Fréttablaðið - 03.12.2007, Blaðsíða 12

12 3. desember 2007 MÁNUDAGUR
M
ynd: H
alldór S
igurðsson
Kryddaðu eldhúsið
með heimilistækjum
frá Siemens.
Nóatúni 4 · Sími 520 3000
www.sminor.is
Espressó-kaffivélar,
bjóðum upp á mikið úrval.
Tilvalin jólagjöf handa
heimilisfólkinu.
Heimilistæki, stór og smá,
ljós, símar, pottar og
pönnur.
SVEITARSTJÓRNIR „Það er töluverð óánægja meðal
landeiganda,“ segir Örn Þórðarson, sveitarstjóri
Rangárhrepps ytri, sem hefur að undanförnu hafnað
umsóknum ýmissa jarðeiganda sem vilja skipuleggja
sumarhúsabyggðir á landi sínu.
Örn segir ástæðuna fyrir þessari stefnubreytingu
vera vatnsverndarmál. „Það hefur verið látið óátalið
um allt land að byggja við vatnsból af því að við eigum
svo mikið af vatni og við þurfum miklu frekar á fólki
að halda en vatni. Nú er þetta að breytast og verðmæti
vatns að aukast. Þegar koma inn beiðnir í dag um að fá
að byggja sumarhús á vatnsverndarsvæði erum við
farnir að segja nei,“ útskýrir sveitarstjórinn.
Örn bendir á að undanfarin ár hafi jarðaverð stöðugt
hækkað með vaxandi ásókn. Fjárfestar hafi séð sér
leik á borði. „Menn hafi kannski keypt jörð á 200
milljónir króna og síðan skipulagt sumarbústaðabyggð
á hluta hennar og selt fyrir 100 milljónir. Landeigend-
ur eru ósáttir við að ná ekki þeirri nýtingu á landið
sem þeir stefndu að. Það er ömurlegt að leggja stein í
götu fólks en við verðum að horfa fimmtíu til hundrað
ár fram í tímann. Þegar þar að kemur viljum við ekki
vera með sumarhúsabyggð beinlínis ofan í miðjum
vatnsbólunum eins og dæmi eru um,“ segir Örn.
Að sögn Arnar vakna spurningar um skaðabótaá-
byrgð þegar sveitarfélag neitar landeiganda um breytt
skipulag. „Samkvæmt skipulagslögum er ekki
bótaskylda en það er slíkt mál ofan úr Hrunamanna-
hreppi í gangi núna fyrir dómstólum sem verður
fróðlegt að fylgjast með,“ segir hann
Rangárhreppur ytri hefur þegar gengið frá því við
landbúnaðarráðuneytið að fá að kaupa landgræðslu-
jörðina Gröf sem er norðan við Hellu. Ósamið er um
kaupverð en upphæðin á að renna til landgræðslu á
Gunnarsholti. Ekki er vatnsverndarsvæði á Gröf en
Örn segir jörðina ætlaða til stækkunar sveitarfélags-
ins.
Örn segir að sveitarfélagið hafi falast eftir fleiri
ríkisjörðum, meðal annars Geldingalæk ofan Gunnars-
holts. „Þar er gríðarlega stórt vatnsból en á þessu stigi
málsins féllst landbúnaðarráðuneytið ekki á að selja
okkur þá jörð,“ segir Örn Þórðarson.
gar@frettabladid.is
Vernda vatnsból og
hafna sumarhúsum
Sveitarstjóri Rangárþings ytra segir sveitarfélagið farið að sporna fótum við nýj-
um sumarhúsbyggðum, landeigendum til vonbrigða. Hann segir heimamenn
vilja tryggja vatnsból og uppbyggingu og falast því eftir kaupum á ríkisjörðum.
SVEITARSTJÓRNIR Broddanesskóli í
Kollafirði í Strandasýslu verður
hugsanlega seldur.
Hjón sem búa á bænum
Miðhúsum þar skammt frá ásamt
foreldrum annars þeirra hafa
falast eftir skólabyggingunni í
Broddanesi, sem ekki hefur verið
nýtt til skólahalds í þrjú ár.
Hjónin vilja kaupa eða leigja
skólann. Sveitarstjórnin sam-
þykkti að kanna möguleika á að
setja bygginguna á sölu hið
fyrsta.
Broddanesskóli er samtals um
500 fermetrar með íbúð sem
fylgir. Húsið var reist árið 1978.
