Fréttablaðið - 24.08.2007, Blaðsíða 27

Anna Richardsdóttir gjörningalistakona á
Akureyri býr gjarnan til eitthvað skrautlegt í
matinn. Hér býður hún í hafmeyjarsúpu.
„Gestirnir mínir hafa verið við sjósundæfingar og
veitir ekki af einhverju heitu og hollu,“ segir Anna
Richardsdóttir þar sem hún stendur við að skenkja
ilmandi súpu á diska. „Þeir ætla nefnilega að leika
seli í gjörningi sem ég verð með kl. 11. 30 á morgun,
laugardag, í tilefni Akureyrarvöku. Gjörningurinn
fer fram á Strandgötunni við Pollinn og þar ætlar
fólk að leggja haf undir sporð.“ Þegar forvitnast er
nánar um gjörninginn kveðst Anna ætla að reyna að
svara spurningunni um hvort hafmeyja sé í
höfninni. „Það leikur grunur á að svo sé en það
hefur hvorki verið sannað né afsannað ennþá og
ekki er allt sem sýnist. Oft eru heimarnir sem hlutir
gerast í það margir að þó að maður leitist við að
kanna þá er ekki víst að svarið verði augljóst.“
Súpan sem Anna ber fram er samt mjög augljós.
„Ég hef gaman af að elda og það geri ég á hverjum
degi. Mér finnst þannig næring skipta miklu máli
fyrir mig og fjölskyldu mína,“ segir hún og er
greinilega alvara. „Ég nýt þess að vera í eldhúsinu.
Þar verða líka gjörningarnir til í kolli mínum
þannig að eldhúsið er mjög skapandi staður.“
Uppskrift að hafmeyjusúpu Önnu er á næstu síðu.
Eldhúsið
skapandi
staður
Úr bláberjum má gera
ljúffengt konfekt.
Bláber eru alltaf góð en til þess
að gera þau ennþá betri er
alveg tilvalið að súkkulaðihúða
þau. Úr öskju af bláberjum og
smá súkkulaði má nefnilega
búa til algjört sælgæti.
Súkkulaðið er brætt í plastskál
yfir sjóðandi vatni í potti.
Berjunum er velt upp úr
súkkulaðinu nokkrum í einu og
tekin upp úr með tannstöngli
og sett á smjörpappír á plötu.
Ef gat er á berjunum eftir
tannstöngulinn er ágætt að
loka fyrir það með súkkulaði.
Platan er sett inn í ísskáp og
látin vera þar þangað til súkku-
laðið á berjunum er storknað
og þau á að bera fram.
Súkkulaðihúðuðu berin getur
verið gott að hafa með kaffinu
eða sem eftirrétt með rjóma
eða ís.
Ber í súkkulaðibaði
Súkkulaðiböðuð bláber
Ein askja stór bláber
Tvær til þrjár súkkulaðiplöt-
ur af dökku eða ljósu súkku-
laði, fer eftir smekk