Fréttablaðið - 30.07.2007, Page 16

Mikið var um dýrðir í Árbæjarsafni á sunnudag, þar
sem safnhús höfðu verið færð í skrúða og víða blasti
við danski þjóðfáninn. Tilefnið var að hundrað ár eru
liðin frá heimsókn Friðriks áttunda Danakonungs til
landsins, en margir telja komu hans marka þáttaskil í
sjálfstæðisbaráttu Íslendinga.
Gestir létu ekki á sig fá þótt veður væri ekki með
besta móti, heldur nutu einstakra dagskrárliða sem
höfðu verið skipulagðir í tilefni dagsins.
Hægt var að skoða ljósmyndir frá heimsókn kon-
ungs og fara um svæðið í samfylgd leiðsögumanna,
uppáklæddra að hætti Íslendinga á öndverðri 20. öld.
Fullt var út að dyrum í Lækjargötu fjögur, eins
safnhúsana við torgið, þar sem nemendur við Lista-
háskóla Íslands léku tónlist fyrir gesti.
Þá var ýmislegt í boði fyrir yngstu kynslóðina.
Kassabílar, vegasölt og önnur leiktæki, auk hests
nokkurs, sem naut óskiptrar athygli íslensku æskunn-
ar.
Ekki var annað að sjá en að flestir hefðu gaman af,
þótt hvorki sól né danskir aðalsmenn heiðruðu við-
stadda með næruveru sinni þann daginn.
Konunglegar móttökur
Hundrað ár eru nú liðin síðan Friðrik áttundi kom til landsins ásamt fríðu föru-
neyti. Í tilefni þess var slegið upp skemmtidagskrá á Árbæjarsafni um helgina.