Fréttablaðið - 31.01.2007, Qupperneq 72

Enska úrvalsdeildin
The Championship
HM í handbolta
„Það skiptir engu
hvernig maður tapar. Við erum
búnir að tapa og ég held að það
hafi sjaldan verið eins sárt að
tapa og núna,“ sagði niðurlútur
fyrirliði landsliðsins, Ólafur
Stefánsson.
„Við fáum ekki markvörslu og
vörn. Þetta er líka mér að kenna
en það er hlægilegt hvað við
erum daprir í vörninni. Þeir skora
í hverri einustu sókn og það er
ekki hægt að vinna svoleiðis leik.
Það var samt margt gott í þessu
en mikið svakalega er þetta
svekkjandi.“
Sjaldan eins
sárt að tapa
Leikstjórnandinn
Snorri Steinn Guðjónsson átti
stórbrotinn leik í Color Line
höllinni gegn Dönum í gær.
Skoraði heil 15 mörk og þar af
fjögur síðustu mörkin í venjuleg-
um leiktíma.
„Okkur líður öllum hræðilega
og það er ekki hægt að komast
nær því að komast í undanúrslit
en þetta. Að skjóta í stöng undir
lok framlengingar og fá svo á sig
mark. Vogun vinnur, vogun tapar
og því verður ekki neitað að þetta
eru svakaleg vonbrigði,“ sagði
Snorri niðurlútur en hann var
hógværðin uppmáluð eins og
venjulega og vildi lítið gera úr
eigin hlut þrátt fyrir stórleikinn
mikla.
„Sóknarleikurinn var fínn en
við fáum endalaust af mörkum á
okkur og það er erfitt að stilla
stanslaust upp í sókn þótt það hafi
reyndar gengið vel í dag.
Varnarleikurinn varð okkur að
falli og þeir hittu með ólíkindum
vel. Það lak hreinlega allt inn hjá
þeim eins og við sáum undir
lokin,“ sagði Snorri Steinn
Guðjónsson sem jafnaði í gær
markamet Ísland í heimsmeist-
arakeppni. Guðjón Valur skoraði
einnig 15 mörk í sigrunum á
Áströlum í upphafi mótsins.
Snorri Steinn skoraði 3 mörk
með langskotum, 3 úr hraðaupp-
hlaupum, 4 úr vítaköstum, 3 með
gegnumbrotum og 2 af línunni.
Snorri klikkaði á aðeins þremur
skotum, þar af einu vítaskoti sem
fór í slána.
Allt lak inn frá Dönum
„Mér líður alveg
hrikalega illa og það er ömurlegt
að tapa þegar við gátum unnið
leikinn,“ sagði Logi Geirsson.
„Mér fannst vera aukakast þegar
Alex skaut og mér er alveg sama
hvað aðrir segja. Ég kenni samt
ekki dómurunum um tapið. Við
gerðum helling af mistökum og
ég þar á meðal,“ sagði Logi.
„Nú verðum við að ná fimmta
sætinu því við erum búnir að
spila rosalega vel á þessu móti og
eigum það skilið í það minnsta,“
sagði Logi sem lítur björtum
augum á framtíðina. „Það hafa
verið kynslóðaskipti í þessu liði
og það býr meira í því en það
sýndi hér í dag. Það kemur að því
að við komumst í undanúrslit á
HM.“
Líður alveg
hrikalega illa
Ívar Ingimarsson átti
góðan leik fyrir Reading í ensku
úrvalsdeildinni í gær en hann
hefur spilað hverja einustu mín-
útu fyrir liðið á tímabilinu. Liðið
tók á móti Wigan í gær og lenti
undir strax í byrjun leiks. Ívar
náði hins vegar að jafna metin í 1-
1 með góðu skallamarki þegar um
hálftími var liðinn af leiknum.
Chris Kirkland, markvörður
Wigan, fór í skógarhlaup en hann
hefur gert mörg mistök sem kost-
að hafa mörk upp á síðkastið.
Shane Long kom Reading verð-
skuldað yfir og mark undir lokin
tryggði sigur liðsins þó Wigan hafi
náð að minnka muninn í 3-2 í upp-
bótartíma.
Liverpool er nú aðeins tveimur
stigum á eftir Chelsea en liðið
vann 2-1 sigur á West Ham á Upton
Park í gær. Dirk Kuyt kom Liver-
pool yfir með mögnuðu marki eftir
aðeins tíu sekúndna leik í seinni
hálfleik en heimamenn voru
hættulegri í þeim fyrri. Peter
Crouch hélt upp á afmæli sitt í
gær með því að bæta við marki sjö
mínútum síðar. Kepa Blanco, nýr
sóknarmaður West Ham, minnk-
aði muninn með sinni fyrstu snert-
ingu í enska boltanum eftir að
hafa komið inn sem varamaður.
Sheffield United vann góðan
sigur á Fulham 2-0 með mörkum
frá John Stead og Michael Tonge.
Heiðar Helguson sat á bekknum
meðan bæði þessi mörk voru skor-
uð en hann kom inn sem varamað-
ur á 34. mínútu. Sheffield United
færðist þar með fjær fallsætunum
en West Ham er enn í þriðja neðsta
sætinu.
Á hinum enda deildarinnar
situr Liverpool í þriðja sætinu,
tveimur stigum á eftir Chelsea
sem á leik inni. Manchester United
er á toppnum með sex stiga for-
skot.
Ívar skoraði í sigurleik Reading gegn Wigan
Guðjón Valur Sigurðs-
son var að vonum verulega svekkt-
ur í leikslok enda taldi hann að
íslenska liðið hefði átt að gera
betur í leiknum gegn Dönum.
„Mér fannst þetta alls ekkert nógu
góður leikur hjá okkur og langt
frá því að vera frábært,“ sagði
Guðjón svekktur.
„Barátta og vilji var frábært en
vörnin var ömurleg og markvarsl-
an var líka slök. Sóknin var samt
góð. Ég er kannski svona vitlaus
og hef ekkert vit á handbolta en
mér finnst við vera miklu betri en
Danirnir.“
Vörnin og markvarslan hjá
Íslandi var lengstum slök og enn á
ný fékk liðið á sig fjölda marka
utan af velli en þegar slíkt er upp
á teningnum þá tapar íslenska
liðið alltaf. Breytir engu þó það
komist í tækifæri eins og í gær.
„Við fáum mark á okkur í hverri
einustu sókn. Ef ekki fyrir utan þá
af línunni. Okkur gekk ekkert að
stoppa rétthentan mann hægra
megin sem kemst alltaf óáreittur í
skot og ef það var stigið út í hann
þá kom línusending. Við erum ekki
nógu fylgnir okkur í varnarleikn-
um,“ sagði Guðjón en taldi hann að
Alexander hefði átt að fá aukakast
undir lokin?
„Ég sé það ekki nógu vel. Hann
er einfaldlega óheppinn að setja
hann í stöngina og tapið er engan
veginn honum að kenna. Eftir á að
hyggja hefði það verið mjög kær-
komið að fá aukakastið,“ sagði
Guðjón sem var ekki spenntur
fyrir því að leika um fimm efstu
sætin eftir að hafa tapað á svona
grátlegan hátt.
„Ef ég á að segja eins og er þá
hef ég nákvæmlega engan áhuga á
að spila fleiri handboltaleiki í
augnablikinu,“ sagði Guðjón
niðurlútur.
Guðjón Valur Sigurðsson var ekki í stemningu fyrir að spila fleiri leiki á HM
eftir grátlegt tap gegn Dönum. Hann var ekki sáttur við varnarleikinn í gær.