Fréttablaðið - 01.10.2006, Blaðsíða 78

1. október 2006 SUNNUDAGUR38
HRÓSIÐ …
Sigurður Bjóla Garðarsson snýr
aftur á nýjustu plötu Hildar Völdu
en tónlistarmaðurinn og upptöku-
stjórinn semur tvö ný lög fyrir
söngkonuna. Heimildum Frétta-
blaðsins ber ekki saman um hve-
nær Sigurður Bjóla átti síðast lag
á íslenskri plötu en ljóst er að hér
er um sögulega endurkomu að
ræða. Auk Sigurðar semja sann-
kallaðar stórkanónur lög fyrir
söngfuglinn og nægir þar að nefna
Ottó Tynes, Pétur Örn Guðmunds-
son, Valgeir Guðjónsson, Egil
Ólafsson og Halldór Gylfason.
Þegar Fréttablaðið náði tali af
Sigurði var hann í fríi uppi í sveit
og hafði ekki haft spurnir af því að
lögin tvö hefðu ratað á plötuna.
Jón Ólafsson, unnusti Hildar
Völu og hennar
helsti samstarfs-
maður, hefði
hringt í sig og
beðið sig um að
semja tvö lög fyrir
plötuna. „Það er
hins vegar gaman
að heyra að þau ætli
að nota þetta,“
sagði Sigurður
sem sjálfur
sagðist ekki
muna hve-
nær lag eftir hann hefði síðast
ratað á breiðskífu. „Það getur vel
verið að það sé orðið langt síðan,“
bætti hann við og sagðist ekki hafa
skipt sér mikið af því hvernig farið
væri með lögin. „Leiðinlegir þess-
ir lagahöfundar sem sitja yfir tón-
listarmönnunum.“
Sigurður sagðist ekki vera mik-
ill aðdáandi Idol-keppni en þar var
einmitt í einni slíkri sem Hildur
Vala sló í gegn. Hann viðurkenndi
þó að hafa heyrt eitthvað af síð-
ustu plötu söngkonunnar og líkaði
vel við það sem hann heyrði. Sig-
urður sagðist ekki hafa átt í mikl-
um erfiðleikum með að hrista tvö
lög fram úr erminni og taldi þetta
ekki hafa kveikt neitt sérstaklega í
lagasmiðnum í sér. „En það er
aldrei að vita,“ sagði hann.
Jón Ólafsson sagði að Sigurður
hefði alltaf verið í miklu uppáhaldi
hjá sér en hann hefði því miður
verið sjaldséður
hvítur hrafn
í íslensku
tónlistar-
lífi. „Ég
var rosa-
lega
ánægður
með að
hann
skyldi
senda
þessi tvö lög og þetta er mikil upp-
hefð fyrir Hildi Völu,“ segir Jón.
„Fólk sem hefur haft spurnir af
þessu er hálfundrandi og spyr mig
hvernig ég hafi farið af þessu,“
heldur hann áfram og segist svara
því til að hann hafi nú bara hringt í
hann. „Góður vinskapur okkar
hefur nú væntanlega ekki skemmt
fyrir,“ bætir Jón við.
FRÉTTIR AF FÓLKI
Alþjóðlega kvikmyndahátíðin í
Reykjavík var sett á fimmtudags-
kvöldið af Birni Inga Hrafnssyni,
formanni borgarráðs, í Tjarnarbíói
að viðstöddu margmenni en
fyrirfram hafði verið auglýst
að Vilhjálmur Þ. Vilhjálms-
son borgarstjóri myndi
flytja setningarræð-
una. Meðal þeirra
sem létu sjá sig á
frumsýningunni
var Ragnar Braga-
son, leikstjóri
kvikmyndarinnar
Börn, sem flutti
svokallaða hátíðargusu og kvartaði
sáran yfir því að listrænar myndir
sem ekki væru fjöldaframleitt
afþreyingarefni væru alltaf sýndar
á sérstökum kvikmyndahátíðum
á stuttum, afmörkuðum tíma en
hrósaði Alþjóðlegu kvikmyndahá-
tíðinni í hástert fyrir sýningarvélina
í Tjarnarbíói.
