Fréttablaðið - 02.05.2007, Page 12

Valhöll, Háaleitisbraut 1, 2. hæð, 105 Reykjavík
Símar: 515 1735 og 898 1720, fax: 515 1717
Netfang: oskar@xd.is
Utankjörfundaratkvæðagreiðsla vegna alþingis
kosninganna 12. maí nk. er hafin.
Erlendis er kosið í sendiráðum Íslands og hjá mörgum ræðismönn-
um. Einnig er kosið á sjúkrahúsum og öldrunarstofnunum skv.
sérstökum auglýsingum þar um.
Munið að hafa skilríki meðferðis.
Utankjörstaðaskrifstofan veitir allar upplýsingar og aðstoð við
kosningu utan kjörfundar. Einnig er hægt að nálgast upplýsingar á
heimasíðu Sjálfstæðisflokksins www.xd.is og á upplýsingavef
dómsmálaráðuneytisins www.kosning.is
Sjálfstæðisfólk!
Látið okkur vita um stuðningsmenn
sem ekki verða heima á kjördag, t.d.
námsfólk erlendis.
UTANKJÖRSTAÐASKRIFSTOFA
SJÁLFSTÆÐISFLOKKSINS
Kosið er hjá sýslumönnum um allt land.
Í Reykjavík er kosið í anddyri Laugardalshallarinnar
alla daga kl. 10.00 - 22.00.
Valgerður Sverris-
dóttir utanríkisráðherra vill setja
á laggirnar íslenska mannrétt-
indastofnun. Hún yrði á fjárlögum
ríkisins, óháð stjórnvöldum og
ætlað að vera veruleg viðbót við
mannréttindastarfsemi í landinu.
Þetta kom fram í ræðu Valgerðar
við Háskólann á Akureyri á mánu-
dag.
Félagsvísinda- og lagadeild
Háskólans á Akureyri hefur verið
falið að kynna sér reglur um slíka
stofnun og skila skýrslu þar um.
„Ég tel mikilvægt að hugað verði
að því að setja lög um slíka stofn-
un, og mun ég beita mér fyrir því
þegar nýtt Alþingi kemur saman
eftir kosningar,“ sagði Valgerður.
Hlutverk Íslands í mannrétt-
indaráði Sameinuðu þjóðanna,
sem hefur aldrei átt þar sæti, bar
einnig á góma í ræðu Valgerðar.
„Í ljósi aukins vægis mannrétt-
indamála í alþjóðastarfi og þeirr-
ar staðreyndar að Ísland hefur
töluvert fram að færa á þessu
sviði er tímabært að sækjast eftir
sæti í nýju mannréttindaráði í
samráði og samvinnu við önnur
Norðurlönd,“ sagði hún.
Um miðjan maí kemur í ljós
hvort Danir nái kjöri í ráðið, og í
framhaldi af því munu stjórnvöld
skoða möguleika á því hvenær
Ísland geti boðið fram.
Sigrún Guðmundsdóttir
héraðsdómari féllst ekki á að víkja
sæti í máli olíufélaganna Olís,
Skeljungs og Kers, áður Olíufé-
lagsins, gegn samkeppniseftirlit-
inu og íslenska ríkinu. Lögmenn
olíufélaganna hafa mánuð til þess
að kæra úrskurðinn. „Ég reikna
frekar með því að við kærum,“
sagði Kristinn Hallgrímsson, lög-
maður Kers, skömmu eftir að
úrskurðarorð höfðu verið lesin
upp.
Í munnlegum málflutningi
vegna kröfunnar, sem Gísli Bald-
ur Garðarsson, lögmaður Olís,
lagði fram og lögmenn hinna olíu-
félaganna tóku undir, kom fram að
það væri mat lögmanna félaganna
að Sigrún hefði með orðum sínum
í sératkvæði í máli Sigurðar
Hreinssonar gegn Keri útilokað
sig frá því að geta dæmt með hlut-
lausum hætti í málinu. Var þar
sérstaklega vitnað til þess að Sig-
rún liti svo á að samráðið væri
óumdeilt og það hefði leitt til
hærra verðs á olíu.
Heimir Örn Herbertsson, lög-
maður Samkeppniseftirlitsins og
íslenska ríkisins, segir úrskurðar-
orð hafa verið eins og hann reikn-
aði með. „Þetta kemur mér ekki
óvart og er alveg í takt við það
sem ég reiknaði með.“
Í málflutningi vegna kröfunnar
kom fram í máli Heimis Arnar að
hann teldi ekki mögulegt að
úrskurða dómara vanhæfan á
grundvelli fyrri dóma hans. Auk
þess vitnaði hann til dómafor-
dæmis í Hæstarétti, þegar Jón
Gerald Sullenberger krafðist þess
að Arngrímur Ísberg dómari
myndi víkja sæti í Baugsmálinu, á
grundvelli þess að hann gæti ekki
horft á þátt Jóns Geralds með hlut-
lausum hætti. Hæstiréttur komst
að því að Arngrímur þyrfti ekki að
víkja sæti. Þá lauk hann máli sínu
á því að spyrja hvers vegna þess
var ekki krafist að Skúli Magnús-
son dómari, sem nú hefur hafið
störf há EFTA-dómstólnum í Lúx-
emborg, myndi víkja sæti þar sem
hann hefur einnig dæmt í skaða-
bótamálum sem fallið hafa olíufé-
lögunum í óhag. Lögmennirnir
svöruðu því til að þeir hefðu heyrt
af því að Skúli væri að skipta um
starf og því hefði verið óþarft að
gera kröfu um að hann myndi
víkja sæti. Þá hefði einnig verið
umtalsverður munur á afstöðu
Sigrúnar í sératkvæði hennar í
þeirri afstöðu sem fram kom í
dómum sem Skúli átti aðild að.
Í málflutningi vegna kröfunnar
sögðu lögmennirnir Kristinn og
Gísli Baldur ósannað hvort samráð
hefði valdið tjóni.
Sigrún víkur ekki
sæti í olíumálinu
Sigrún Guðmundsdóttir dómari víkur ekki í máli olíufélaganna gegn Samkeppnis-
eftirlitinu og íslenska ríkinu. Félögin hafa mánuð til þess að kæra úrskurðinn.