Fréttablaðið - 24.05.2007, Blaðsíða 2

Drengurinn sem fannst
meðvitundarlaus á botni sundlaug-
arinnar í Kópavogi hinn 26. apríl
síðastliðinn, liggur enn þungt hald-
inn á barnadeild Landspítalans.
Hann losnaði úr öndunarvél í
síðustu viku en hefur að sögn
læknis ekki komið til meðvitundar.
Rannsókn slyssins er á
lokastigi og teknar hafa verið
skýrslur af fjölda manns, bæði
starfsmönnum laugarinnar og
skólafélögum piltsins. Sigurbjörn
Víðir Eggertsson aðstoðaryfirlög-
regluþjónn segir að ekkert sé
hægt að fullyrða um atburðarás-
ina að svo stöddu og telur að
atvikið verði flokkað sem slys.
Ekkert ljóst um
atburðarásina
Tvítugur maður játaði
sök á tveimur líkamsárásum við
þingfestingu ákærunnar í
Héraðsdómi Reykjavíkur í gær.
Annars vegar skallaði hann ungan
mann í andlitið í október 2005,
með þeim afleiðingum að hann
kjálkabrotnaði, skarst á höku og
braut framtennur. Sá krefst
rúmra 600 þúsund króna í bætur.
Hins vegar sló hann mann á
sextugsaldri nokkrum sinnum í
andlitið fyrir utan heimili sitt í
september í fyrra, með þeim
afleiðingum að tennur í mannin-
um brotnuðu og hann hruflaðist
og marðist í framan. Hann krefst
yfir 700 þúsund króna í bætur.
Skallaði einn
og kýldi annan
„Við erum að tapa
miklum tíma því það er mikilvægt
að skilgreina fötlun barns sem
fyrst þannig að hægt verði að
vinna með það á sem farsælastan
hátt,“ segir Stefán J. Hreiðarsson,
barnalæknir og forstöðumaður
Greiningar- og ráðgjafarstöð rík-
isins.
Á þriðja hundrað barna bíða
greiningar hjá stöðinni. Bið barna
á leikskólaaldri er oft yfir tvö ár
en bið barna á grunnskólaaldri
nálgast nú þrjú ár. Stefán segir að
reynt sé að forgangsraða börnum
eftir bestu getu svo þau börn, sem
grunur leikur á að búi við alvar-
lega fötlun, komist sem fyrst að.
„Staðan er þó orðin þannig að
þriggja ára barn, sem grunur leik-
ur á að sé með einhverfu, þarf að
bíða í allt að sex mánuði, þótt það
sé í forgang,“ segir Stefán.
Greiningarstöðin skiptist upp í
þrjú fagsvið, þau eru fagsvið ein-
hverfu, hreyfi- og skynhamlana
og þorskahamlana. Stefán segir
ástandið viðunandi hjá þeim sem
starfa við greiningar á hreyfi-
hömlunum. Hins vegar hafi mikil
fjölgun verið meðal barna á ein-
hverfurófi, þó að ástæður þess
séu ekki kunnar. Biðlistar þeirra
barna sem grunur leikur á að séu
með slíka fötlun lengist því, þótt
afar mikilvægt sé að þau hljóti
markvissa þjálfun sem fyrst.
„Það er afskaplega erfitt fyrir
foreldra að þurfa að bíða með
barn mánuðum saman. Oft fær
barnið ekki alla þá þjónustu sem
það þarfnast og á rétt á meðan
beðið er eftir greiningu, jafnvel
þótt grunur leiki á hvers kyns sé,“
segir Sigrún Birgisdóttir, fram-
kvæmdastjóri Umsjónarfélags
einhverfra.
Fréttablaðið greindi frá því í
lok apríl, að um 170 börn væru á
biðlista Barna- og unglingageð-
deildarinnar. Sagði Ólafur Ó. Guð-
mundsson, yfirlæknir deildarinn-
ar, biðlistann aldrei hafa verið
lengri en þá, eða um eitt og hálft
ár.
Stefán segist vona að loforð
Samfylkingarinnar, um að biðlist-
um verði eytt, verði efnt sem
fyrst.
Jóhanna Sigurðardóttir, verð-
andi ráðherra velferðarmála,
segir biðlista barna og aldraðra
algert forgangsverkefni sem tekið
verði þó að ekki liggi enn fyrir
með hvaða hætti það verði gert.
Tæplega þrjúhundruð
börn bíða greiningar
Bið barna á grunnskólaaldri eftir greiningu hjá Greiningar- og ráðgjafarstöð
ríkisins nálgast nú þrjú ár. Bið leikskólabarna er um tvö ár. Jóhanna Sigurðar-
dóttir, nýr velferðarráðherra, segir biðlista barna meðal forgangsverkefna.
Eiríkur, heldurðu að þú
eigir eftir að enda í klefa með
Lalla?
Ekkert í stefnuyfirlýsingu ríkisstjórnar-
innar gefur til kynna að frekari stóriðjufram-
kvæmdum verði frestað næstu árin, eins og
Samfylkingin hafði á stefnuskrá sinni.
Formenn stjórnarflokkanna kynntu yfirlýsinguna
og svöruðu spurningum fjölmiðla í sumarbústað
forsætisráðherra á Þingvöllum í gær.
