Fréttablaðið - 31.10.2007, Blaðsíða 6

„Ég hef mínar skoðanir
á stríðsrekstri og vopnasölu, en
ég fer ekki að fara yfir gestalista
hótelanna í borginni og mynda
mér skoðun á því hvað fólk er að
gera hér. Hvar myndi það enda?“
spyr Dagur B. Eggertsson borgar-
stjóri, spurður um viðbrögð við
fundi vopnaframleiðenda í gær.
Stjórnendur hjá vopnafram-
leiðslufyrirtækinu BAE funduðu
á Nordica Hilton hótelinu í
Reykjavík. Vísir vitnar í fjöl-
miðlafulltrúa fyrirtækisins og
segir mennina stjórna deild sem
sér meðal annars um skriðdreka-
framleiðslu.
Dagur var inntur viðbragða, í
ljósi framtaks fyrrverandi borg-
arstjóra, sem fór fram á lögreglu-
rannsókn á svokallaðri klámráð-
stefnu á Hótel Sögu.
En hvernig fer fundur vopna-
framleiðenda saman við ímynd
Reykjavíkurborgar? Dagur svarar
því til að þessi fundarhöld séu ekki á
vegum borgarinnar „og því ekki
hægt að tala um það að við séum að
laða að okkur vopnasöluráðstefn-
ur“.
Stefán Eiríksson lögreglustjóri
segir það ekki ólöglegt fyrir
vopnaframleiðslufyrirtæki að
halda fundi á Íslandi.
Hann hafði ekki heyrt af fund-
inum þegar blaðamaður spjallaði
við hann og vildi fá nánari upplýs-
ingar til að geta brugðist við. Lög-
reglan láti ekki til skarar skríða
nema einhver geri athugasemd
eða bendi á ólöglegt athæfi.
„Hverjum eru þeir að selja
vopn? Ef þeir eru í sölustarfsemi
sem kallar á útgáfu leyfa þá er
það eitthvað sem þarf að skoða, en
ég sé ekki neinn flöt á þessu,
miðað við þessa lýsingu,“ sagði
Stefán.
Svandís Svavarsdóttir, oddviti
Vinstri grænna, svaraði ekki
skilaboðum vegna málsins. En
Sóley Tómasdóttir, varaborgar-
fulltrúi VG, sem barðist gegn
klámráðstefnunni á sínum tíma,
sagði hins vegar að flokkurinn og
hún hefðu ekki myndað sér skoð-
un á málinu.
Stefán Pálsson, formaður sam-
taka hernaðarandstæðinga, hefur
þó myndað sér skoðun. Hann
tekur klámráðstefnuna sem dæmi
og minnir á viðbrögð þáverandi
borgarstjóra. Hann hafi séð
ástæðu til að biðja lögreglu að
„rannsaka hvort viðkomandi aðil-
ar hefðu orðið uppvísir að ýmsum
brotum, sem var nú samt engin
sérstök ástæða til að ætla að þeir
hefðu gerst sekir um. Núna erum
við hins vegar með aðila sem hafa
beinlínis verið bornir afar þung-
um sökum um mútugreiðslur,
vopnasölu til Sádi-Arabíu og
víðar.“
Ekki náðist í Vilhjálm Þ. Vil-
hjálmsson, fyrrverandi borgar-
stjóra, og Björn Bjarnason dóms-
málaráðherra svaraði ekki
tölvupósti né skilaboðum. Það
gerði hótelstjóri Nordica ekki
heldur.
Ekkert athugavert
við vopnaráðstefnu
Borgarstjóri og lögreglustjóri segjast enga ástæðu hafa til að fetta fingur út í
fund vopnaframleiðenda á hóteli í Reykjavík. VG hafa ekki myndað sér skoðun
en hernaðarandstæðingar segja þetta alvarlegra mál en klámráðstefnu.
Kaupmáttaraukn-
ing og efnahagslegur stöðugleiki,
hækkun lægstu launa og launa-
þróunartrygging ber hæst í mark-
miðum Starfgreinasambandsins í
komandi kjaraviðræðum við Sam-
tök atvinnulífsins, SA, en mark-
miðin voru kynnt SA í gær.
Stórbæta verður kjör þeirra
sem lægst hafa launin og tryggja
að kaupmáttur þeirra sem setið
hafa eftir í launaþróuninni
hækki umtalsvert meira en ann-
arra. Samið verði um að taxt-
ar verði færðir nær greiddu
kaupi og öryggisnetið þar með
gert tryggara og samið verði til
tveggja ára, eftir því sem fram
kemur á vef Starfsgreinasam-
bandsins.
