Fréttablaðið - 09.09.2006, Síða 2

2 9. september 2006 LAUGARDAGUR
SPURNING DAGSINS
LÍBANON Ísraelsmenn staðfestu í
gær að hafnarbanni hefði verið
aflétt af Líbanon og að strandlengja
landsins væri í umsjá Sameinuðu
þjóðanna.
Embættismaður Ísraelsmanna
sagði að tafir hefðu orðið á
afléttingu bannsins vegna þess að
ekki hefði verið vitað hvaða þjóð
það yrði sem tæki við gæsluhlut-
verkinu. Ákveðið hefur verið að
Ítalir komi til með að sinna því,
fyrst um sinn, en verkefnið felst í
að framfylgja alþjóðlegu
viðskiptabanni sem er á Hiz-
bollah-samtökunum. Síðar meir
taka þýskir sjóliðar alfarið við
strandlengjunni. - kóþ
Endurbygging Líbanons:
Hafnarbanni
aflétt í gær
KALIFORNÍA, AP Upptaka með
ummælum ríkisstjóra Kaliforníu
hefur vakið athygli í Bandaríkj-
unum. Á henni
heyrist Arnold
Schwarzenegger
lýsa Kúbverjum
og Púertó Ríkó-
mönnum sem
sérlega blóðheitu
og herskáu fólki,
vegna blöndu
„svarts blóðs“, og
„blóðs latínóa“, en
latínóar eru menn af rómönsk-
amerísku bergi brotnir og svarta
blóðið vísar til blökkumanna.
Fyrrum leikarinn hefur beðist
opinberrar afsökunar á ummælun-
um og sagt að hann myndi ekki líða
börnum sínum að tala svona. - kóþ
Schwarzenegger í klípu:
Talaði um blóð-
heita latínóa
ARNOLD
SCHWARZEN-
EGGER
DÓMSMÁL Lögreglan í Reykjavík
hafði átta sinnum á átta dögum í
júní síðastliðnum afskipti af nítj-
án ára gömlu pilti sem ákærður
hefur verið fyrir innflutning á 400
grömmum af kókaíni frá Frank-
furt til Íslands í janúar, ásamt
tveimur félögum sínum.
Eins og greint var frá í Frétta-
blaðinu í gær var mál piltanna
tekið til aðalmeðferðar í Héraðs-
dómi Reykjavíkur fyrr í vikunni
en þeir eru ákærðir fyrir tugi
lögbrota.
Pilturinn hefur margsinnis
komið við sögu lögreglu í sumar
en máli piltanna þriggja var
frestað til haustsins í vor, þegar
mál tveggja annarra manna sem
tengdust innflutningum voru skil-
in frá máli piltanna og í þeim
dæmt sérstaklega.
Frá 20. til 27. júní á þessu ári
stöðvaði lögreglan piltinn átta
sinnum á bifreið en hann var án
ökuréttinda í öllum tilfellum.
Hann var í nokkur skipti undir
áhrifum vímuefna við akstur.
Aðfaranótt 27. júní braust pilt-
urinn inn í verslun og stal ýmsum
tæknibúnaði að verðmæti rúm-
lega 340 þúsund krónur. Þá stal
hann hjólbörðum á álfelgum af
bifreið, samtals að verðmæti 200
þúsund krónur.
Samkvæmt upplýsingum frá
embætti Lögreglustjórans í
Reykjavík íhugaði embættið að
óska eftir því að pilturinn yrði
settur í síbrotagæslu vegna fjölda
afbrota sem hann hafði verið vald-
ur af í sumar, en ekkert varð úr
því. Í lok júlí kveikti pilturinn í
tveimur BMW-bifreiðum við bíla-
söluna Bíll.is og olli nokkurra
milljóna króna tjóni. Hann viður-
kenndi brot sitt eftir að hafa leitað
aðstoðar á slysadeild Landspítal-
ans í Fossvogi.
