Fréttablaðið - 05.06.2007, Blaðsíða 12

Tuttugu og átta plánetur
hafa fundist á braut um aðrar
stjörnur undanfarið ár. Samtals er
nú vitað um 236 plánetur utan
okkar sólkerfis. Vísindamenn
segja milljarða byggilegra pláneta
geta verið til, samkvæmt fréttavef
Reuters.
„Sólkerfið okkar er ekki
einsdæmi í alheiminum,“ sagði
Geoffrey Marcy, prófessor í
stjörnufræði við Kaliforníu-
háskóla. „Af tvö hundruð milljörð-
um stjarna í Vetrarbrautinni tel ég
um tíu prósent hafa byggilegar
plánetur á braut um sig. Síðan eru
til þúsundir milljarða vetrarbrauta
sem eru eins og okkar.“
Fundu þrjátíu
nýjar plánetur
Spænsk stjórnvöld
hafa lagt fram kæru hjá dómstól í
Bandaríkjunum vegna skipsflaks
sem bandaríska fyrirtækið
Odyssey Marine Exploration
hefur fundið og hirt fjársjóð úr.
Fjársjóðurinn er sagður vera rúm-
lega þrjátíu milljarða króna virði.
James Goold, lögfræðingur
spænsku stjórnarinnar, segir að
fjársjóðurinn tilheyri Spánverj-
um ef skipið var spænskt eða ef
það liggur á hafsbotni í spænskri
landhelgi. Fyrirtækið hafi ekki
fengið leyfi frá spænskum stjórn-
völdum til að bjarga eða fjarlægja
skipið.
John Morris, framkvæmda-
stjóri bandaríska fyrirtækisins,
fullyrðir að skipið, sem sagt er
heita Svarti svanurinn, hafi ekki
fundist í spænskri landhelgi.
Fyrirtækið fullyrðir að skipið hafi
fundist í Atlantshafinu utan allrar
lögsögu, en hefur þó ekki viljað
gefa upp nákvæma staðsetningu.
Fyrirtækið fullyrðir að fjársjóð-
urinn, 500 þúsund gull- og silfur-
peningar, sé ekki kominn úr
breska skipinu HMS Success, sem
liggur í Gíbraltarsundi. Fyrirtækið
hafði fengið leyfi spænskra stjórn-
valda til að leita að því skipi.
Fyrirtækið hefur hins vegar
hvorki staðfest né neitað fréttum
um að þetta skip sé annað breskt
skip, Merchant Royal, sem sökk í
slæmu veðri úti af ströndum Eng-
lands árið 1641.
Fjársjóðsskip vekur deilur
Íslendingar voru ekki
þeir einu sem tóku upp reykinga-
bann á veitingastöðum og
kaffihúsum um síðustu mánaða-
mót, Finnar gerðu það líka.
Fyrsta reyklausa helgin gekk vel
í Helsinki, að sögn Finnlands-
sænska dagblaðsins Hufvudstads-
bladet, enda sátu reykingamenn
bara úti í góða veðrinu.
„Það var aðeins meiri umferð í
anddyrinu þegar viðskiptavinir
fóru út á götu til að reykja en
ekki svo mikil að það hafi truflað
aðra,“ segir Esa Paloharju á
veitingastaðnum Black Door.
„Einn viðskiptavinir kveikti á
sígarettu inni af gömlum vana og
annar sneri við og kláraði
sígarettuna fyrir utan.“
Reykingamenn
sátu úti og nutu
góða veðursins
ASKJA · Laugavegi 170 · 105 Reykjavík · Sími 590 2100 · www.askja.is
Þú getur verið viss um gæðin
ASKJA er eini viðurkenndi umboðsaðili Mercedes-Benz á Íslandi.
Mercedes-Benz ML-Class er jeppi sem slær samkeppnisaðilunum við hvað varðar gæði, glæsileika og öryggi. Í boði eru þrjár bensín-
vélar og þrjár dísilvélar. Sú nýjasta, V8 420 CDI dísilvélin, er sannkallað tækniundur sem skilar 306 hestöflum. Hröðun frá 0 og upp í
100 km er aðeins 6,5 sekúndur og togið er ótrúlegt, 700 Nm. Þrátt fyrir þetta er meðaleyðsla bílsins aðeins 11,1 lítrar á hverja 100 km.
*Hiti í framsætum, dökkar filmur í rúðum og aftengjanlegt dráttarbeisli.
Mercedes-Benz ML-Class 280 CDI, verð: 6.370.000 kr. með Íslandspakka*
Tuttugu og þriggja ára
maður hefur í Héraðsdómi Suður-
lands verið dæmdur í 22 mánaða
óskilorðsbundið fangelsi fyrir
vörslu fíkniefna. Lögregla fann
418 e-töflur á heimili hans í Njarð-
vík í júlí í fyrra.
Fyrr um kvöldið var faðir
mannsins handtekinn á heimili
fjölskyldunnar vegna gruns um
fíkniefnasölu. Maðurinn var þá
einnig grunaður um slíkt hið sama
og fór fram húsleit vegna þess. Í
aðalhluta hússins fundust tólf
pakkningar af amfetamíni. Móðir
mannsins viðurkenndi að eiga
efnið og hafa ætlað að nota það
sér til skemmtunar í tilefni fimm-
tugsafmælis síns.
Í framhaldinu fór fram leit í
herbergi mannsins og fundust
þar 418 e-töflur faldar í
verðlaunabikar. Töflurnar voru
flestar gular með strumpamynd á
annari hliðinni.
Maðurinn tjáði lögreglu að
hann hefði fundið töflurnar úti í
móa nokkrum dögum áður. Hann
breytti þeim framburði þó fljót-
lega og sagðist þá hafa keypt töfl-
urnar af manni sem hann þóttist
ekki þekkja nein deili á. Hann
kvaðst einnig vera háður hass-
reykingum og hafa ætlað að
skipta töflunum fyrir hass í von
um að fá hassið þannig ódýrar.
Dómnum þykir framburður
mannsins óstöðugur og margt
sem þar kom fram harla ólíklegt.
Ýmislegt bendi eindregið til þess
að hann hafi verið í föstu við-
skiptasambandi við fíkniefnasal-
ann og hafi ekki viljað gefa upp
nafn hans af ótta við hefndar-
aðgerðir. Hann hlaut því áður-
nefndan dóm.
Hinn dæmdi lék um tíma körfu-
bolta með liði Njarðvíkur en var
meinað að æfa frekar eftir að
málið kom upp síðasta sumar.