Fréttablaðið - 31.10.2007, Blaðsíða 19

Í Perú blandast saman minjar frá nýlendutíma Spán-
verja og fornri menningu Inkanna. Mannlífið er líka
litskrúðugt. Hugrún Hannesdóttir fararstjóri kann að
lýsa því.
„Ég hef bæði séð Kínamúrinn og píramída Egyptalands en
þetta var mesta ævintýri lífs míns til þessa,“ segir Hugrún,
sem er nýkomin frá Perú, alveg hugfangin. Þar var hún
annar tveggja fararstjóra með um 30 manna hóp á aldursbil-
inu 20 til 73 ára á vegum Bændaferða. „Eftir ferðina
er einkum tvennt sem stendur upp úr. Það er
annars vegar mannlífið í sveitum landsins sem
fyrir okkur er eins og að fara aldir aftur í tím-
ann. Hins vegar Maccu Picchu, hin týnda borg
Inkanna og eitt af undrum veraldar,“ lýsir hún
og er beðin um meira. „Víða úti á landi er fólk
enn á hirðingjastigi og býr með sínar hjarðir af
alpacadýrum eða lamadýrum á hásléttunum. Langt
er til læknis ef einhver veikist og engin fjárráð til að
borga honum og þótt skólaskylda sé í landinu þá alast
mörg börn upp án menntunar því það tæki þau marga
klukkutíma að ganga í skólann. En það eru allir
glaðir og elskulegir og í litríkum fötum. Vantar
ekkert upp á það þó að fólk hafi ekki mikið handa
á milli. Við fórum í heimsókn á bóndabæ. Hús-
freyjan var að elda kartöflur þegar við komum og
önnur dóttirin að mala korn á steini. Við fengum
að sjá fletið þar sem hjónin sofa og var boðið að
bragða á veitingum. Nagdýr voru í litlu búri bak
við hús, voða krúttleg en þau biðu þess að
verða sunnudagsmatur fjölskyldunnar.“
Spurð hvort hætta sé á veikindum í ferð á
svona framandi slóðum segir hún reynt að úti-
loka það með góðum undirbúningi. „Það skiptir mjög miklu
máli að hafa allar bólusetningar í lagi og flest okkar fengu
sýklalyf og sótthreinsandi krem hjá lækni áður en lagt var
af stað.“
Þá er komið að lýsingum á Maccu Picchu sem Hugrún
heimsótti 11. október. „Maccu Picchu er týnda borgin. Hún
er einu minjar Inkanna sem Spánverjar náðu ekki að stór-
skemma af því þeir fundu hana aldrei þótt þeir heyrðu sögur
um hana. Ég hafði velt því fyrir mér hvernig hægt væri að
týna heilli borg en í stórkostlegri lestarferð þangað skildi ég
hvernig það hafði gerst. Fjallið sem borgin stendur á er í
miðjum frumskógi og farið var gegnum djúpa dali þar
sem undirlendi er ekkert. Við horfðum gegnum
þakrúðurnar í lestinni til að njóta útsýnis. Svo
var farið í umhverfisvænum rútum upp á þetta
fjall, Maccu Picchu og þar er borgin sem er eitt
af því merkilegasta sem fundist hefur.“
Ekið var uppí 4.800 metra hæð og farið um
næstdýpsta gljúfur heims. Höfuðborgin
Lima heimsótt og einnig Arequipa sem
Hugrún kallar hvítu borgina enda sé
hún byggð úr hvítum eldfjallasteini og
þekkt fyrir fagrar byggingar. Beðin
um eina skemmtisögu í lokin kemur
þessi. „Við heimsóttum eyjar-
skeggja á Tequile-eyju þar sem
fullorðnir karlmenn ganga með
húfur sem segja til um hjúskapar-
stöðu þeirra. Kvæntir menn ganga
með rauðar húfur en ókvæntir með
rauðar og hvítar og svo fer það eftir
því hvar dúskurinn er hvort karlinn
er alveg á lausu eða ekki!“
Kvæntir með rauðar húfur
Nú eru ekki nema tæpar átta
vikur til jóla og því ekki seinna
vænna en að fara að huga að
jólahlaðborðinu fyrir fyrirtæki,
hópa eða fjölskyldur.