Helgi I. Jónsson, dómstjóri Hér-
aðsdóms Reykjavíkur, segir engar
óskir hafa borist til embættisins
um síbrotagæslu. „Það bárust ekki
óskir um að pilturinn yrði úrskurð-
aður í síbrotagæslu þrátt fyrir
þessi afbrot. Það hefur verið metið
svo innan lögreglunnar að brotin
gæfu ekki tilefni til síbrotagæslu.“
Pilturinn, sem rauf skilorð með
brotum sínum, má eiga von á því
að fá tveggja til þriggja ára fang-
elsisdóm, verði hann fundinn
sekur um brotin sem fram koma í
ákæru, samkvæmt upplýsingum
frá embætti Lögreglustjórans í
Reykjavík.
Erlendur S. Baldursson afbrota-
fræðingur segir mál ungra síbrot-
manna oft erfið viðureignar. „Oft-
ast nær er búið að grípa til ýmissa
úrræða áður en einstaklingurinn
lendir út á glæpabrautina. Þetta er
vandkvæðum bundið en mikil-
vægast er að grípa inn á fyrstu
stigum.“
Félagar piltsins hafa einnig
komið ítrekað við sögu lögreglu,
aðallega vegna innbrota og minni
háttar fíkniefnamála.
magnush@frettabladid.is
Braut af sér daglega
í meira en vikutíma
Lögreglan hafði átta sinnum á átta dögum afskipti af nítján ára gömlum pilti í
sumar. Hann er ákærður fyrir fíkniefnainnflutning, íkveikju, innbrot og þjófn-
aði. Ekki var óskað eftir því að pilturinn yrði úrskurðaður í síbrotagæslu.
LÖGREGLAN AÐ STÖRFUM Lögreglumenn þurfa oftar en ekki að hafa ítrekuð afskipti
af ungum síbrotamönnum sem eiga við fíkniefnavanda að stríða. Piltur sem beið
þess að mál hans yrði tekið fyrir í héraðsdómi, braut meira en tuttugu sinnum af sér
í sumar. FRÉTTABLAÐIÐ/STEFÁN
Það bárust ekki óskir
um að pilturinn yrði
úrskurðaður í síbrotagæslu.
HELGI I. JÓNSSON
DÓMSTJÓRI Í HÉRAÐSDÓMI REYKJAVÍKUR
Giftist gamalli geit
Maður var neyddur til að giftast geit
þegar að honum var komið með
henni. Öldungar í þorpinu lögðust
gegn afskiptum lögreglu, en þar
sem hann hefði „notað geitina sem
eiginkonu,“ bæri honum að greiða
heimanmund og giftast henni.
SÚDAN
Skúli, er þér enn illt í tönnun-
um þínum?
„Nei, mér líður snöggtum skár enda
langt um liðið síðan ég var í sleiki-
brjóstsykrinum.“
Skúli Helgason, framkvæmdastjóri Sam-
fylkingarinnar, lék Jens í sjónvarpsmynd
um Karíus og Baktus árið 1970. Hann er
nú sögumaður í uppsetningu leikritsins
hjá Leikfélagi Akureyrar.
STJÓRNMÁL Guðjón Hjörleifsson,
þingmaður Sjálfstæðisflokksins í
Suðurkjördæmi, gefur kost á sér í
annað til þriðja
sæti á lista
flokksins við
þingkosningarnar í
vor.
Guðjón skipaði
þriðja sæti listans í
síðustu kosningum.
Árni M.
Mathiesen
fjármálaráðherra
hefur einn gefið kost á sér í
fyrsta sæti sjálfstæðismanna í
Suðurkjördæmi. Drífa Hjartar-
dóttir sækist eftir öðru sætinu og
Kjartan Ólafsson gefur kost á sér
í eitt af efstu sætunum. - bþs
Guðjón Hjörleifsson:
Stefnir á annað
til þriðja sæti
GUÐJÓN HJÖR-
LEIFSSON
DÓMSMÁL Karlmaður á þrítugs-
aldri var í gær dæmdur í þrjátíu
daga fangelsi skilorðsbundið.
