Fréttablaðið - 27.01.2007, Qupperneq 18

Ekki er örgrannt um að sumar
kvenlýsingar úr Íslendingasögum
komi upp í hugann þegar hlustað
er á lýsingar allflestra samferða-
manna manns vikunnar að þessu
sinni, Margrétar Kristjönu Sverr-
isdóttur. Um Bergþóru Skarphéð-
insdóttur segir í Njálu að hún hafi
verið kvenskörungur
mikill og drengur
góður og nokkuð
skaphörð. Um Mar-
gréti er sagt að hún
sé kvenskörungur
og sumir segja nokk-
uð skaphörð ef því
er að skipta, en þótt
enginn viðmælenda
hafi beinlínis sagt að
hún sé drengur
góður má draga þá
ályktun af ummæl-
um um hana að sú sé
raunin.
Íslenska þjóðin
þekkir Margréti
fyrst og fremst sem
stjórnmálamann og
segja má að dagur-
inn í dag sé að sumu
leyti örlagadagur
fyrir hana á því
sviði. Hún hefur
verið áberandi í for-
ystu Frjálslynda
flokksins allt frá því
faðir hennar, Sverrir
Hermannsson fyrr-
um ráðherra og
bankastjóri, stofnaði
flokkinn á sínum
tíma, en lætur nú
með varaformanns-
framboði loks til
skarar skríða í bar-
áttu um æðstu emb-
ætti flokksins. Verð-
ur það eflaust mikil
rimma og hörð og
ósýnt hvernig henni
lyktar og hverjir
eftirmálar verða.
Margréti er lýst
sem afar traustri og réttsýnni
konu sem berst fyrir hugsjónum
sínum af einurð og festu og rímar
það vel við einstakling sem hygg-
ur á frama í stjórnmálum. Aukin-
heldur er hún sögð með eindæmum
glaðlynd og skemmtileg, orðhepp-
in og klár sem ekki ætti heldur að
vera til trafala í pólitík. Á hinn
bóginn er henni líka lýst sem stál-
heiðarlegri manneskju sem sein-
þreytt er til átaka en það myndu
sumir segja ljóð á ráði þess sem
ætlar sér langt í stjórnmálum. En
þá ber kannski að líta til þess sem
um Margréti er sagt að hún líti
ekki á stjórnmál sem hernað.
Margrét Sverrisdóttir er eitt
fimm barna þeirra Sverris Her-
mannssonar og Grétu Lindar
Kristjánsdóttur; fæddur og uppal-
inn Vesturbæingur sem búið hefur
vestan lækjar alla sína tíð. Hún er
fædd 1958 og fór hefðbundna leið
margra Vesturbæinga um skóla-
kerfið; Melaskóli, Hagaskóli,
Menntaskólinn í Reykjavík.
Eiginmaður hennar er Pétur
Sævald Hilmarsson viðskipta-
fræðingur og eiga þau tvö börn,
Kristján Sævald og Eddu.
Fljótlega eftir lok B.Ed.-náms
við Kennaraháskóla Íslands 1983
tók Margrét við stöðu forstöðu-
manns félagsmiðstöðvarinnar
Fellahellis og síðar Vitans í
Hafnarfirði og má kannski segja
að þar hafi félagamálaferillinn
hafist sem seinna þróaðist yfir í
stjórnmálin.
Vinir Margrétar segja það ekki
beinlínis hafa komið á óvart að
hún skyldi snúa sér
að stjórnmálum eins
og hún á kyn til, þótt
aðdragandinn hafi
kannski verið stutt-
ur. Þeir eru hins
vegar ekki í neinum
vafa um að hún sé á
réttri hillu í pólitík-
inni. Hún sé mann-
eskja sem fólk eigi
auðvelt með að
treysta og það sjáist
best á því að vin-
sældir hennar nái
langt út fyrir raðir
fylgismanna Frjáls-
lynda flokksins.
Pólitískir and-
stæðingar Margrét-
ar bæði innan flokks
og utan, bera henni
líka vel söguna og
segja hana þægilega
í samstarfi en sumir
segja hana líka geta
verið þrjóska og
langrækna ef sá gáll-
inn er á henni.
Í frístundum
sínum er Margréti
umhugað um að
sinna fjölskyldu
sinni en hún ku ætt-
rækin með afbrigð-
um og ekki síður
ættfróð. Hún les
mikið og hefur gert
frá barnæsku; ýmis-
konar fróðleik og
skáldskap, og hefur
mikinn áhuga á
íslenskum fræðum;
dreif sig í að ljúka
háskólanámi á því
sviði ekki alls fyrir löngu.
Útivistaráhugi er henni í blóð
borinn, ekki síst veiðimennska og
hún og maður hennar stunda
bæði lax- og silungsveiðar þegar
tími gefst til og sömuleiðis
rjúpnaveiðar.
