Fréttablaðið - 03.01.2008, Side 10

10 3. janúar 2008 FIMMTUDAGUR
AKRANES Ný innisundlaug og nýtt
húsnæði fyrir bókasafn er á meðal
þess sem bæjarstjórn Akraness
samþykkti við afgreiðslu fjárhags-
áætlunar fyrir árið 2008.
Innisundlaugin verður byggð að
Jaðarsbökkum, þar sem fyrir er
útisundlaug. Hún verður 25 metra
löng og átta brauta.
Þá var samþykkt að gera ráð
fyrir fjármunum fyrir nýtt
húsnæði bóka-, héraðsskjala- og
ljósmyndasafns Akraness. - þeb
Fjárhagsáætlun Akraness:
Samþykktu
nýja sundlaug
MENNTAMÁL Samningur um
samstarf á sviði menntunar og
rannsókna í sjávarútvegi var
undirritaður nýlega á milli
Háskólans á Akureyri og LÍÚ.
Samningurinn er til þriggja ára.
Meginmarkmið samningsins er
að styrkja forystuhlutverk HA á
sviði menntunar og rannsókna í
sjávarútvegi. Lögð verður áhersla
á að fjölga nemendum sem leggja
stund á nám í sjávarútvegsfræði.
Sérstaklega verður horft til
viðhorfs og þarfa atvinnugreinar-
innar.
Til að ná þessum markmiðum
leggur LÍÚ fram 45 milljónir
króna á þremur árum. Mennta-
málaráðuneyti leggur fram
jafnhá viðbótarframlög til HA í
sama tilgangi. Skipuð verður
verkefnisstjórn til að hafa umsjón
með framgangi samningsins. - shá
Rannsóknir í sjávarútvegi:
Auka rannsóknir
fyrir 90 milljónir
TYRKLAND, AP Löndum þar sem
reykingum er úthýst með lögum
fjölgar óðum. Nú stefnir í að
Tyrkland bætist í þann hóp. Á
tyrkneska þinginu er til umfjöllun-
ar stjórnarfrumvarp, sem kveður á
um að það bann sem þegar er í
gildi í strætisvögnum, flugvélum
og á stærri skrifstofum verði fært
út til allra opinberra staða
innandyra, þar með talinna
veitingastaða, kaffi- og öldurhúsa.
Þess er vænst að atkvæði verði
greidd um frumvarpið á næstu
dögum. Recep Tayyip Erdogan
forsætisráðherra og flokkur hans
styðja frumvarpið og því er nær
gefið að það verði að lögum. - aa
Hert á tóbaksvörnum:
Reykingabann
rætt í Tyrklandi
Nýtt ráðuneyti
Sjávarútvegs- og landbúnaðarráðu-
neytið tók til starfa 1. janúar 2008 við
sameiningu sjávarútvegsráðuneytis
og landbúnaðarráðuneytis. Aðsetur
þess er á Skúlagötu 4, þar sem sjávar-
útvegsráðuneytið var til húsa.
STJÓRNSÝSLA
HAFNARFJÖRÐUR Fjárhagsáætlun Hafnarfjarðar fyrir
næsta ár hefur verið tekin til fyrri umræðu í
bæjarstjórn. Gert er ráð fyrir miklum framkvæmd-
um á næsta ári. Lokaframkvæmdir verða við nýja
sundmiðstöð, framkvæmdir verða við íþróttamiðstöð-
ina í Kaplakrika og við leikskóla og grunnskóla.
Umfangsmikil gatnagerð verður á Völlum og á
nýjum iðnaðar- og atvinnusvæðum í Hellnahrauni og
Kapelluhrauni. Umhverfi Lækjarins frá Hverfisgötu
að Strandgötu verður lagað, haldið áfram með gerð
strandstígs við Norðurbakkann og lokið við nýtt
útisvæði og torg við Byggðasafnið.
Hafnarfjarðarbær á 100 ára afmæli á næsta ári og
verður menningardagskrá allt árið, að sögn Steinunn-
ar Þorsteinsdóttur upplýsingafulltrúa, sem nær
hámarki í byrjun júní. Í tilefni afmælisins verður
lokið endurbótum á sýningar- og móttökuhúsi
bæjarins, unnið að endurbótum á Hellisgerði og
uppbyggingu útivistarsvæðis við Hvaleyrarvatn.
Seinni hluta næsta árs verður lokið við endurbygg-
ingu dælustöðvar. Þá verður smíðaður 6.000 tonna
vatnsmiðlunargeymir við Kaldárselsveg og rannsókn-
arholur boraðar. Gert er ráð fyrir nýjum langtíma-
lánum vegna átaks í kaupum á leiguíbúðum.
Heildareignir samstæðunnar eru um 33,3 milljarð-
ar í árslok 2008 og skuldir tæpir 26 milljarðar.
Veltufé frá rekstri er tæplega 1,7 milljarðar króna
eða um tólf prósent af heildartekjum. - ghs
Hafnarfjarðarbær fagnar 100 ára afmæli á næsta ári:
Miklar framkvæmdir fram undan
AFMÆLISDAGSKRÁ OG FRAMKVÆMDIR Hafnarfjarðarbær á
100 ára afmæli á næsta ári og verður með viðamikla afmæl-
isdagskrá auk þess sem miklar framkvæmdir verða í bænum,
ekki síst í miðbænum. FRÉTTABLAÐIÐ/VILLI
HEILSA Lestur við litla birtu hefur
ekki slæm áhrif á augun. Ekki er
heldur þörf á því að drekka átta
vatnsglös á dag til að viðhalda
heilsunni, og hár vex ekki hraðar
eftir að það er rakað. Þessar kerl-
ingabækur eru meðal þeirra sjö
sem eru afsannaðar í jólaútgáfu
British Medical Journal.
Greinina skrifa tveir banda-
rískir vísindamenn, sem rannsök-
uðu sjö vinsælar kreddur til að
komast að sannleiksgildi þeirra.
Þeir fundu engan vísindalegan
grundvöll fyrir neinni þeirra.
Samkvæmt niðurstöðum vís-
indamannanna bendir ekkert til
þess að við notum aðeins tíu pró-
sent af heilanum, þvert á móti
sýna myndir að ekkert svæði í
heilanum er óvirkt. Hár og neglur
halda ekki áfram að vaxa eftir
dauða, heldur lítur aðeins út fyrir
það þegar húðin þornar og
skreppur saman.
Þeir komust einnig að því að
engin hætta stafar af notkun far-
síma á sjúkrahúsum, þrátt fyrir
að notkun þeirra sé bönnuð þar
víða um heim.
Síðasta mýtan sem vísinda-
mennirnir rannsökuðu er ekki
algeng hér á landi, en hún segir
að maður verði syfjaður af
kalkúnaáti. Ekkert var til í því.
- sþs
Tveir bandarískir vísindamenn rannsökuðu sannleiksgildi sjö kerlingabóka:
Óþarfi að drekka átta vatnsglös
VATN Enginn vísindalegur grundvöllur er
fyrir því að innbyrða þurfi átta vatnsglös
á dag til að viðhalda góðri heilsu.
HENGDIR Í ÍRAN Þrettán manns voru
hengdir í gær í Íran, þar á meðal móðir
tveggja ungra barna sem hlaut lífláts-
dóm fyrir að hafa myrt eiginmann
sinn, sem hafði haldið framhjá henni.
Mennirnir þrír á myndinni eru sagðir
hafa verið eiturlyfjasmyglarar.
NORDICPHOTOS/AFP