Fjöldi fólks mætti síðan í
Gyllta sal Hótel Borgar í
opnunarteitið og mátti
þar sjá fremstan í flokki
Andra Snæ Magna-
son en hugmynd
hans um myrkvun
borgarinnar var ein-
mitt framkvæmd á
fimmtudagskvöldinu.
Þar voru einnig Kalli í pelsinum
og stórskáldið Thor Vilhjálmsson
auk kvikmyndaleikstjórans Ágústs
Guðmundssonar. Þá lét Ásgrím-
ur Sverrisson, ritstjóri logs.is, sig
ekki vanta og heldur ekki Sigurður
Pálsson né Bjarni Ákason, eigandi
Apple umboðsins á Íslandi.
Söngfuglinn Hafdís Huld hefur
látið lítið fyrir sér fara á Íslandi en
virðist vera að gera góða hluti í
tónlist sinni. Vefútgáfa
The Guardian fjallar
um diskinn hennar
Dirty Paper Cup og
gefur gagnrýndand-
inn Dave Simpson
henni fjórar stjörnur
af fimm möguleg-
um. Segir Simpson
að tónlist Hafdísar
sé blanda af ljósi
og myrkri, stefna sem Velvet Under-
ground hafi gert góð skil á sínum
tíma og hrósar henni sérstaklega
fyrir útgáfu hennar af Who Loves
the Sun, telur hana jafnvel vera
betri en sú upprunalega. - fgg
SIGURÐUR BJÓLA: SEMUR LÖG FYRIR HILDI VÖLU
Sjaldséður hvítur hrafn á
íslenskum plötum
SIGURÐUR
BJÓLA
Hefur látið lítið
fyrir sér fara að
undanförnu
en er með tvö
ný lög á plötu
Hildar Völu.
HILDUR VALA „Það er mikil upphefð fyrir
hana að syngja lög eftir hann,“ segir Jón
Ólafsson.
Metalrokkarinn Valdimar Jóhanns-
son úr NineElevens semur tónlist
við nýtt dansverk, Flest um fátt,
sem Íslenski dansflokkurinn frum-
sýnir í október. „Þetta verður
rafræn músík í bland við metal og
söngleikjatónlist,“ sagði Valdi.
„Við vitum eiginlega ekki alveg
hvernig útkoman verður. Þetta er
spunaverkefni. Í þeim gerist alltaf
allt á síðustu metrunum.“
Verkið er unnið upp úr spuna-
verkefni sem danshöfundarnir
Aðalheiður Halldórsdóttir og Val-
gerður Rúnarsdóttir sýndu í Ó.
Johnson & Kaaber húsinu í sumar.
„Þær báðu mig um að gera tónlist
fyrir það verk. Ég dreif Jóa bróð-
ur með mér inn í þetta. Hann er
svona í melódíunum og rafrænni
tónlist og ég í metalnum, þannig
að það var alveg fullkomið að fá
hann með mér í þetta.“
Katrín Hall, listrænn stjórn-
andi Íslenska dansflokksins, var
viðstödd sýninguna á verkefninu.
„Hún bauð okkur að vera með
þetta uppi í Borgarleikhúsi. Nú er
þetta miklu stærra allt saman,
miklu fleiri dansarar og músíkin
önnur.“ Valdi segist hafa meiri
áhuga á dansi en á leikhúsi. „Ég
hef líka samið tónlist fyrir verk
kærustunnar minnar, Ernu Ómars-
dóttur. Ég er bara að verða ein-
hver metal-dans gaur.“
Valdi segist þó ekki hafa ætlað
sér frama í dansheiminum, „Ein-
hvern veginn finnst mér samt rök-
rétt að blanda saman metal og
dansi. Ef metaltónlist ætti ein-
hvers staðar að koma inn í leik-
húsheiminn þá væri það í gegnum
dansinn. Ég vil bara halda áfram
og sjá meiri metal og meira
sprikl,“ sagði Valdi. - sun
Þungarokkari semur tónlist fyrir dansverk
VALDI Í NINEELEVENS Finnst rökrétt að blanda saman metaltónlist og dansi.