Ingibjörg Sólrún Gísladóttir, formaður Samfylk-
ingarinnar, sagði stóriðjustopp ekki á dagskrá
samkvæmt stefnuyfirlýsingunni. „Það segir að það
skuli farið í slíkar framkvæmdir í samræmi við
markmið okkar hagstjórnar um að tryggja lága
verðbólgu og lágt vaxtastig. Við munum reyna að sjá
til þess að hægt sé að halda bæði stórframkvæmd-
um og skattkerfisbreytingum og öðrum slíkum
aðgerðum innan þess ramma.“
Ingibjörg sagði að stefnt sé á að klára rammaáætl-
un fyrir lok árs 2009, og hún verði svo grundvöllur
allra ákvarðana um nýtingu eða verndun.
Geir H. Haarde, formaður Sjálfstæðisflokksins,
sagði að stefnt væri að því að flýta rammaáætlun-
inni, þangað til verði ekki farið inn á óröskuð svæði
nema þegar liggi fyrir annaðhvort rannsóknar- eða
nýtingarleyfi. „Við erum ekki að beita stjórnvalds-
aðgerðum til þess að stöðva orkufyrirtæki í því sem
í gangi er nú þegar, en það verður svo að koma í ljós
hvernig það rúmast innan þess sem hagkerfið
leyfir,“ sagði Geir.
Rússneski auðkýfing-
urinn Boris Berezovsky, sem er í
útlegð í London, segir að líf
Andreis Lugovois,
Rússans sem
grunaður er um
morðið á Alexander
Litvinenko í London
í vetur, geti verið í
hættu vegna þess
hve mikið hann veit
um málsatvik.
Berezovsky
fullyrðir að
Litvinenko hafi
verið myrtur að undirlagi
rússneskra stjórnvalda, og vegna
þess að Lugovoi viti hvernig í
málinu liggur verði hann hugsan-
lega „drepinn innan tveggja eða
þriggja ára“.
Lugovoi senni-
lega í lífshættu
Auglýsingar kvikmyndahúsanna í
Fréttablaðinu hafa verið teknar til
endurskoðunar. Nýtt og breytt
útlit kemur lesendum blaðsins
fyrir sjónir í dag á blaðsíðu 48.
Auglýsingarnar, sem innihalda
upplýsingar um sýningartíma
kvikmyndahúsanna, hafa jafnan
verið efst á opnu í blaðinu.
Við þessar breytingar færast
þær til vinstri á opnuna. Þetta er
gert í samráði við kvikmyndahús-
in, með það að markmiði að gera
þær aðgengilegri lesendum. Er
vonandi að lesendum falli þessi
breyting vel í geð.
Nýjar bíósíður
Stjórn kanadíska álfyrir-
tækisins Alcan hafnaði í fyrradag
fjandsamlegu yfirtökutilboði
bandaríska álrisans Alcoa í félagið
upp á 33 milljarða Bandaríkjadala,
jafnvirði 2.100 milljarða íslenskra
króna. Bað stjórn félagsins hlut-
hafa að hafna því líka.
Tilboð Alcoa, sem gert var hlut-
höfum í byrjun maí, hljóðar upp á
73,25 dali á hlut. Gengið hefur
hækkað um 37 prósent síðan þá.
Þar af hækkaði það um 3,04 pró-
sent í gær eftir að kanadíska blað-
ið Globe and Mail sagði Alcan í
viðræðum við BHP Biliton, stærsta
námafélag í heimi, til að tryggja
sig gegn yfirtökutilboðinu.
Stjórnin hafnar
yfirtöku Alcoa
Til greina kemur að flytja
rafmagn til fyrirhugaðs álvers
Norðuráls í Helguvík á Suðurnesj-
um um sæstreng.
Er þá horft til þess að strengur-
inn lægi annaðhvort frá Fitjum
eða Vogum til Helguvíkur.
Aðrir möguleikar sem eru til
athugunar eru jarðstrengur milli
Keflavíkurflugvallar og byggðar í
Reykjanesbæ og línustæði
umhverfis Keflavíkurflugvöll.
Landsnet annast skoðun á línu-
leiðum til álversins og liggur fyrir
að lagðar verða tvær línur með að
minnsta kosti 700 MVA flutnings-
getu að álverinu.
Í frummatsskýrslu álversins
segir að ekki sé að fullu ljóst hver
endanleg orkuþörf álversins verð-
ur né hvaðan orka mun koma. Þó
er í skýrslunni gert ráð fyrir að
lína komi frá Trölladyngju að
tengivirki í Rauðamel á Reykja-
nesi, önnur muni að líkindum
koma úr tengivirki við Hafnar-
fjörð og fylgja Suðurnesjalínu
meðfram Reykjanesbraut og sú
þriðja liggi frá Reykjanesvirkjun
í tengivirkið í Rauðamel.
Landsnet fjallar nánar um línu-
leiðirnar samhliða mati á umhverf-
isáhrifum þeirra. Á fyrirtækið nú
í viðræðum við sveitarfélög og
orkuframleiðendur um mögulegar
línuleiðir.
Mögulega flutt um sæstreng