Fréttablaðið - 02.05.2007, Side 44

Fyrir þremur árum sendi
Jón Ólafsson frá sér sína
fyrstu sólóplötu og fékk hún
frábærar undirtektir. Nú
er von á annarri sólóplötu
Jóns, frumsamin lög og það
sem meira er, frumsamdir
textar einnig.
„Jájá, Ikea-röddin fær að blómstra.
Hún er á sínum stað öfugt við
verslunina sem er flutt út í Hafnar-
fjarðarhraun. Ég bregst ekki mínu
fólki,“ segir Jón Ólafsson tónlistar-
maður sem fljótlega sendir frá sér
sína aðra sólóplötu.
„Og það má alveg koma fram að
þetta er eitt mesta áfall sem ég hef
orðið fyrir. Þegar Ikea flutti. Hver
vill ekki fá súpu á 90 krónur? En
þegar maður þarf að keyra eftir
henni fyrir þúsundkall þá tekur
það engu tali.“
Sé miðað við mýtuna þá mun
reynast Jóni þrautin þyngri að
fylgja eftir fyrstu sólóplötu sinni
sem kom út fyrir þremur árum.
Platan sú hét einfaldlega Jón Ól-
afsson og hlaut frábærar viðtökur.
Jón fór þá vítt og breitt um land-
ið til að fylgja henni eftir og spil-
aði á ólíklegustu stöðum alls stað-
ar fyrir fullu húsi. En eftir að hafa
farið í saumana á rokksögunni með
hinum poppfróða Jóni er fyrirliggj-
andi að bölvun yfir annarri plötu er
mýta og ekkert annað en mýta. Því
oftast eiga þá í hlut tónlistarmenn
sem senda frá sér „one hit wond-
er“ sem reyna að fylgja því eftir og
bakland skortir. Trauðla á það við
um Jón sem á að baki 25 ára far-
sælan feril í bransanum.
„Á plötunni verður aðeins frum-
samið efni eins og síðast nema nú
ákvað ég að vippa mér í textagerð-
ina líka. Þar hefur hnífurinn stað-
ið í kúnni, milli platna, að stíga
það skref. Síðast vann ég náið með
ýmsum textahöfundum og leitaði í
bókasöfnin, í kvæðabækur, nú er
þetta allt út frá eigin reynslu.“
Jón hlær aðspurður hvort þetta
sé bömmer- eða uppgjörsplata. Svo
er ekki. Hún fjallar um líðan tón-
listarmannsins í dag og sú líðan er
góð – „takk fyrir“. Jón segir gletti-
lega vel hafa gengið að klambra
saman textum. Það hafi verið gert
samhliða vinnslu plötunnar. En eru
lögin „ballads“ eins og Bó myndi
segja?
„Þetta er alls konar. Jafnvel fjör-
legra en síðast ef eitthvað er. Eitt-
hvað er léttara yfir mannskapn-
um. Ég er að leika mér meira með
hljómborðið. Síðast var þetta flyg-
ill útí eitt en nú er ég líka með
skemmtarann, melódíku og allt
sem mér dettur í hug þannig að
hún ætti að verða litríkari fyrir
bragðið.“
Frábærir tónlistarmenn eru Jóni
til halds og trausts, Haraldur Þor-
steinsson á bassa, Jói Hjörleifs úr
Sálinni trommar og Stefán Már
Magnússon leikur á gítar. Maður-
inn með Ikea-röddina syngur hins
vegar öll lög sín sjálfur án aðstoð-
ar.
„Textarnir eru þess eðlis að út
í hött er að aðrir syngi lögin. Þótt
fullsannað þyki að í það minnsta
73 söngvarar eru betri á landinu,“
segir Jón.
Líkt og síðast mun Jón fylgja
plötunni eftir með miklum túr um
landið allt og hefst tónleikaferða-
lagið 13. maí á Eskifirði. Spurð-
ur um áhrifavalda segist Jón hafa
tekið saman lagalista af góðum
lögum sér til innblásturs áður en
tökur hófust en þegar til kom var
ekki kveikt á honum. Allt kom
þetta eitt af öðru.
„En ég hugsa hlýlegar til nokk-
urra frekar en annarra. Til dæmis
Levon Helm og félaga hans í The
Band. Svo hef ég margoft lýst því
yfir að mínar ær og kýr séu Bítlarn-
ir og Spilverkið þannig að vel má
vera að það liggi þarna undir niðri.
Kannski Elton John á unga aldri.“
Verið er að leggja lokahönd á nýtt
lag frá Daniel Oliver, fyrrverandi
Idol-stjörnu, í hljóðveri í Los Ang-
eles. Fyrirtækið Skip Saylor Rec-
ords, sem hefur annast útsetn-
ingar fyrir listamenn á borð við
Britney Spears, Christina Aguil-
era, Michael Jackson og Queen, er
um þessar mundir að hljóðblanda
lagið og leggja lokahönd á það.
„Ég er ótrúlega ánægður með
það,“ segir Daníel um lagið, sem
nefnist Ego Trip. Átti það upphaf-
lega að fara í spilun hérlendis fyrir
um tveimur vikum en eftir að vírus
kom upp í hljóðverinu við upptök-
urnar hér heima var ákveðið að
senda það út. „Þeir voru mjög hrifn-
ir af þessu lagi. Þetta er líka svolít-
ið bandarískt og „commercial“ og
það verður gaman að sjá hvort það
gengur vel hérna heima.“
Að sögn Daniels er fyrsta plata
hans væntanleg um næstu jól og
verður hún nokkuð „elektrónísk“
með lögum aðallega eftir hann
sjálfan. Lagið Ego Trip er síðan
væntanlegt í spilun um miðjan
þennan mánuð.
Lag Daniels í LA
Stjörnuhjónin David og Victor-
ia Beckham hafa loksins fundið
heimili við sitt hæfi í Los Angel-
es. Beckham hefur sem kunnugt
er skrifað undir samning við fót-
boltafélagið LA Galaxy og Vict-
oria hefur síðustu vikur verið að
leita að rétta húsinu fyrir þau. Eða
villunni, réttara sagt.
Draumahúsið er í Beverly-
hæðum með útsýni yfir hafið, að-
eins í tveggja mínútna fjarlægð
frá vinum þeirra Tom Cruise og
Katie Holmes. Katie var einmitt
sú fyrsta sem Victoria sýndi nýja
heimilið. Fyrir villuna greiddu
Beckham-hjónin um einn og hálf-
an milljarð króna.
Þrír bílskúrar fylgja húsinu og
sundlaug er á lóðinni. Þrátt fyrir
hátt verð eru ekki nema sex svefn-
herbergi í húsinu sem kemur
nokkuð á óvart. Beckham-hjónin
hafa aftur á móti næga aðstöðu til
að hressa upp á útlitið því alls eru
níu baðherbergi í villunni.
Beckham-hjónin
með níu klósett
Kvikmyndin Grindhouse, sem er
samstarfsverkefni leikstjóranna
Quentin Tarantino og Robert Ro-
driguez, verður sýnd í tveimur
hlutum í breskum kvikmyndahús-
um. Ástæðan er að hinni þriggja
tíma mynd gekk fremur illa í
miðasölunni í Bandaríkjunum þar
sem hún var sýnd í heilu lagi.
Upphaflega átti myndin að vera
frumsýnd í Bretlandi 1. júní en nú
hefur henni verið frestað vegna
breytinganna. Mynd Tarantinos,
Death Proof, kemur í bíó 21. sept-
ember og mynd Rodriguez, Planet
Terror, kemur út nokkru síðar.
Grindhouse
í tvennu lagi