Fréttablaðið - 23.12.2006, Qupperneq 47

Jólin eru hátíð friðar og ljóss
og þetta tvennt verður haft í
hávegum í friðargöngum sem
farnar verða á Akureyri og í
Reykjavík á Þorláksmessu.
Að vanda standa íslenskir friðar-
sinnar fyrir blysför niður Lauga-
veginn á Þorláksmessu. Safnast
verður saman á Hlemmi klukkan
17.30 en gangan leggur af stað
stundvíslega klukkan 18.00. Frið-
argangan á Þorláksmessu er nú
orðin fastur liður í jólaundirbún-
ingi margra enda er gangan í ár sú
tuttugasta og sjöunda í röðinni. Að
venju munu friðarhreyfingarnar
selja kyndla á Hlemmi í upphafi
göngunnar.
Söngfólk úr Hamrahlíðarkórn-
um og Kór Menntaskólans í
Hamrahlíð undir stjórn Þorgerðar
Ingólfsdóttur kórstjóra tekur að
vanda þátt í blysförinni sem endar
með stuttum fundi á Lækjartorgi
þar sem Falasteen Abu Libdeh frá
Palestínu heldur stutt ávarp.
Fundinum lýkur síðan með friðar-
söng.
Laugavegurinn verður að
vanda lokaður fyrir bílaumferð
meðan á göngunni stendur.
Á Akureyri stendur áhugafólk
um friðvænlegri heim að hinni
árlegu blysför í þágu friðar á Þor-
láksmessu. Blysförin felur í sér
almennar jólaóskir um frið og þá
einkum í Írak og hefur verið geng-
ið á hverri Þorláksmessu síðan
2002.
Gengið verður frá Samkomu-
húsinu (Leikhúsinu) á Akureyri kl.
20 og út á Ráðhústorg. Ávarp flyt-
ur Hlynur Hallsson myndlistar-
maður og kór Akureyrarkirkju
syngur. Kerti verða seld í upphafi
göngunnar.
Taka ber fram í ljósi veðurspár
að aðeins verður gengið ef veður
leyfir.
Gengið til
friðar og
gleðilegra jóla
Í anddyri Íslensku óperunnar syngja
óperusöngvarar fyrir gesti og gangandi og
allir geta spreytt sig á aríu.
Það gefur auga leið að karókí á Þor-
láksmessu getur ekki verið neitt venju-
legt karókí með Abbalög-
um eða Elvis. Nei, á
Þorláksmessu dugar ekki
að syngja neitt minna en
alvöru tónlist með stórri
hljómsveit. Og víkur þá sög-
unni að Davíð Ólafssyni,
söngvara og skemmtikrafti,
sem stendur fyrir óperukar-
ókí í anddyri Íslensku óper-
unnar frá klukkan átta.
„Anddyri Óperunnar er einn flottasti salur
landsins og minn draumur hefur alltaf verið að
nota þetta anddyri meira,“ segir Davíð. „Svo
datt mér í hug fyrir síðustu Þorláksmessu að
opna óperuna fyrir mannfjöldanum niðri í
bæ, leyfa fólki að hvíla sig og hlusta á fal-
lega tónlist.“ Hann á sjálfur eitthvað um
hundrað óperuaríur án
söngs á geisladiskum
þannig að í kvöld getur
hver sem er fengið að
spreyta sig á óperuaríu við
undirleik stórhljómsveitar
en svo koma líka þekktir
íslenskir söngvarar fram eins
og Stefán Helgi Stefánsson og
Hulda Björk Garðarsdóttir.
Þá mun stúlknatríóið Feline
divine syngja jólalög við
píanóundirleik og Sólon
Íslandus sér um veitinga-
sölu á staðnum. Davíð segir
að þetta tiltæki
hafi fengið góðar
undirtektir í fyrra.
„Fólk var geysi-
lega ánægt og
svo voru margir
sem slógu tvær
flugur í einu
höggi og keyptu
gjafabréf í Óper-
una í jólagjafir svo þetta
hentar fólki vel.“ Hann segir að
þetta hljóti að verða árlegur við-
burður. „Þegar búið er að gera eitt-
hvað tvisvar þá er það orðin hefð.
Sem er afar gott því þetta minnir
fólk á að óperan er ekki fyrir fáa
útvalda heldur fyrir alla.“
Óperukarókí fyrir alla