Fréttablaðið - 29.03.2007, Side 74

H
R
EY
FI
N
G
•
K
R
A
FT
U
R
•
Á
N
Æ
G
JA
PÁSKASPRENGJA
Glæsileg ný heimasíða:
www.alparnir.is
20%-50%
afsláttur
• VETRARFATNAÐUR
• SKÍÐA- OG
SNJÓBRETTABÚNAÐUR
TAKMARKAÐ MAGN!
ALPARNIR
Íslensku
Faxafeni 8 • 108 Reykjavík • Sími 534 2727 • e-mail: alparnir@alparnir.is • www.alparnir.is
Undankeppni EM:
Spánverjar unnu 1-0
sigur á Íslandi á Mallorca í gær
í leik sem einkenndist af mikilli
rigningu og óþrjótandi sóknar-
þunga heimamanna. Árni Gautur
Arason átti stórleik en kom ekki í
veg fyrir sigurmark heimamanna,
því miður.
Það var hellidemba þegar leik-
ur Spánar og Íslands hófst á ONE
Estadi-leikvanginum á Mallorca
í gær. Það hafði reyndar rignt
mikið í dágóða stund og völlurinn
því vel blautur.
Íslenska landsliðið hefur ekki
átt góðu gengi að fagna að undan-
förnu. Því voru fáir sem bjuggust
við því að það myndi reynast
spænska liðinu erfiður andstæð-
ingur. Emil Hallfreðsson, sem var
fremur óvænt í byrjunarliðinu á
vinstri kantinum, átti hins vegar
fyrsta hálffærið í leiknum er hann
skaut að marki strax á 2. mínútu.
Íslenska vörnin hélt vel í upp-
hafi en Spánverjar þyngdu sókn-
arlotur sínar eftir því sem á leið.
Ekkert dró úr rigningunni og völl-
urinn orðinn hálfgerður pollur.
Það hafði sín áhrif á bæði lið og
dró heldur úr sóknarmætti heima-
manna.
Ólafur var ótrúlega heppinn að
skora ekki í eigið mark rúmum
tíu mínútum síðar en Árni Gautur
varði boltann eftir að hann skopp-
aði af Ólafi af mjög stuttu færi.
Árni Gautur sýndi aðra
glæsitakta þegar Villa skaut bolt-
anum að marki en hafði breytt um
stefnu af Grétari Rafni. Árni varði
hins vegar glæsilega. Staðan var
því markalaus í hálfleik.
Gunnar Þór Gunnarsson var
heppinn að fá ekki dæmda á sig
vítaspyrnu eftir einungis 20 sek-
úndur þegar hann virtist brjóta á
Torres. Franski dómari leiksins
dæmdi hins vegar ekkert.
Fyrstu tíu mínúturnar voru
afar lengi að líða og greip Eyjólf-
ur þjálfari til þess ráðs að styrkja
miðjuna á kostnað Veigars Páls.
Stefán Gíslason kom inn á í hans
stað.
Enn sóttu Spánverjar og enn
sýndi Árni Gautur heimsklassa-
markvörslu. Klafs var í teignum
eftir að Árni Gautur reyndi að
halda boltanum en dómari dæmdi
David Villa brotlegan er hann hirti
boltann af Árna og kom honum í
netið. Spánverjar mótmæltu þess-
um dómi stíft.
Svo fór þó að stíflan brast loks-
ins og þá án nokkurs vafa um mark-
ið hefði verið löglegt. Iniesta var
ómannaður vinstra megin í teign-
um, fékk boltann frá David Villa
og afgreiddi boltann í nærhornið.
Óverjandi fyrir Árna Gaut.
Íslenska vörnin og ekki síst
markvörðurinn höfðu unnið þrek-
virki en hafi markið einhvern tím-
ann legið í loftinu eins og sagt er
var það þá. Spánverjar hreinlega
lágu í sókn allan síðari hálfleikinn
og svo virtist sem íslensku leik-
mennirnir reyndu ekki einu sinni
að skapa sér sóknarfæri. Það er
erfitt að halda úti slíkri taktík í 90
mínútur.
Íslendingar mega vera sáttir við að hafa aðeins fengið á sig eitt mark gegn Spánverjum á Mallorca í gær.
Margir bjuggust við spænskri markasúpu en svo fór að Andrés Iniesta skoraði eina mark leiksins í lokin.