Fréttablaðið - 02.05.2007, Blaðsíða 50

Lengjubikar karla
Deildarbikarkeppni kvenna
Meistaradeild Evrópu
Fyrrverandi fram-
kvæmdastjóri West Ham, Paul
Aldridge, er alls ekki sáttur við
sektina sem félagið fékk í síð-
ustu viku vegna brots á félaga-
skiptareglum ensku úrvalsdeild-
arinnar. West Ham var sektað um
rúmar 700 milljónir, 5,5 milljón-
ir punda, fyrir að standa ólög-
lega að félagaskiptum Javiers
Mascherano og Carlos Tevez.
Aldridge og fyrrum eigandi
félagsins, Terence Brown, voru
ábyrgir fyrir málinu en eins og
kunnugt er keyptu Íslendingar
félagið nú í haust.
Aldridge segir að orðspor sitt
hafi beðið mikinn skaða vegna
þessa. Hann sagði að hann hefði
ekki verið kallaður til sem vitni
þegar málið var tekið fyrir,
honum hafi ekki verið boðið að
gefa út yfirlýsingu eða verið lát-
inn vita af þeim ásökunum sem á
hann voru bornar.
„Eftir tíu ára starf hjá félaginu
kenni ég í brjósti um þessa mjög
harkalegu refsiaðgerð,“ sagði
Aldridge. „En persónulegt og
faglegt orðspor mitt hefur verið
skaðað. Niðurstöðurnar segja að
ég hafi logið og verið óheiðarleg-
ur,“ sagði Aldridge sem íhugar
nú málsókn.
Aldridge íhugar lögsókn
Stjarnan er komið í 1-
0 í úrslitaeinvígi deildarbikars
kvenna eftir 26-25 sigur í æsi-
spennandi og skemmtilegum leik
í Garðabæ í gær. Grótta var yfir
nánast allan tímann, náði mest
fimm marka forskoti í upphafi
seinni hálfleiks (14-19) en varð
síðan að sjá á eftir sigrinum. Anna
Bryndís Blöndal var hetja Stjörn-
unnar en hún skoraði öll þrjú
mörkin sín á síðustu sex mínútum
leiksins þegar Stjarnan breytti
stöðunni úr 22-23 í 26-24.
„Við eiginlega stálum sigrin-
um. Við áttum hrikalegan dag,
vorum kannski að spila ágætlega
en vorum hins vegar að klúðra
dauðafærum. Það að klára svona
leik sýnir bara hvað við erum með
gott lið og góða breidd,“ sagði
Anna Blöndal eftir leik. Þegar lítið
gekk hjá Önnu í upphafi leiks þá
leysti Sólveig Lára Kjærnested
hana af og átti frábæra innkomu.
„Sólveig tók bara fyrri hálfleikinn
fyrir mig og það var bara fínt. Ég
fékk síðan að láta ljós mitt skína
í lokin. Við erum búnar að vinna
leikina mjög stórt og það er gaman
að lenda í svona spennandi leik og
vinna,“ sagði Anna.
Gróttuliðið lék frábærlega í
fyrri hálfleik og þær Natasa Dam-
iljanovic, Anna Úrsúla Guðmunds-
dóttir og Kristín Þórðardóttir voru
allar í miklu stuði. Sóknarleikur
liðsins gekk hins vegar afar illa í
seinni hálfleik og liðið skoraði að-
eins 2 mörk úr síðustu 10 sóknun-
um sínum.
„Maður á ekki skilið að vinna
leik nema maður vinni hann. Við
áttum að halda áfram að spila
seinni hálfleikinn eins og við spil-
uðum fyrri hálfleikinn,“ sagði
Anna Úrsúla Guðmundsdóttir sem
átti mjög góðan leik í gær.
Við stálum sigrinum
Liverpool er komið
áfram í úrslit Meistaradeildar
Evrópu sem fara fram í Aþenu
síðar í mánuðinum. Liðið bar sig-
urorð af Chelsea í æsispennandi
leik þar sem úrslit réðust ekki
fyrr en í vítaspyrnukeppni. Þar
reyndust leikmenn Liverpool
vera með sterkari taugar en þeir
stigu ekki feilspor og markvörð-
ur liðsins, Pepe Reina, varði tvær
vítaspyrnur.
Reina náði annars að halda
marki sínu hreinu allar þær 120
mínútur sem leikurinn fór fram
og var það lykillinn að sigri Liver-
pool þar sem Chelsea vann fyrri
leik liðanna á sínum heimavelli, 1-
0. Ef Chelsea hefði skorað í gær
hefðu leikmenn Liverpool þurft
að skora alls þrívegis til að slá
Englandsmeistarana úr leik.
Rimma þessara ensku stórliða
hefur lengi einkennst af þeim
orðaskiptum sem stjórar liðanna,
Mourinho og Rafa Benitez, hafa
haft síðustu vikur. Benitez gat
leyft sér að brosa allan hringinn
í gær þar sem sitt herbragð hafði
gengið eftir. Meira að segja var
markið sem Liverpool skoraði
á 22. mínútu svo þaulæft að það
hlýtur að hafa glatt þjálfarann
óendanlega mikið. Daniel Agger
var þar að verki með lúmsku skoti
í nærhornið eftir að Steven Gerr-
ard renndi til hans boltanum úr
aukaspyrnu.
Leikurinn bar annars öll ein-
kenni sem slíkir stórleikir vilja
oft vera. Afar fá dauðafæri litu
dagsins ljós og varnarleikurinn
var í fyrirrúmi.
Helst var að Chelsea næði að
jafna metin í síðari hálfleik er
Jamie Carragher var nálægt því
að skora sjálfsmark af stuttu færi
en boltinn fór yfir markið. Dirk
Kuyt skoraði svo mark er hann
fylgdi eftir skoti Xabi Alonso í
framlengingunni en markið var
dæmt af vegna rangstöðu. Viður-
eignin var þó skemmtileg enda
spennuþrungin. og tilfinningarík.
Liverpool byrjaði í vítaspyrnu-
keppninni og er skemmst frá því
að segja að allar spyrnur liðsins
skiluðu sér í marki. Pepe Reina
varði hins vegar fyrstu og þriðju
spyrnu Chelsea, frá Arjen Robb-
en og Geremi. Það var svo Kuyt
sem fékk að tryggja sínum mönn-
um sigurinn og brást honum ekki
bogalistin í þeim efnum.
Jose Mourinho hefur nú þurft að horfa upp á tvo stóra titla renna sér úr greipunum eða svo gott sem. Í gær
tapaði Chelsea fyrir Liverpool í undanúrslitum Meistaradeildar Evrópu þar sem Pepe Reina var hetja dagsins.