Sakarefni voru líkamsárás, auk
þess að hafa þrívegis verið með
fíkniefni í fórum sínum.
Félagi mannsins var dæmdur
til að greiða 40 þúsund króna sekt
fyrir að hafa átt þátt í líkamsárás-
inni, þar sem tvímenningarnir
kýldu mann í líkama og höfuð.
Héraðsdómur Reykjaness
kvað upp dóminn sem gerði
mönnunum að greiða málsvarnar-
laun skipaðra verjenda sinna. - jss
Héraðsdómur Reykjaness:
Sektaður fyrir
líkamsárás
FLUGUMFERÐ Tvöföldun hefur
orðið á millilandaflugi á Egils-
staðaflugvelli það sem af er ári
miðað við allt árið í fyrra.
Ingólfur Arnarson flugvallar-
stjóri á Egilsstaðaflugvelli segir
fjölgunina mikið til komna vegna
virkjunarframkvæmdanna á
svæðinu. Mikill fjöldi fólks fari
um völlinn vegna þeirra. Ingólfur
nefnir að tvívegis á árinu hafi
einkaþotur lent á vellinum með
forsvarsmenn Alcoa.
Í ágúst voru 48 brottfarir og
komur um völlinn í millilanda-
flugi en vikulegar áætlunarferðir
eru frá vellinum til Póllands og
Kaupmannahafnar. - hs
Millilandaflug á Egilsstöðum:
48 brottfarir og
komur í ágúst
KABÚL, AP Ökumaður keyrði að
bílalest hermanna í íbúðarhverfi
í Kabúl í gær og sprengdi sjálfan
sig í loft upp með þeim afleiðing-
um að minnst sextán aðrir létu
lífið og 29 særðust. Þetta er
skæðasta sjálfsmorðsárás í
Kabúl síðan talíbönum var komið
frá völdum árið 2001. Hershöfð-
ingi Breta í Afganistan sagði í
gær að átökin í landinu væru
orðin ofsafengnari en í Írak.
Sprengingin var svo öflug að
tveggja metra víður gígur mynd-
aðist þar sem Toyota-bifreið
árásarmannsins stóð. Tætlur ein-
kennisbúninga og brot úr bílum
þeyttust upp í tré sem standa
meðfram götunni og kviknaði í
þeim. Sprengjubrot urðu gang-
andi vegfarendum að bana og
sprengingin braut rúður húsa á
stóru svæði í miðbænum. Hundr-
að metra hár reykstrókur stóð
yfir árásarstaðnum.
Fjórar aðrar sprengjur fund-
ust í gær við skólabyggingu í
Kabúl, en þær voru aftengdar og
gerðar óskaðlegar.
Í ljósi ótryggs ástands í
Afganistan voru aðildarþjóðir
NATO hvattar til að senda fleiri
hermenn til landsins á NATO-
fundi í Varsjá í gær og er stefnt
á að senda þangað 2.000-2.500
menn til viðbótar.
Samkvæmt upplýsingum frá
utanríkisráðuneytinu hefur
verið hringt í alla Íslendingana
sem eru við friðargæslustörf í
Kabúl og eru þeir heilir á húfi.
- kóþ
Ástand mála í Afganistan líkist æ meir stöðunni í Írak:
Sjálfsmorðsprenging í Kabúl
SKÖMMU EFTIR SPRENGINGUNA
Sprengingin var svo öflug að tveggja
metra víður gígur myndaðist í götunni.
