Fréttablaðið - 31.01.2007, Page 64

28 29 30 31 1 2 3
Á undanförnum árum hefur
farið fram endurskipulagn-
ing á starfsemi Nýlista-
safnsins og nýlega skrifuðu
forsvarsmenn þess og Glitn-
is undir þriggja ára sam-
starfssamning sem tryggja
á það í sessi sem helsta
nútímalistasafn landsins.
Safnið hefur notið stuðnings
opinberra aðila um árabil en dreg-
ið hefur hlutfallslega úr honum
síðustu ár. Samningurinn við
Glitni er til þriggja ára og nemur
styrkupphæð bankans átta millj-
ónum á því tímabili.
Nína Magnúsdóttir, stjórnar-
formaður safnsins, er bjartsýn á
framhaldið en ný stjórn hefur nú
lagt upp sýningardagskrá fyrir
árið. „Þetta leggst alveg stórvel í
okkur. Það er svo margt sem hægt
er að gera en það sést vel þegar
maður leggst í einhvers konar
skipulagsvinnu hvað það er frá-
bært að vera með svolítið meira
milli handanna.
Það eru svo mörg tækifæri í
þessu landi, hér er allt svo opið,
stórkostlegir listamenn sem við
höfum gott aðgengi að fyrir lítið
en það þarf að huga að því að eiga
fjármagn til að setja í verkefnin.“
Nína útskýrir að það sé eitt af
markmiðum Nýlistasafnsins að
komast í framtíðarhúsnæði og að
hugað sé að því eins og safnið eigi
skilið sem ein helsta nýlistastofn-
un landsins sem brátt á 30 ára
afmæli.
Stefna Nýlistasafnsins er nú að
gefa fleiri listamönnum tækifæri
til þess að nýta allt sýningarrými
safnins. „Okkur langar að sjá svo-
lítið fleiri stórar og flottar sýning-
ar eftir flotta íslenska listamenn,“
útskýrir Nína og bætir við að vit-
anlega skiptist árið nokkuð upp en
meira verði af stórum einkasýn-
ingum í safninu heldur en áður
þar sem áherslan hafi fremur
verið á samsýningar. Á þessu
starfsári verða til að mynda settar
upp einkasýningar á verkum
Ragnars Kjartanssonar og Heklu
Daggar Jónsdóttur.
Enn fremur verður einnig
unnið markvissar að því að opna
safnið, bæði fyrir almenningi og
atvinnulífinu. „Á næsta aðalfundi
munum við skoða möguleikann á
því að bjóða alla þá sem áhuga
hafa á starfi okkar að taka þátt en
félagsaðild hefur hingað til verið
takmörkuð við myndlistarmenn,“
segir Nína.
„Með spennandi verkefnum
munum við síðan leitast við að fá
fleiri gesti í safnið,“ segir hún og
nefnir nýafstaðna sýningu Kol-
beins Huga Höskuldssonar, „Still
drinking about you“, sem fjöl-
margir ungir listunnendur sóttu
sem ekki eru fastagestir á mynd-
listarsýningum.
Fyrr í vetur var haldin sýning á
safnkosti Nýlistasafnsins sem í
eru um 700 verk og er án efa eitt
besta samtímalistaverkasafn frá
7. og 8. áratugnum á Íslandi. Lengi
hefur verið leitað að framtíðar-
lausn á geymsluvanda safnsins en
Nína segir að það mál sé í vinnslu.
„Við sjáum alveg fyrir okkur að
safneignin muni í framtíðinni
eignast sjálfstætt líf í nánum
tengslum við safnið og mögulega
fleiri stofnanir eða félög.“
Nánari upplýsingar um sögu
safnsins og framtíðarhorfur er að
finna á heimasíðunni www.nylo.is.

„DAUÐUR, SKÍTUGUR, TÓMUR“
DAGUR VONAR