Að vanda keppast veitingastaðir
við að kynna jólahlaðborð sín sem
eru hvert öðru glæsilegra.
Fyrir minni fyrirtæki og hópa
er alveg kjörið að bregða sér út
fyrir bæinn og fara á jólahlaðborð
þar sem einnig er boðið upp á gist-
ingu. Hótel Glymur í Hvalfirði
býður upp á jólahlaðborð með
fínum mat og flottum vínum en
þar er einnig hægt að skoða list-
sýningar og fallegar jólaskreyt-
ingar. Að jólahlaðborðinu og
skemmtuninni lokinni geta svo
gestirnir rölt upp á hótelherbergi
og gist í eina nótt áður en haldið er
heim á ný.
Hlaðborð
í sveitinni
Þegar snjór er á jörð er fátt
skemmtilegra en renna sér á
sleða niður góða brekku.
Kamburinn heitir manngerð hæð
á milli tveggja nýrra hverfa í
Reykjanesbæ, Tjarnahverfi og
Dalshverfi. Þaðan er gott útsýni
og á kvöldin má sjá fallega lýsingu
í Kambinum sem minnir á hraun-
elfur. Niður af Kambinum hefur
nú líka myndast frábær sleða-
brekka sem var óspart notuð í
snjónum síðustu tvo daga. Varað
við því að börn renni sér á slöng-
um niður Kambinn svo þeir sem
vilja taka sér þar salíbunu verða
að hafa með sér sleða.
Salíbuna
París er fallegust
á haustin
– og enn fallegri með þaulreyndum
íslenskum fararstjóra
ÚRVAL-ÚTSÝN ~ LÁGMÚLA 4 ~ 108 REYKJAVÍK ~ SÍMI 585 4000 ~ FAX 585 4065 @UU.IS
INTERCONTINENTAL PARIS LE GRAND
Lúxushótel í konunglegum stíl frá tímum Napóleons.
Parísaróperan, helstu vöruhús og merkjavöruverslanir
Parísar eru innan seilingar. Herbergin eru í Hausmann stíl
með vönduðum húsgögnum og öllum helstu þægindum.
Verð frá: 59.920,-
á mann í 3 nætur 2. og 30. nóv.
Verð frá: 79.918,-
á mann í 3 nætur 23. og 30. nóv.
Fallegt og nútímalegt hótel í hjarta Parísar skammt frá
Signubökkum og í göngufæri frá listasöfnunum Louvre
og Pompidou. Herbergin eru björt og öll aðstaða er
aðlaðandi, nútímaleg og afar hlýleg.
NOVOTEL LES HALLES
Ferðaskrifstofa
Innifalið:Flug, flugvallarskattar, íslensk fararstjórn oggisting með morgunverði. Verð miðastvið að
bókað sé á netinu. Ef bókað er á skrifstofueða símleiðis erbókunargjald2.500 kr. fyrir hvern farþega.
Í París fæðast straumar og stefnur í tísku jafnt
sem matargerð sem breiðast út um allan heim.
Kennileiti borgarinnar eru fyrir löngu orðin
goðsagnakennd. Eiffel turninn, Champs Elysées
og latínuhverfið er nokkuð sem erfitt er að lýsa
með orðum. Ferðir okkar til Parísar eru undir-
búnar í samstarfi við Icelandair og því er hægt
að nýta sér frábæra þjónustu flugfélagsins.
Fararstjóri okkar í París tekur á móti
hópnum og aðstoðar þá
sem það vilja. Kíktu til
Parísar í haust og upplifðu
eina fallegustu borg
Evrópu með topp þjónustu.
„Við förum í gönguferð um gömlu listamannahæðina Montmartre. Stóra hvíta
kirkjan, listamannatorgið Place de Tertres og litlu þröngu göturnar eru staðir
sem margir kannast við úr kvikmyndum. Woody Allen hefur kvikmyndað
í þessu hverfi og franska myndin Amelie gerist öll á Montmartre.“
- Kristín Jónsdóttir, fararstjóri Úrvals - Útsýnar í París