriði Sigurðsson flakk-
ar nú á milli liða á Englandi í leit
að næsta áfangastað en hann er á
förum frá Belgíu þar sem hann
spilaði með Genk. Indriða hefur
alltaf langað til að reyna fyrir sér
á Englandi og fór fyrr í vikunni til
reynslu hjá Southampton.
Indriði heillaði forráðamenn
liðsins greinilega ekki nægilega
mikið til að vera boðinn samning-
ur og er hann því kominn til Ips-
wich þar sem hann mun dveljast í
nokkra daga. Hermann Hreiðars-
son, sem lék áður með Ipswich,
benti liðinu á Indriða og verður
gaman að sjá hvort landsliðsmað-
urinn næli sér í samning á Eng-
landi. - hþh
Indriði Sigurðsson:
Æfir nú með
Ipswich
INDRIÐI Er á förum frá Belgíu.
FRÉTTABLAÐIÐ/JÓHANNA
Árbærinn eða Breiðholtið? Breiðholtið.

Tína rusl eða slá gras? Slá rusl.
Uppáhaldsskemmtistaður? Sturtan í
klefanum okkar.
Besti staður í heimi? Sturtan í Fylkis-
klefanum.
Fylkir er... næstbesta lið á Íslandi eins
og er.
Að vera með svín framan á sér er...
móðins.
Leifur er... með munninn fyrir neðan
nefið.
Hver er seinastur á æfingar? Jón B.
Hermannsson á það skuldlaust.
Snúður með karamellu eða súkku-
laði? Klárlega karamellu.
Hver er besti leikmaður heims?
Andrea Pirlo.
Ef ekki fótbolti þá... almenn verka-
mannastörf.
Neighbours eða Bold and the Beati-
ful? Hvorugt, Leiðarljós.
Justin eða Metallica? Justin.
Hvar endar Fylkir? Ofarlega.
MEÐ EYJÓLFI
HÉÐINSSYNI
KR er... flottasti klúbburinn.
KR eða Grindavík? KR.
Skora eitt eða leggja upp tvö? Skora
eitt.
Björgólfur, Rógvi eða Garðar? Skiptir
engu máli.
Teitur Þórðarson er... góður þjálfari.
Voru morgunæfingarnar óþarfar? Nei.
Hvað er að framherjunum hjá KR? Þeir
skora engin mörk!
Hvernig gastu klúðrað færinu á móti
FH? Úff... ég hef engin svör.
Í hvaða sæti lendir KR í deildinni? 2.
sæti.
Hverjir verða Íslandsmeistarar? Mér
sýnist það ætla að vera FH.
Besti leikmaður deildarinnar? Kristján
Finnbogason á góðum degi.
Erfiðasti andstæðingur? Ætli það sé
ekki ég sjálfur.
Saknarðu hársins? Já, ég er að safna.
Ítalía eða Frakkland? Ítalía.
Zidane eða Ronaldinho? Ronaldinho.
Besti leikmaður heims? Ronaldinho,
ekki spurning.
60
SEKÚNDUR