Fréttablaðið - 17.11.2007, Síða 52

● hús&heimili
1. Sanseruð Columbia pressukanna í sérstök-
um stíl frá versluninni Duka. Þegar kaffi er
malað fyrir pressukönnur er það haft eilítið
grófara en fyrir sjálfvirkar kaffikönnur. Kaff-
ið er sett í pressukönnuna og sjóðandi vatni
hellt yfir. 9.500 krónur.
2. Fallega skreytt pressukanna frá Menu
sem fæst í versluninni Tékk kristal. Passið að
sjóða ekki vatnið of lengi áður en því er hellt
yfir kaffið, annars fer súrefnið úr vatninu. Hrærið vel í en ró-
lega, bíðið 2-3 mínútur og þrýstið hægt niður. 4.995 krónur.
3. Silfurlit og hvít espressokanna úr versluninni Villeroy&Boch.
Espressokaffið var þróað í Mílanó á Ítalíu snemma á tuttugustu öld-
inni. Espresso er búið til með því að þrýsta heitri gufu við mikinn
þrýsting í gegnum mjög fínmalað kaffi. 7.290 krónur.
4. Glansandi Chambord espressokanna úr
versluninni Duka. Það sem einkennir espresso-
kaffi er að það er þykkara en venju-
legt kaffi og er hver skammtur
mun minni. Hvert „skot“ er að-
eins um 30 ml. 11.900 krónur.
5. Ilsa espressokanna úr stáli úr
versluninni Te&kaffi. Þessi er fyrir
tvo bolla en má einnig fá í öðrum
stærðum fyrir 4, 6 og 10 bolla. 5.400
krónur.
6. Klassísk espressokanna frá
Bialetti úr versluninni Te&kaffi.
Tekur 3 bolla en má fá fyrir 1, 2, 6
og 9 bolla. 2.020 krónur.
Kaffiilmurinn úr eldhúsinu
● Fátt þykir betra en rjúkandi kaffibolli úr nýmöluðum baunum í morgunsárið. Sumir hlaupa á næsta kaffihús til
að fá sér lífgjöfina meðan öðrum líkar betur að brugga kaffið heima í eldhúsinu. Klassískar kaffivélar eru
ekki í hávegum hafðar hjá kaffisælkerum sem vilja heldur espresso-vélar. Fyrir þá sem drekka kaffi sjald-
an eða vilja aðeins hella upp á fáeina bolla eru pressukönnur einnig hentugar.
1
2
3
4
5
6
17. NÓVEMBER 2007 LAUGARDAGUR12