Fréttablaðið - 12.07.2007, Blaðsíða 27

Hrafnhildur Kristjánsdóttir
sigraði í hönnunarsamkeppni í
Barcelona.
Hrafnhildur Kristjánsdóttir
hefur verið við nám í skartgripa-
hönnun við Escola Massana í Bar-
celona á Spáni síðastliðin þrjú ár.
Fyrir skemmstu tók hún þátt í
nemendasamkeppni á vegum
listamannasamtakanna Artesania
de Catalonia, og stóð uppi sem
sigurvegari.
„Þetta var keppni um flottustu
næluna og ég ákvað að skila inn
litlu gylltu laufblaði,“ segir
Hrafnhildur og bætir því við að
hún hafi valið laufblað, vegna
þeirra mismunandi merkinga
sem það búi yfir í ólíku menning-
arsamfélögum. Sums staðar tákni
það lífið, en annars staðar eitt-
hvað allt annað.
„Þegar ég valdi þetta form, vildi
ég líka að það hæfði tilefninu,“
bendir Hrafnhildur jafnframt á.
„Þar sem nælan kemur til með að
fara í framleiðslu og verður gefin
katalónskum handverksmönnum,
sem eiga sæti í Artesania de
Catalonia, í heiðursverðlaun.“
Mun Hrafnhildur sjálf annast
framleiðsluna, enda sýnt og
sannað hvað í henni
býr.
Hrafnhildur viðurkennir að
sigurinn hafi komið henni svolít-
ið í opna skjöldu, en hún var stödd
hérlendis þegar fréttirnar bárust.
„Ég fékk SMS-skeyti sent frá
einum kennaranum mínum. Þar
stóð bara „Þú vannst!“ og ekki
söguna meir,“ segir Hrafnhildur
hlæjandi og viðurkennir að hafa
talið að um grín væri að ræða.
Þegar raunveruleikinn rann upp
fyrir henni varð hún himin-
lifandi.
Hrafnhildur segir að sigurinn
hafi svo sannarlega aukið
sjálfstraustið á svið skartgripa-
hönnunar. Hún sjái alls ekki eftir
að hafa innritast í námið, sem
hún útskrifast úr í febrúar, og
hyggst láta til sín taka í Barcelona,
þar sem hún áætlar að búa næstu
árin.
Skart sem skilaði sigri
w w w . u n i k a . i s
Fákafeni 9 Sími: 568 6700
mán-fös. 10-18 og laug. 11-16
til og með
laugardagsins 14. júlí
ÚTSALAN
HEFST Í DAG KL. 10, OPIÐ TIL KL. 20 Í KVÖLD
20-80%
afslátt
ur
20%
afsláttur
af nýjum vörum
12. til 21. júli
Vaxtalausar
raðgreiðslur
Frí
heimkeyrsla
í dag
Nýtt kortatímabil
SMÁRALIND OG KRINGLUNNI
AFSLÆTTI
ALLAR VÖRUR MEÐ
ENN MEIRI LÆKKUN
50-70%