Kynnti kröfur
sínar fyrir SA
Yfirmaður
kosningaréttardeildar bandaríska
dómsmálaráðuneytisins baðst í
gær afsökunar á ummælum
sínum um að öldrun væri ekki
vandamál meðal svartra kjósenda
þar sem þeir dæju áður en þeir
yrðu gamlir, annað en hvítir.
John Tanner lét ummælin falla
á fundi um kosningalög og áhrif
þeirra á eldri borgara og
minnihlutahópa. „Útskýringar
mínar á gögnum komu út á
særandi hátt sem ég sé mikið
eftir.“
Nokkrir þingmenn Demókrata-
flokksins hafa kallað eftir því að
Tanner verði rekinn.
Ummæli um
öldrun særandi
Fjörutíu nýir ráðsmenn
bætast inn á launaskrá Reykjavík-
urborgar, samkvæmt tillögu nýs
meirihluta, sem samþykkt var á
fundi stjórnkerfisnefndar Reykja-
víkur í gær.
Samkvæmt tillögunni verður
fulltrúum í hverfisráðum borgar-
innar fjölgað úr þremur í sjö.
Júlíus Vífill Ingvarsson, borg-
arfulltrúi Sjálfstæðisflokks, segir
þetta gert „til að hlaða inn fólki úr
pólitísku baklandi nýs meiri-
hluta“.
Þetta geti „tæpast talist góð
stjórnsýsla eða rekstur, enda hafa
hverfaráðin vandræðalega lítið
hlutverk“, segir hann.
Hverfaráð hafi ekkert vald
stjórnskipulega, þau fjalli um hluti
sem þeim er ekki ætlað að hrinda í
framkvæmd. Skipulagstillögur úr
skipulagsráði eru til dæmis sendar
til kynningar til ráðanna, sem gefa
umsagnir um þær.
Júlíus segir að með þessu sé
dregið úr vægi íbúa við ákvarð-
anatöku. „Þarna er pólitískt ráð að
senda öðru pólitísku ráði tillögur, í
stað þess að fá hreina og ómeng-
aða skoðun íbúanna í hverfunum.
Það er spurning hversu sanngjarnt
það er,“ segir Júlíus Vífill: „Þetta
væri kannski í lagi ef þessu fylgdu
einhver ný verkefni, en þau eru
ekkert til að tala um.“
Fjörutíu nýir inn á launaskrá
Þegar Bandaríkjaher fór af Keflavík-
urflugvelli ákvað annar her að taka við. Hjónin Ester
og Wouter van Gooswilligen, foringjar í Hjálpræðis-
hernum, hafa komið sér fyrir í Reykjanesbæ ásamt
þremur börnum sínum og eru stórhuga um framtíð
safnaðarins.
„Við vildum koma starfinu út fyrir höfuðborgar-
svæðið. Nú starfar Hjálparæðisherinn aðeins í Reykja-
vík og á Akureyri,“ segir Ester og segir þau hjónin hafa
ákveðið að flytja til í von um koma að gagni.
Bílskúr fjölskyldunnar var breytt í kapellu fyrir
samkomur og hjónin halda úti líflegu gospelkóra-
starfi fyrir börn og fullorðna. Á sunnudag standa kór-
arnir fyrir gospelhátíð í samkomusal við Tree Lane
götu á Keflavíkurvelli.
Til stendur að finna húsnæði á Keflavíkurvelli
þar sem starfrækt verður fjölskyldumiðstöð. Hjónin
munu nýta sér reynslu síðastliðinna ára hjá norska
Hjálpræðishernum og bjóða upp á hjónanámskeið,
ungbarnasöngnámskeið auk þess að starfrækja frí-
stundaheimili sem leggja mun áherslu á heimilislegt
umhverfi og aðstoð fjölskyldur undir álagi og börn
með sértæk vandamál.
Ester er íslensk og hefur unnið við barnavernd
í Noregi undanfarin ár, þar sem hún kynnist hol-
lenskum eiginmanni sínum. Hún starfar nú á frí-
stundaheimili í Reykjanesbæ og kynnir sér íslensk-
ar aðstæður. „Við reynum að sjá hvar þörfin er og
höfum orðið vör við þörf á meiri stuðningi við fjöl-
skyldur. Hér eru margar stórar barnafjölskyldur
og innflytjendur. Við viljum vera með í að þróa nýtt
samfélag og höfum hug á að starfrækja Hjálpræð-
isher með svipuðu móti og þekkist erlendis þar sem
lögð er meiri áhersla á fjölskylduna en tíðkast hefur
á Íslandi.“
Breyttu bílskúrnum í kapellu
Viltu að Kolaportið verði áfram
í Tollhúsinu?
Spilar þú tölvuleiki?