- gar
Strandamenn losa eignir:
Broddanesskóli
líklega seldur
UMHVERFISMÁL Sjö stjórnarmenn
Sorpu, einn fyrir hvert byggðar-
lag á höfuðborgarsvæðinu,
klipptu á borða til að opna
formlega nýtt endurvinnslu-
svæði hjá Sorpu í Gufunesi á
föstudag.
Endurvinnslusvæðið hefur
hlotið nafnið Straumur til
framtíðar.
Þar eru mismunandi tegundir
úrgangs til endurvinnslu
aðgreindar betur en verið hefur.
Afkastamiklar vélar sjá um að
þjappa úrganginum, hundruðum
tonna á dag, áður en baggarnir
eru sendir áfram í næsta líf, sem
í þeirra tilviki hefst í Svíþjóð. - bj
Nýtt endurvinnslusvæði Sorpu í Gufunesi formlega tekið í notkun á föstudag:
Bagga hundruð tonna á dag
BANDARÍKIN, AP Lát virðist vera á
þeirri miklu aukningu í offitu
sem orðið hefur meðal fullorð-
inna í Bandaríkjunum undanfarin
tuttugu ár að því er bandarísk
stjórnvöld hafa greint frá.
Um 33 prósent karla og 35
prósent kvenna þjáðust af offitu á
tímabilinu 2005 til 2006 sam-
kvæmt viðamikilli könnun
bandarísku sjúkdómavarnastofn-
unarinnar. Aukningin frá
tímabilinu á undan var um tvö
prósentustig sem yfirvöld segja
ekki tölfræðilega marktækt. - sdg
Ómarktæk aukning milli ára:
Of feitum fjölg-
ar hægar í BNA
ÚKRAÍNA, AP Brothættur meirihluti
var myndaður á úkraínska þinginu
á fimmtudag milli
flokkanna tveggja
sem komust til
valda í appelsínu-
gulu byltingunni
árið 2004.
Samanstendur
meirihlutinn af
227 þingsætum
sem er aðeins
einu sæti meira
en þarf til að ná meirihluta.
Leiðtogar flokkanna tveggja,
Viktor Jústsjenko, forseti Úkraínu,
og Júlía Týmosjenko, náðu
samkomulagi um stjórnarsáttmála
þar sem gert er ráð fyrir að
Týmosjenko taki við sem forsætis-
ráðherra og flokkur Jústsjenkos
fái að velja þingforseta. Hafa
flokkarnir nú mánuð til að mynda
ríkisstjórn. - sdg
Fyrrum bandalagsflokkarnir:
Nýr þingmeiri-
hluti í Úkraínu
VIKTOR JÚS-
JENKÓ OG JÚLÍA
TÝMOSJENKÓ
Samtök sunnlenskra sveitarfélaga hafa skorað á sveitar-
félög að huga í ríkari mæli að framtíðarvatnsbólum og
vatnsvernd í kringum þau. Hægt sé að losa verðmætt land
undan núverandi vatnsvernd en tryggja um leið öruggt
neysluvatn annars staðar frá. „Það á að vera réttur hvers
einstaklings að hafa aðgengi að góðu og heilnæmu vatni
óháð búsetu hans,“ segir í ályktun frá ársþingi Samtaka
sunnlenskra sveitarfélaga.
ÁKLYKTUN UM VATNSBÓL
HELLA Sveitarstjórnarmenn í Rang-
árhreppi ytri vilja tryggja vatnsból til
langrar framtíðar og veita því ekki
leyfi fyrir nýrri byggð á vatnsverndar-
svæðum.
ÖRN ÞÓRÐARSON Sveitar-
stjóri Rangárhrepps ytri.
KLIPPT Á BORÐA Sjö stjórnarmenn klipptu á borða til að opna svæðið á föstudaginn.
FRÉTTABLAÐIÐ/VÖLUNDUR
GLERFLAUTA Japanski flautuleikarinn
Gazan Watanabe spilar þarna á forláta
glerflautu. Það tók ellefu manns þrjá
mánuði að smíða flautuna, sem er
svokölluð shakuhachi-flauta. Slíkar
flautur eru venjulega gerðar úr bamb-
us. FRÉTTABLAÐIÐ/AP
Nokkur erill hjá lögreglu
Nokkur erill var hjá lögreglunni á höf-
uðborgarsvæðinu í fyrrinótt. Tveir voru
gripnir við ölvunarakstur og upp komu
tvö smærri fíkniefnamál. Fjórir gerðust
brotlegir við lögreglusamþykktir.
LÖGREGLUFRÉTTIR