En það er pólitíkin sem á hug
hennar og hjarta nú um stundir
og dagurinn í dag getur ráðið
miklu um hvar Margrét Kristj-
ana Sverrisdóttir býr sér pólit-
ískan náttstað á næstunni.
Seinþreytt til átaka
Mikil umræða hefur átt sér stað í fjölmiðlum undanfarið um það hversu illa við stöndum
efnahagslega gagnvart nágrannaríkjum okkar. Sam-
anburði á verði í nágrannalöndum okkar bregður
fyrir í fjölmiðlum dögum saman.
Þó að sjálfsagt sé að horfa til nágrannalanda
varðandi skipulag, hagstjórn og þjónustu verðum
við að taka mið af því að við erum lítil þjóð sem er
búin að taka mjög miklum og róttækum efnahags-
legum og samfélagslegum breytingu á örfáum árum
miðað við nágrannaþjóðir okkar, sem hafa mikla
sögu mistaka og þroska á bak við sig.
Fyrir kosningar keppast flokkar og núverandi
eða verðandi þingmenn við að lofa. Lofa því að hlut-
irnir fari að gerast fái þeir tækifæri til að láta til
sína taka. Samgöngur, öryrkjar, gamla fólkið, náms-
mennirnir, neyslukostnaður – allir þessir málaflokk-
ar og margir aðrir eru teknir fyrir og lofað að bætur
og breytingar verði, helst korteri eftir kosningar. En
hvað svo, kosningar liðnar og lítið gerist af því sem
var lofað. Af hverju? Mín hugmynd er sú að það er
einfaldlega ekki hægt að koma með töfralausnir á
örfáum vikum eða mánuðum. Þingmennirnir breyta
ekki samfélagsmynd okkar í fullkomið fyrirmynd-
arríki á einu kjörtímabili. Sú staða sem er í dag í
samfélaginu er betri en var fyrir 2 kjörtímabilum.
Ég held að flestir geti verið mér sammála um það ef
litið er heiðarlega til baka. Þrýstingur og eftirlit frá
hagsmunahópum, stjórnmálaöflum og félagasam-
tökum hefur átt sér stað og í kjölfarið hafa orðið
jákvæðar breytingar. Jöfnuður er að aukast á mörg-
um sviðum og tækifæri og kjör með-
almannsins eru betri. Aðgengi
almennings að upplýsingum og
stjórnmálamönnum er gott, mun
betra en í mörgum nágrannaríkjum
okkar. Jöfnuður sem hefur orðið til
vegna trúar samfélagsins á að fram-
farir séu mögulegar og núverandi
ástand hverju sinni sé ekki endilega
lokaástand. Ég trúi því einnig í ein-
lægni að börn okkar muni hafa það
enn betra, eins og við höfum það að mörgu leyti
betra en foreldar okkar.
Góðir hlutir gerast hægt eru kjörorð sem hafa
mikið sannleiksgildi. Það er enn hægt að bæta heilm-
ikið hér á landi hvað varðar nær allar hliðar samfé-
lags okkar. En við munum þó að mínu mati aldrei
búa í því fyrirmyndarríki sem frambjóðendur lofa
okkur oftast rétt fyrir kosningar. Breytinga er ávallt
þörf. Breytinga sem munu vara og skila bættum
lífskjörum til samfélagsins í heild. Við berum öll
ábyrgð á því að breytingar geti orðið og mestu máli
skiptir þá að horfa raunsætt á hvar þörfin sé mest
og láta ekki langvarandi deilumál um framsetningu
trufla. Samvinna að bættum kjörum allra er það
sem ætti að einkenna fyrirmyndarríkið í dag, ekki
keppni milli hagsmunahópa. Samfélag sem hefur
unnið svo marga sigra á svo skömmum tíma ætti að
geta horft sameinað fram á veginn í baráttu fyrir
enn stærri ávinningum. Ég vona að komandi kosn-
ingabarátta einkennist því fremur af raunhæfum
vilyrðum en óraunhæfum loforðum um nýjan heim
á morgun.
Höfundur er nemi við Háskólann á Bifröst.
Fyrirmyndarríkið
Flott föt, gjafavörur
og búsáhöld
Opið 10 -18
í Fellsmúla 28
(gamla World Class húsið)
Ótrúlegt verð!
250 – 500 – 750 – 1.000
1.250 – 1.500 – 1.750 – 2.000
– Vel lesið
Áhugasamir auglýsendur vinsamlegast hafið samband
í síma 5505844 | orn.geirsson@365.is
Einblöðungar - bæklingar - blöð - umslög
vertu inní Fréttablaðinu með þitt kynningarefni
*Gallup maí 2006
Notaðu mest lesna* blað
landsins til að dreifa
kynningarefni til
þinna viðskiptavina
Vertu inní
Fréttablaðinu
með þitt
kynningarefni