Leikarinn Örn Árnason virðist vera
orðinn eins konar
hirðveislustjóri hjá
Landsbankanum.
Fréttablaðið greindi
frá því fyrir skemmstu
þegar hann fór
á vegum bank-
ans til Sviss og
skemmti á hátíð
starfsmanna
Landsbank-
ans þar. Nú
um helgina
kemur starfs-
fólk Lands-
bankans í Lúxemborg og Heritable
í Bretlandi í skemmtiferð og þar
verður Örn Árnason í stóru hlut-
verki. Dagskráin hófst á föstudags-
kvöld með kokkteil í Landsbank-
anum í Austurstræti
en auk þess er farið
í Bláa lónið, Gullna
hringinn og út að
borða. Örn sér
um að kvöld-
verðurinn
gangi
snurðu-
laust fyrir sig með
hnyttnum brönd-
urum sínum. Einn
þeirra sem verða
jafnan fyrir barðinu á grínaranum
er Sigurjón Árnason bankastjóri.
Þegar Örn þylur upp hversu mikið
bankinn hefur vaxið og stækkað að
undanförnu þarf Sigurjón jafnan að
sitja undir skotum þess efnis hvort
hann hafi sjálfur “vaxið” í jöfnu
hlutfalli við bankann, starfsfólki
bankans undantekningarlaust til
mikillar skemmtunar.
FRÉTTIR AF FÓLKI
JÓN ÓLAFSSON Sig-
urður Bjóla er í miklu
uppáhaldi hjá Jóni og
hann var himinlifandi
með þessi tvö lög.
...fær Hemmi Gunn fyrir nýjan
og vel lukkaðan skemmtiþátt.
Útvarpsmennirnir góðkunnu Freyr
Eyjólfsson og Magnús Einarsson
munu senda frá sér plötu á næstu
vikum. Félagarnir kalla sig Sviðin
jörð, en fréttir herma að þeir hafi
fengið hagyrðinginn
Davíð Þór Jónsson
til þess að rita
lagatexta. Platan,
sem hefur fengið
nafnið Lög til að
skjóta sig við, mun
samkvæmt heimild-
um Fréttablaðs-
ins verða
sorglegasta
kántríplata
Íslandssög-
unnar.
Hvað er að frétta? Bara allt fínt. Ég hef staðið á
haus við að opna Liborius, nýja verslun. Um leið og
það er í höfn fer ég á tískuvikuna í París.
Augnlitur: Grænn.
Starf: Ég er fatahönnuður, stílisti og innkaupastjóri.
Fjölskylduhagir: Harðgift.
Hvaðan ertu? Frá Neskaupstað.
Ertu hjátrúarfull? Mjög. Í einu og öllu.
Uppáhaldssjónvarpsþátturinn: Það ku vera Sopr-
anos.
Uppáhaldsmatur: Ofnbakaðar perur með geitaosti
og kanil.
Fallegasti staður: Rúmið mitt.
iPod eða geislaspilari: Grammófónn. Og vínylplöt-
ur.
Hvað er skemmtilegast? Að sofa.
Hvað er leiðinlegast? Að rífast.
Helsti veikleiki: Frekja.
Helsti kostur: Ofvirkni.
Helsta afrek: Að vera til.
Mestu vonbrigðin: Að hafa ekki meiri tíma.
Hver er draumurinn? Hvalfjörður.
Hver er fyndnast-
ur/fyndnust? Jón
Atli Hairdoctor.
Hvað fer mest í
taugarnar á þér?
Ókurteisi.
Hvað er mikil-
vægast? Ástin.
HIN HLIÐIN: HRAFNHILDUR HÓLMGEIRSDÓTTIR FATAHÖNNUÐUR MEÐ MEIRU
Finnst skemmtilegast að sofa
10.05.77
1 dálkur 9.9.2005 15:18 Page 4