Fréttablaðið - 05.06.2007, Blaðsíða 10

Dýralæknum við
sædýrasafn í Virginíu í Banda-
ríkjunum brá í brún þegar þeir
komust að því við krufningu að
dauður kvenkyns hákarl var
þungaður. Í safninu er enginn
karlkyns hákarl sömu tegundar,
og ómögulegt annað en að
ungviðið hafi verið eingetið.
Þetta er annað dæmið á örfáum
vikum um að hákarl fjölgi sér án
aðkomu karldýrs. Hamarsháfur í
dýragarði í Nebraska fæddi
lifandi afkvæmi á dögunum, og
hafði karldýr hvergi komið þar
nærri.
Hákarlinn í sædýrasafninu,
sem kallaður var Tidbit, var
svæfður í síðustu viku eftir að
hann beit starfsmann. Talið er að
þungunin gæti hafa valdið því að
svefnlyfið dró hann til dauða.
Annað eingetið
hákarlsafkvæmi
„Ég hef áhyggjur af
því hvað gerist þegar menn fara að
reykja úti; hvort allar götur og
gangstéttir fyllist af sígarettu-
stubbum,“ segir Vilhjálmur Þ. Vil-
hjálmsson borgarstjóri.
Reykingabann á veitinga- og
skemmtistöðum er gengið í gildi.
„Hvert fer fólkið þá með sína
stubba? Ég geri ekki ráð fyrir því
að það fari inn og drepi í sígarett-
unni þótt sumir geri það. Því miður
lendir þetta bara á gangstéttum og
götum,“ segir borgarstjórinn, sem
þó vill ekki lýsa efasemdum um
útfærslu reykingabannsins:
„Ég ætla ekki að hafa skoðun á
því en ég er ekki reykingamaður
sjálfur og auðvitað væri það bara
ágætt ef sem fæstir myndu reykja,
bara vegna heilsunnar.“
Mikið hreinsunarátak er að hefj-
ast í Vesturbænum. Vilhjálmur seg-
ist hvetja borgarbúa til að taka til í
sínu næsta nágrenni, líka út fyrir
eigin lóðir.
„Því miður er of mikill sóðaskap-
ur í gangi,“ segir borgarstjórinn,
sem sérstaklega nefnir veggjakrot
sem yfirgengilegan vanda: „Borgin
og stofnanir hennar borga rúmar
100 milljónir á ári í að afmá veggja-
krot. Þótt örli kannski á því er þetta
engin veggjalist heldur einfaldlega
skemmdarverk. Það fólk sem er að
þessu ætti að líta í eigin barm og
íhuga hvernig það myndi bregðast
við ef eigur þeirra yrðu meðhöndl-
aðar með þessum hætti.“
Óttast stubbaflóð í borginni
Að meðaltali ná um 300 eftirlits-
myndavélar myndum af hverjum íbúa Bretlands-
eyja á dag, að því er lögregla þar í landi fullyrðir.
Hvergi í hinum vestræna heimi er eftirlit með
borgurum jafnmikið. Yfir fjórar milljónir
eftirlitsmyndavéla eru í landinu á vegum hins
opinbera.
Þeir leynilegu atburðir sem nást á myndavélarn-
ar eru sjaldnast af glæpsamlegum toga, heldur
mun oftar atburðir úr einkalífi fólks, á borð við
kossaflens í laumi. Þó benda kannanir þarlendis til
þess að yfir áttatíu prósent Breta telji strangt
eftirlit viðunandi fórnarkostnað í skiptum fyrir
öryggið sem því fylgir, jafnvel þótt í því felist
símhleranir, ofurnæmir hljóðnemar á víðavangi
sem nema hvísl manna í millum og að hnýst sé í
póst almennings.
Tvö ár eru bráðum frá hryðjuverkaárásunum á
London í júlí 2005, þar sem eftirlitsmyndavélar
hjálpuðu mjög við að upplýsa málið.
En það er fleira en meint hryðjuverkastarfsemi
sem fylgst er með í myndavélunum. Í Gloucester í
Englandi eru öryggismyndavélar útbúnar
hljóðnemum og hátölurum. Fólk sem staðið er að
jafnvel vægustu afbrotum, svo sem að fleygja
rusli á götuna, er samstundis látið vita að verið sé
að fylgjast með því, og því gefið tækifæri á að
breyta rétt. Öll samskiptin eiga sér stað í gegnum
myndavélina.
Þá eiga bresk yfirvöld stærsta lífsýnabanka
veraldar, með upplýsingum um ofbeldismenn og
unga afbrotamenn. Í bankanum eru upplýsingar
um á fjórðu milljón manns, en um þriðjungur
þeirra hefur aldrei verið fundinn sekur um glæp.
Hagsmunasamtök óttast að þessar upplýsingar
kunni einn daginn að verða notaðar, meðal annars
af tryggingafélögum.
Mörgum hrýs hugur við þessari þróun.
Hagsmunafélög segja ríkisstjórnina gera Bretland
æ líkara samfélagi sem byggist á persónunjósnum
og minnka réttindi borgaranna hröðum skrefum.
David Morgan yfirlögregluþjónn svarar efasemd-
um, líkt og bresk yfirvöld gera jafnan, með
sígildum rökum: „Það er óþarfi að hafa áhyggjur
af svo nánu eftirliti – nema auðvitað ef þú hefur
óhreint mjöl í pokahorninu.“
Augum Stóra bróður fjölgar ört
Fylgst er með hverjum Breta með að meðaltali 300 myndavélum á vegum hins opinberlega daglega. Flestir telja
eftirlitið réttlætanlegt en hagsmunasamtökum hrýs hugur. Ef þú ert saklaus er óþarfi að örvænta, segja yfirvöld.
Sextugur japanskur
karlmaður fyllti eins herbergis
vistarverur sínar af þúsundum
stolinna kvenmannsklæða.
Lögregla uppgötvaði þetta þegar
hún fór heim til hans að handtaka
hann fyrir að stela rándýrum
kímónó-sloppi af heimili konu í
borginni.
Maeyasu Kawamura viðurkenndi
fyrir lögreglu að hafa stolið öllum
fötunum, þar á meðal brúðarkjól.
„Ég hef stolið kvenmannsfötum og
nærfötum af handahófi undanfar-
inn áratug,“ sagði hann við
yfirheyrslur. Fimm sendibíla þurfti
til að flytja flíkurnar 8.200 úr íbúð
mannsins á lögreglustöðina.
Stal íbúðarfylli
af kvenfötum