Fréttablaðið - 02.05.2007, Síða 16

Snorraverkefni Þjóð-
ræknifélags Íslands fékk
á dögunum byr undir báða
vængi þegar Landsbankinn
skuldbatt sig til að leggja
verkefninu til sex milljónir
króna á ári, næstu fimm
árin. Vestur-Íslendingurinn
Helgi Gunnar Thorstein-
son segir að verkefnið hafi
breytt lífi sínu fyrir sex
árum.
Samningur milli Landsbankans og
Þjóðræknifélagsins var undirrit-
aður á ársþingi þjóðræknisfélaga
Íslendinga í Norður-Ameríku, sem
fór fram í Winnipeg í Manitoba
um síðustu helgi.
Snorraverkefnið var stofnað árið
1998 og hefur að markmiði að efla
tengsl fólks af íslenskum uppruna í
Vesturheimi við Ísland og hefur það
notið mikilla vinsælda. Nú hafa
tæplega 150 einstaklingar tekið
þátt í Snorraverkefninu og margir
þeirra komnir í áhrifastöður í
kanadísku samfélagi.
Meðal þeirra sem tekið hafa
þátt í Snorraverkefninu er Helgi
Gunnar Thorsteinson, sem kom
hingað til lands í fyrsta sinn árið
2001. Hann segir að sú ferð hafi
breytt lífi sínu. „Í tollskoðuninni á
Keflavíkurflugvelli hitti ég í
fyrsta skipti á ævinni nafna minn,“
segir hann og hlær. Helgi bjó á
Vopnafirði í nokkrar vikur og náði
merkilega góðu valdi á íslensku á
ótrúlega stuttum tíma. Eftir að
hann sneri heim gerðist hann virk-
ur þátttakandi í félagsstarfi Vest-
ur-Íslendinga og merkilegt nokk
hefur hann haldið íslenskunni við
eftir sex ár. „Það er dálítið erfitt,
þar sem ég hef ekki marga til að
tala við á íslensku, nema þá helst
gamla fólkið,“ segir hann. Helga
langar að koma aftur til Íslands og
hefur sótt um styrk til þess að
komast í nám við Háskóla Íslands.
„Mig langar að læra íslensku og
bókmenntafræði. Ég á eftir að fá
svar um hvort ég fæ styrkinn. Það
kemur í ljós á næstunni og ég vona
það besta.“
Björgólfur Guðmundsson, for-
maður bankaráðs Landsbankans,
ber sjálfur sterkar taugar til Vest-
ur-Íslendinga en tengdafaðir hans,
Hallgrímur Hallgrímsson, var
fæddur og uppalinn í Kanada.
„Þetta er svo merkileg saga á milli
landanna,“ segir Björgólfur. „Maður
verður eiginlega að koma hingað á
slóðir Vestur-Íslendinga til að
skynja þetta, tilfinningin er ótrúleg
og maður kemst ekki hjá því að
verða snortinn. Það skemmtilega er
að maður hittir hér Vestur-Íslend-
inga af þriðju og fjórðu kynslóð
sem vilja fá að taka þátt í þessu.
Okkur þykir nauðsynlegt að styðja
við menningartengslin milli land-
anna og það vill bankinn gera með
ýmsum hætti.“
nær og fjær
„ORÐRÉTT“ Byrjuð að skipuleggja veturinn
Að geta lifað
af nóttina
Hafði aldrei áður hitt nafna sinn
Misskilningur? Frekar í kolanámu