Minnst sautján létu lífið og þrjátíu
særðust. FRÉTTABLAÐIÐ/AP
ÚGANDA Dagblað í Úganda er byrj-
að að birta lista með skírnarnöfn-
um og starfsheitum meintra
homma í landinu. Samkynhneigð
er bönnuð með lögum í Úganda og
Mannréttindavaktin í New York
óttast að stjórnvöld sjái sér leik á
borði með áframhaldandi birtingu
nafna og hrindi herferð gegn
hommum í framkvæmd. Nú
þegar hafa nöfn 45 manna verið
birt.
Einn ritstjóra dagblaðsins Red
Pepper segir að framandleiki
samkynhneigðar og áhugi fólks á
henni réttlæti birtingu nafnanna.
Blaðið hafi áður birt nöfn
nokkurra sem grunaðir voru um
framhjáhald. Til skoðunar er að
birta einnig nöfn lesbískra
kvenna. - kóþ
Dagblað í Úganda:
Birtir skírnar-
nöfn homma
VIÐSKIPTI Áformað er að skipta
Dagsbrún upp í tvö félög; Og
Vodafone, sem er fjarskiptahluti
félagsins, og 365 miðla, sem
heldur utan um fjölmiðlarekstur
og gefur meðal annars út
Fréttablaðið. Þriðja stoð félags-
ins, sem er á sviði upplýsinga-
tækni, mun fylgja fjarskiptastarf-
seminni, samkvæmt heimildum.
Félögin tvö verði skráð í Kauphöll
Íslands en Dagsbrún afskráð.
Samkvæmt heimildum Frétta-
blaðsins hafa miklar fjárfestingar
og þungur rekstur gert stöðu
Dagsbrúnar erfiða. Ráðgert sé að
gefa út nýtt hlutafé til að styrkja
eiginfjárstöðu félaganna og selja
ákveðna hluta starfseminnar. Með
skiptingu félagsins verði stefnan
skýrari. - eþa
Breyting á móðurfélagi 365:
Dagsbrún verði
skipt í tvö félög
ÞÓRDÍS SIGURÐARDÓTTIR Formleg
ákvörðun stjórnar liggur ekki fyrir.
SPILLIEFNI Síðustu sekkirnir með
PCB-menguðum jarðvegi, sem
geymdir hafa verið á svæði Hring-
rásar í Klettagörðum frá því árið
2001, voru í gær sendir með skipi
Atlantsskipa áleiðis til Þýskalands
þar sem efnið verður urðað í spilli-
efnamóttöku.
Eins og greint hefur verið frá í
Fréttablaðinu hafa á milli 100 og
150 tonn af PCB-menguðum jarð-
vegi verið send úr landi en spilli-
efnadeild Hringrásar hafði frum-
kvæði að því að koma efnunum í
alþjóðlega spilliefnamóttöku, en
slík stöð er ekki starfandi hér á
landi.
Einar Ásgeirsson, framkvæmda-
stjóri Hringrásar, sagðist að vonum
ánægður með að vera búinn losa
sig við jarðveginn. „Þetta er
ánægjulegur áfangi fyrir fyrirtæk-
ið. Við ákváðum að koma fram af
ábyrgð og losa okkur við þessi efni
þar sem þetta tók mikið pláss og
augljóslega varð að koma efninu í
spilliefnamóttöku,“ sagði Einar.
Starfsvæði Hringrásar við
Sundahöfn hefur verið endurnýjað
mikið og verður það opnað form-
lega innan skamms. „Svæðið hefur
verið endurnýjað og nútímavætt.
Við erum komin með fullkominn
olíutæmingarbúnað fyrir bíla sem
á eftir að breyta miklu auk snyrti-
legrar aðstöðu,“ sagði Einar.
Mengaður jarðvegur frá starfssvæði Hringrásar fluttur í spilliefnamóttöku:
PCB-efnin send til Þýskalands
SÍÐASTI GÁMURINN FLUTTUR Efnin hafa
verið flutt úr landi í fimm ferðum. Hér sést
síðasti gámurinn með jarðveginum sem
sendur var úr landi í gær. FRÉTTABLAÐIÐ/VALLI